Read Original Shona Union Bible 1949 Baiberi Magwaro Matȿene aMŋari I ƲaKorinte 5 Bible Online

I ƲaKorinte 5 - Original Shona Union Bible 1949 Baiberi Magwaro Matȿene aMŋari bible

I ƲaKorinte 5

¹Ʋanhu ʋose ʋanoti ʋupombge bguri’po pakati penyu, ʋupombge bgakaɗaro bgusiŋgazikanwi kunyaŋge pakati paʋahedeni, bgokuti mumŋe unogara nomukadzi waɓaɓa ʋake.

²Munoɀikudza, haɀizaiʋa nani here kana makacema, kuti uyo wakaɓateɓasa iri abviswe pakati penyu?

³Nokuti ini, ɀirokwaɀo, kunyaŋge ndisi’po nomuʋiri, asi ndiri’po haŋgu nomŋeya, ndatotoŋgesa uyo wakaita cinhu ici, sendineŋge ndiri’po,

⁴nemi, makaʋuŋgana pamŋe cete nomŋeya waŋgu nezita raShe Jesu Kristu, nesimba raShe weɗu Jesu,

⁵kuti munhu wakaɗai aiswe kunaSatani, nyama iparadzwe, kuti mŋeya uponeswe pazuʋa raShe.

⁶Kuɀirumbidza kwenyu hakuna‐kunaka. Ko hamuziʋi kuti mbiriso shoma inoʋirisa ɓundu rose here?

⁷Bvisai mbiriso yekare, kuti muʋe ɓundu idɀa, seɀamusina‐kuʋiriswa. Nokuti paseka yeɗu, yakatiɓayirwa, ndiKristu;

⁸saka ŋgatiite mutambo, tisiŋgaiti nembiriso yekare, kana nembiriso yokushata nokuipa; asi neciŋgwa cisina‐kuʋiriswa cokururama neɀokwaɗi.

⁹Ndakakunyorerai neŋwadi yaŋgu, kuti murege kufambidzana nemhombge;

¹⁰handiti nemhombge dzose dzenyika ino, kana ʋanoruciʋa, kana makororo, kana ʋanonamata ɀifananidzo, nokuti kana ɀakaɗaro maifanira kubva panyika.

¹¹Asi ɀino ndinokunyorerai, kuti murege kufambidzana nomunhu unoidzwa hama, kana ari mhombge, kana unoruciʋa, kana unonamata ɀifananidzo, kana mutuki, kana unosinwa ɗoro, kana gororo; musadya nowakaɗai.

¹²Nokuti ini ndicatoŋgereiko ʋari kunze? Ko imi hamutoŋgi ʋari pakati penyu here?

¹³Asi aʋo ʋari kunze. Mŋari unoʋatoŋga. Bvisai pakati penyu munhu uyo wakaipa.