Read Original Shona Union Bible 1949 Baiberi Magwaro Matȿene aMŋari I ƲaKorinte 7 Bible Online

I ƲaKorinte 7 - Original Shona Union Bible 1949 Baiberi Magwaro Matȿene aMŋari bible

I ƲaKorinte 7

¹Ɀino kana ɀiri ɀamakandinyorera, ndinoti: Ɀakanaka kuti munhu arege kuɓata mukadzi.

²Asi nokuɗa kwoʋupombge, murume mumŋe nomumŋe ŋgaaʋe nomukadzi wake, nomukadzi mumŋe nomumŋe ŋgaaʋe nomurume wake.

³Murume ŋgaape mukadzi ɀakafanira; nomukadzi ŋgaaɗaro ʋo kumurume.

⁴Mukadzi haanesimba pamsoro pomuʋiri wake, asi murume; saiɀoɀo ʋo murume haanesimba pamsoro pomuʋiri wake, asi mukadzi.

⁵Musanyimana, asi muciita ŋguʋa ɗuku, mambotenderana, kuti muʋe neŋguʋa yokunyeŋgetera, ndokusoŋgana ɀe, kuti Satani arege kukuidzai pakusagona kwenyu kuɀidzora.

⁶Asi ndinotaura iɀi, ndicikutenderai, ndisiŋgarairi.

⁷Nokuti ndinoɗa kuti ʋanhu ʋose ʋaʋe seni. Asi munhu mumŋe nomumŋe unecipiwa cake, cinobva kunaMŋari, mumŋe corudzi urwu, mumŋe corumŋe rudzi.

⁸Asi ndinoti kunaʋasina‐kuwana, nokucirikadzi: Ɀakanaka kuti ʋagare seni.

⁹Asi kana ʋasiŋgagoni kuɀidzora, ŋgaʋawane; nokuti ɀirinani kuti ʋawane pakutȿa.

¹⁰Ɀino ʋakawana ndinoʋaraira, asi handizini, ndiShe, kuti mukadzi arege kubva kumurume wake,

¹¹(kana acibva, ŋgaagare asiŋgawanikwi, kana ayanane nomurume wake); nomurume ŋgaarege kurasha mukadzi wake.

¹²Ɀino kunaʋamŋe ndinoti ini, haazi Ishe: Kana hama inomukadzi usiŋgatendi, kana iye aciɗa hake kugara naye, ŋgaarege kumurasha.

¹³Nomukadzi unomurume usiŋgatendi, kana iye aciɗa hake kugara naye, ŋgaarege kurasha murume wake,

¹⁴nokuti murume usiŋgatendi unoitwa mutȿene nomukadzi wake, nomukadzi usiŋgatendi unoitwa mutȿene nomurume; kana ɀisina‐kuɗaro, ʋana ʋenyu ʋaiʋa netȿina; asi ɀino ʋatȿene.

¹⁵Ɀino kana usiŋgatendi acienda, ŋgaaende hake. Hama, kana iri murume kana mukadzi, haisuŋgwi neɀakaɗaro; asi Mŋari wakakuɗanai kuti muʋe norugare.

¹⁶Nokuti iwe mukadzi unoziʋa seiko kuti ucaponesa murume wako? Kana iwe murume, unoziʋa seiko kuti ucaponesa mukadzi wako?

¹⁷Asi, mumŋe nomumŋe seɀaakagoʋerwa naShe, mumŋe nomumŋe seɀaakaɗanwa naMŋari, ŋgaafambe saiɀoɀo. Ndiɀo ɀandinoraira pakereke dzose.

¹⁸Kana mumŋe aciŋge akaɗanwa akadziŋgiswa, ŋgaarege kuitwa usakadziŋgiswa; kana mumŋe aciŋge akaɗanwa asakadziŋgiswa, ŋgaarege kudziŋgiswa.

¹⁹Kudziŋgiswa hacizi cinhu, nokusadziŋgiswa hacizi cinhu, asi kuceŋgeta mirairo yaMŋari.

²⁰Mumŋe nomumŋe ŋgaagare pakuɗanwa kwaakaɗanwa nako.

²¹Wakaɗanwa uri muranda here? Usaɀidya mŋoyo; asi kana uŋgasunuŋgurwa, ɀirinani kuti uɗaro hako.

²²Nokuti wakaɗanwa munaShe, ari muranda, waʋa musunuŋgurwa waShe; saiɀoɀo ʋo, wakaɗanwa akasunuŋguka, waʋa muranda waKristu.

²³Makateŋgwa nomuteŋgo; regai kuʋa ʋaranda ʋaʋanhu.

²⁴Hama dzaŋgu, mumŋe nomumŋe ŋgaagare pamberi paMŋari ipapo paakaɗanwa napo.

²⁵Ɀino, pamsoro pemhandara, handinomurairo waShe; asi ndinotaura somunhu wakapiwa ŋgoni naShe kuti aʋe wakatendeka.

²⁶Naiɀoɀo ndinoti nokuɗa kwenhamo ino, ɀakanaka kuti munhu agare akaɗaro.

²⁷Wakaɓatanidzwa nomukadzi here? Usatȿaka kusunuŋgurwa. Wakasunuŋgurwa pamukadzi here? Usatȿaka mukadzi.

²⁸Ɀino kana wawana, hauna‐kutadza; nemhandara kana yawanikwa, hainakutadza. Asi ʋakaɗaro ʋacaʋa neɗambudziko panyama; asi ini ndinoɗa kukutaʋirai.

²⁹Ɀino ndinoɀitaura iɀi, hama dzaŋgu, nokuti ŋguʋa ifupi; kuti kubva ɀino ʋanaʋakadzi ʋaʋe saʋasina;

³⁰naʋanocema ʋaʋe saʋasiŋgacemi; naʋanofara saʋasiŋgafari; naʋanoteŋga saʋasinecinhu;

³¹naʋanoɓata neɀenyika, saʋasiŋgaɓatisisi naɀo; nokuti mugariro wenyika ino unopfuʋura.

³²Ɀino ndinoɗa kuti murege kuʋa nokufuŋganya. Usina‐kuwana, unofuŋga ɀaShe, kuti uŋgafadza Ishe wake sei.

³³Asi wakawana, unofuŋga ɀenyika, kuti uŋgafadza mukadzi wake sei.

³⁴Nomukadzi nemhandara ʋakasiyana; usina‐kuwanikwa unofuŋga ɀaShe, kuti aʋe mutȿene pamuʋiri napamŋeya; asi wakawanikwa unofuŋga ɀenyika, kuti uŋgafadza murume wake sei.

³⁵Iɀi ndinotaura kuti muɓatsirwe imi; ndisiŋgaɗi kukusuŋgai nomusuŋgo, asi nokuɗa kweɀakafanira, ʋuye kuti munamatire Ishe, musiŋgakaŋganiswi.

³⁶Asi kana mumŋe acifuŋga kuti haaitiri mukunda wake, yaʋa mhandara, ɀakafanira, iye ɀaatokura kwaɀo hake, kana ɀirinani kuti ɀiitwe, ŋgaaite nokuɗa kwake, haatadzi; ŋgaʋawaniswe haʋo.

³⁷Asi uyo unomira akasimba pamŋoyo pake, asiŋgamanikidzwi necinhu, asi anesimba pamsoro pokuɗa kwake, akatema mumŋoyo make cinhu ici, kuti ucaceŋgeta mhandara yake, iye unoita ɀakanaka.

³⁸Naiɀoɀo, unomuwanisa unoita ɀakanaka; nousiŋgamuwanisi, unoita ɀinopfuʋura nokunaka.

³⁹Mukadzi wakasuŋgwa nomurairo murume wake aciri mupenyu; ɀino kana murume wake afa, wasunuŋguka, kuti awanikwe nowaanoɗa; asi ŋgaɀiitwe munaShe.

⁴⁰Asi uŋganyanya kufara kana acigara akaɗaro, pakufuŋga kwaŋgu ini; ɀino ndinoti neni ʋo ndinoMŋeya waMŋari.