Read Original Shona Union Bible 1949 Baiberi Magwaro Matȿene aMŋari I ƲaKorinte 3 Bible Online

I ƲaKorinte 3 - Original Shona Union Bible 1949 Baiberi Magwaro Matȿene aMŋari bible

I ƲaKorinte 3

¹Ini, hama dzaŋgu, ndakaŋga ndisiŋgagoni kutaura nemi sokunaʋoMŋeya, asi sokunaʋenyama, sokunaʋacece munaKristu.

²Ndakakupai mukaka munwe, handina‐kukupai ɀokudya; nokuti makaŋga musiŋgagoni kudya, naɀino hamugoni.

³Nokuti muciri ʋenyama; nokuti ɀapacinegoɗo pakati penyu, negakaʋa, ko hamuzi ʋenyama, mucifamba nomutoʋo waʋanhu here?

⁴Nokuti kana mumŋe aciti: Ini ndiri waPauro; mumŋe: Ini ndiri waAporo; ko hamuzi ʋanhu here?

⁵Ɀino Aporo cinyiko? Pauro cinyiko? Ʋashumiri ʋamakatenda naʋo, mumŋe nomumŋe seɀaakapiwa naShe.

⁶Ini ndakasima, Aporo wakaɗiridza; asi Mŋari wakameresa.

⁷Naiɀoɀo unosima haazi cinhu, kana unoɗiridza; asi Mŋari unomeresa.

⁸Ɀino unosima nounoɗiridza ndaʋamŋe; asi mumŋe nomumŋe ucapiwa muɓairo wake, seɀaakaɓata.

⁹Nokuti tiri ʋaɓati pamŋe cete naMŋari; muri munda waMŋari, muri imba yaMŋari.

¹⁰Nenyasha dzaMŋari dzandakapiwa, ndakaroŋga nheyo somuʋaki wakacenjera; mumŋe unoʋaka pamsoro padzo. Ɀino mumŋe nomumŋe ŋgaacenjere kuti unoʋaka sei pamsoro padzo.

¹¹Nokuti hakunomumŋe uŋgaroŋga dzimŋe nheyo, asi idzo dzakaroŋgwa kare, ndiye Jesu Kristu.

¹²Ɀino kana munhu aciʋaka pamsoro penheyo idzi, ndarama, kana sirveri, kana mabge anokosha, kana matanda, kana ʋuswa, kana mashaŋga;

¹³ɓasa romumŋe nomumŋe ricaʋonekwa; nokuti zuʋa iro ricaɀiɓuɗisa pacena, nokuti ricaratidzwa nomŋoto; mŋoto ucaidza ɓasa romumŋe nomumŋe kuti rakaɗini.

¹⁴Kana ɓasa romunhu raakaʋaka pamsoro padzo, ricigara, ucapiwa muɓairo.

¹⁵Kana ɓasa romunhu rikapiswa, ucarashikirwa, asi iye amene ucaponeswa, asi sowakaɓuɗa pamŋoto.

¹⁶Ko hamuziʋi kuti muri tembere yaMŋari, ʋuye kuti Mŋeya waMŋari unogara mukati menyu here?

¹⁷Kana munhu acitadzira tembere yaMŋari, Mŋari ucamutadzira ʋo; nokuti tembere yaMŋari itȿene, ndimi iyo.

¹⁸Kurege kuʋa nomunhu unoɀinyeŋgera. Kana munhu aciti ndakacenjera pakati penyu panyika ino, ŋgaaʋe ɓenzi, kuti aʋe wakacenjera.

¹⁹Nokuti ʋucenjeri bgenyika ino ʋupenzi kunaMŋari. Nokuti kwakanyorwa kucinzi: Unoɓata ʋakacenjera pamano aʋo.

²⁰Ʋuye ɀe: Ishe unoziʋa ndaŋgariro dzaʋakacenjera, kuti hadzinamaturo.

²¹Naiɀoɀo ŋgakurege kuʋa nomunhu unoʋimba naʋanhu. Nokuti ɀinhu ɀose ndeɀenyu;

²²kana Pauro, kana Aporo, kana Kefasi, kana nyika, kana ʋupenyu, kana rufu, kana ɀaɀino, kana ɀinoʋuya; ɀose ndeɀenyu;

²³imi muri ʋaKristu; naKristu ndowaMŋari.