Read Original Shona Union Bible 1949 Baiberi Magwaro Matȿene aMŋari I ƲaKorinte 2 Bible Online

I ƲaKorinte 2 - Original Shona Union Bible 1949 Baiberi Magwaro Matȿene aMŋari bible

I ƲaKorinte 2

¹Ɀino ini, hama dzaŋgu, pakuʋuya kwaŋgu kwamuri, handina‐kuʋuya ndicikuparidzirai ʋucapupu bgaMŋari nokunaka kwamashoko, kana kwoʋucenjeri.

²Nokuti ndakati, handiŋgaziʋi cinhu pakati penyu, asi Jesu Kristu, iye wakaroʋerwa pamucinjikwa.

³Ndakaŋga ndiri pakati penyu noʋutera, nokutya, nokuɗeɗera kukuru,

⁴neshoko raŋgu nokuparidza kwaŋgu haɀizaiʋa namashoko okugombedzera oʋucenjeri; asi nokuratidza kwoMŋeya nokwesimba;

⁵kuti kutenda kwenyu kurege kuʋa muʋucenjeri bgaʋanhu, asi musimba raMŋari.

⁶Ɀino tinotaura ʋucenjeri pakati paʋakakura; asi ʋucenjeri bgusati bguri bgenyika ino, kana bgaʋaɓati ʋenyika ino ʋanoshaiswa simba.

⁷Asi tinotaura ʋucenjeri bgaMŋari bgakaʋanzika, bgakafukidzwa, bgakatemerwa kubginya kweɗu naMŋari, nyika isati yaʋa’po;

⁸bgusina‐kuzikanwa nomumŋe waʋaɓati ʋenyika ino; nokuti ɗai ʋaibguziʋa, ʋaŋgaɗai ʋaisaroʋera Ishe wokubginya pamucinjikwa.

⁹Asi seɀaɀakanyorwa, ɀicinzi: Iɀo ɀisina‐kuʋonekwa neziso, kana kunzwika nenzeʋe, Neɀisina‐kupinda mumŋoyo womunhu, Ndiɀo Mŋari ɀaakagadzirira ʋanomuɗa.

¹⁰Nokuti Mŋari wakaɀiratidza iɀo kwatiri isu noMŋeya; nokuti Mŋeya unonɀera ɀose, neɀakadzika ɀaMŋari.

¹¹Nokuti munhu ndoupiko unoziʋa ɀomunhu, asi mŋeya womunhu uri maari? Saiɀoɀo hakunomunhu unoziʋa ɀaMŋari, asi Mŋeya waMŋari.

¹²Ɀino isu hatina‐kugamucira mŋeya wenyika, asi Mŋeya unobva kunaMŋari; kuti tiziʋe iɀo ɀatakaŋgopiwa heɗu naMŋari.

¹³Ndiɀo ɀatinotaura ʋo, tisiŋgatauri namashoko atinodzidziswa noʋucenjeri bgomunhu, asi anodzidziswa noMŋeya; ticiɗudzira ɀinhu ɀoMŋeya kuʋanhu ʋoMŋeya.

¹⁴Ɀino munhu seɀaakaɓerekwa haagamuciri ɀinhu ɀoMŋeya waMŋari; nokuti ʋupenzi kwaari; haaɀinzwisisi, nokuti ɀinonzwisiswa noMŋeya.

¹⁵Asi uri woMŋeya unonzwisisa ɀose, asi iye amene haanzwisiswi nomunhu.

¹⁶Nokuti ndianiko wakaziʋa muraŋgariro waShe, kuti amudzidzise? Asi isu tinomuraŋgariro waKristu.