Read Original Shona Union Bible 1949 Baiberi Magwaro Matȿene aMŋari I ƲaKorinte 12 Bible Online

I ƲaKorinte 12 - Original Shona Union Bible 1949 Baiberi Magwaro Matȿene aMŋari bible

I ƲaKorinte 12

¹Ɀino, kana ɀiri ɀipo ɀoMŋeya, hama dzaŋgu, handiɗi kuti muʋe ʋasiŋgaziʋi.

²Munoziʋa kuti paŋguʋa yamaiʋa ʋahedeni, makaŋga mucikweʋerwa kuɀifananidzo, ɀisiŋgagoni kutaura, seɀamaituŋgamirirwa.

³Saka ndinokuziʋisai kuti hakunomunhu unotaura noMŋeya waMŋari, uŋgati: Jesu ŋgaatukwe! Ʋuye, hakunomunhu uŋgati: Jesu ndiye Ishe, asi noMŋeya Mutȿene.

⁴Ɀino marudzi mazhinji eɀipo ari’po, asi Mŋeya ndomumŋe.

⁵Marudzi mazhinji okushumira ari’po, ʋuye Ishe mumŋe.

⁶Marudzi mazhinji amaɓasa ari’po, asi Mŋari mumŋe, iye unoɓata ɀose munaʋose.

⁷Asi mumŋe nomumŋe unopiwa kuratidzwa kwoMŋeya, kuti ʋose ʋaɓatsirwe.

⁸Nokuti mumŋe unopiwa noMŋeya shoko roʋucenjeri, mumŋe shoko rokuziʋa noMŋeya iwoyu;

⁹mumŋe, kutenda muMŋeya iwoyu; mumŋe, ɀipo ɀokuporesa muMŋeya iwoyu;

¹⁰mumŋe, kuita maɓasa esimba; mumŋe, kuprofita; mumŋe, kuziʋisisa mŋeya; mumŋe, marudzi endimi; mumŋe kuɗudzira ndimi;

¹¹asi iɀi ɀose ɀinoitwa noMŋeya iwoyu mumŋe cete, unogoʋera mumŋe nomumŋe seɀaanoɗa.

¹²Nokuti somuʋiri uri mumŋe, unemitezo mizhinji, nemitezo yose yomuʋiri, kunyaŋge iri mizhinji, muʋiri ndomumŋe cete; wakaɗaro ʋo Kristu.

¹³Nokuti muMŋeya mumŋe isu tose takabapatidzirwa mumuʋiri mumŋe; kana tiri ʋaJuda, kana ʋaGiriki, kana ʋaranda, kana ʋakasunuŋguka; isu tose takanwiswa paMŋeya mumŋe.

¹⁴Nokuti muʋiri hauzi mutezo mumŋe, asi mizhinji.

¹⁵Kana rutsoka rukati: Ɀandisati ndiri ruʋoko, handizi womuʋiri; ko haruzi rwomuʋiri, ɀarwaɗaro here?

¹⁶Nenzeʋe kana ikati: Ɀandisati ndiri ziso, handizi womuʋiri; ko haizi yomuʋiri here?

¹⁷Kana muʋiri wose raiʋa ziso, kunzwa kwaiʋepiko? Kana wose kwaiʋa kunzwa, kunhuwidza kwaiʋepiko?

¹⁸Asi ɀino Mŋari wakaisa mutezo mumŋe nomumŋe pamuʋiri seɀaakaɗa.

¹⁹Kana yose waiʋa mutezo mumŋe, muʋiri waiʋepiko?

²⁰Asi ɀino kunemitezo mizhinji, asi muʋiri mumŋe.

²¹Ziso hariŋgati kuruʋoko: Handikuɗi; kana musoro ʋo kutsoka: Handikuɗiyi imi.

²²Kwete, ɀikuru mitezo iyo yomuʋiri ineŋge isinesimba, ndiyo inoɗikanwa;

²³nemitezo iyo yomuʋiri yatinoti haikudzwi, ndiyo yatinokudza kwaɀo; nemitezo iyo yeɗu isina‐kunaka, ndiyo yoʋa nokunaka kunopfuʋurisa;

²⁴asi mitezo yeɗu yakanaka, haishaiwi kukudzwa. Asi Mŋari wakaɓatanidza muʋiri wose, akakudza nokupfuʋurisa mitezo inoshaiwa kunaka;

²⁵kuti pamuʋiri parege kuʋa nokupesana; asi kuti mitezo iceŋgetane ɀakaenzana.

²⁶Kana mutezo mumŋe ucitambudzika, mitezo yose inotambudzika pamŋe cete nawo; kana mutezo mumŋe ucikudzwa, mitezo yose inofara pamŋe cete nawo.

²⁷Ɀino, imi muri muʋiri waKristu, nomumŋe nomumŋe mitezo yawo.

²⁸Mŋari wakaisa ʋamŋe pakereke, pakutaŋga ʋaapostora, rwecipiri ʋaprofita, rwecitatu ʋadzidzisi, teʋere ʋaiti ʋamaɓasa esimba, teʋere ɀipo ɀokuporesa, naʋaɓatsiri, naʋaɓati, namarudzi mazhinji endimi.

²⁹Ʋose ʋaapostora here? Ʋose ʋaprofita here? Ʋose ʋadzidzisi here? Ʋose ʋaiti ʋamaɓasa esimba here?

³⁰Ʋose ʋaneɀipo ɀokuporesa here? Ʋose ʋanotaura nendimi here? Ʋose ʋanoɗudzira here?

³¹Asi shiŋgairirai ɀipo ɀikuru. Ndinokuratidzai ʋo nzira yakaiȿo‐naka inopfuʋura dzose.