Read Original Shona Union Bible 1949 Baiberi Magwaro Matȿene aMŋari 2 ƲaKorinte 10 Bible Online

2 ƲaKorinte 10 - Original Shona Union Bible 1949 Baiberi Magwaro Matȿene aMŋari bible

2 ƲaKorinte 10

¹Ɀino ini Pauro ndinokumbira ɀikuru kwamuri noʋunyoro netsitsi dzaKristu — ini muɗuku kana ndiri pakati penyu, asi ndinotsuŋga kwamuri kana ndisi’po —

²Ndinokumbira kwamuri, kuti kana ndaʋa’po, ndirege kuzotsuŋga, nokutenda kwandinoti ɀino ndicatsuŋga nako kunaʋamŋe ʋanoti tinofamba nenzira yenyama.

³Nokuti, kunyaŋge ticifamba nenzira yenyama, hatirwi nemitoʋo yenyama;

⁴nokuti nhumbi dzeɗu dzokurwa nadzo hadzizi dzenyama, asi dzinesimba pamberi paMŋari rokuputsa nhare;

⁵isu tinoti ticiputsa njere, neɀakakwirira ɀose ɀinomutswa kuzorwa nokuziʋa Mŋari, tinotapa mifuŋgo yose kuti iterere Kristu;

⁶takaɀigadzira kuraŋga Kusaterera kwose, kana kuterera kwenyu kwazadziswa.

⁷Imi munotarira ɀinhu ɀiri pamberi penyu. Kana munhu aciʋimba naɀo aciti ndiri waKristu, ŋgaaraŋgarire ɀe cinhu ici mumŋoyo make, kuti seɀaari waKristu iye, saiɀoɀo nesu ʋo.

⁸Nokuti kunyaŋge ndainyanya kuɀirumbidza pamsoro pesimba reɗu ratakapiwa naShe kukusimbisai, risati riri rokukuputsai, handiŋganyadziswi;

⁹kuti ndirege kuita sendinokutyisai neŋwadi dzaŋgu.

¹⁰Nokuti ʋanoti, ŋwadi dzake dzinamashoko makuru, dzinesimba, asi muʋiri wake kana ari’po, unoʋutera, nokutaura kwake kunoɀidzwa.

¹¹Munhu wakaɗaro ŋgaaraŋgarire cinhu ici, kuti seɀatinoreʋa paŋwadi kana tisi’po, ndiɀo ɀatakaita ʋo pakuita kweɗu kana tiri’po.

¹²Nokuti tinotya kuɀienzanisa nokuɀifananidza naʋamŋe ʋanoɀikudza; asi iʋo haʋanenjere, ɀaʋanoɀienzanisa naiʋo ʋamene, nokuɀifananidza naiʋo ʋamene.

¹³Ɀino isu hatiŋgaɀirumbidzi ticipfuʋura ciyero, asi neciyero cinoȿika pacitanda catakagoʋerwa naMŋari, kuti ciʋe ciyero, ciȿikire ʋo kwamuri.

¹⁴Nokuti hatinyanyi kuɀitambanudza, seɀatisiŋgaȿikiri kwamuri; nokuti tisu takataŋga kuȿikira kwamuri neEvaŋgeri yaKristu;

¹⁵hatiɀirumbidzi ticipfuʋura ciyero pamsoro peɓasa raʋamŋe; asi tinetariro kuti, kana kutenda kwenyu kucikura, isu ticakuriswa pakati penyu kuȿikira pacitanda ceɗu nokupfuʋurisa;

¹⁶tigoparidza Evaŋgeri panyika dziri mberi kwenyu, tirege kuɀirumbidza pacitanda comumŋe pamsoro peɀatoitwa haɀo.

¹⁷Asi unoɀirumbidza, ŋgaaɀirumbidze munaShe.

¹⁸Nokuti wakatendeka haazi iye unoɀirumbidza, asi ndiye unorumbidzwa naShe.