Read Original Shona Union Bible 1949 Baiberi Magwaro Matȿene aMŋari 2 ƲaKorinte 2 Bible Online

2 ƲaKorinte 2 - Original Shona Union Bible 1949 Baiberi Magwaro Matȿene aMŋari bible

2 ƲaKorinte 2

¹Asi ndakati mumŋoyo maŋgu, kuti handiɗi kuʋuya ɀe kwamuri nokucema.

²Nokuti kana ndicikucemedzai, ndianiko ucandifadza, kana asiri iye wakacemedzwa neni?

³Ɀino ndakanyora cinhu ici kuti kana ndaȿika, ndirege kucemedzwa naiʋo ʋaifanira kundifadza; ndicikutendai mose, kuti kufara kwaŋgu ndokwenyu mose.

⁴Nokuti ndakakunyorerai nemisodzi mizhinji pakutambudzika kukuru nenhamo yomŋoyo; ndisiŋgati mucemedzwe, asi kuti muziʋe ruɗo rukuru rwandinokuɗai narwo.

⁵Ɀino kana mumŋe akacemedza hake, haana‐kundicemedza ini, asi ndiŋgati ɀimŋe‐ndirege kunyanyisa — imi mose.

⁶Kuroʋa uku kwaʋanhu ʋazhinji kunoriŋgana munhu wakaɗai.

⁷Naiɀoɀo ɀirinani kuti mumukaŋganwire nokumunyaradza, kuti arege kuʋodzwa mŋoyo kwaɀo neshuŋgu huru.

⁸Naiɀoɀo ndinokumbira ɀikuru kwamuri kuti musimbise ruɗo rwenyu kwaari.

⁹Nokuti ndakanyora ʋo iɀi, kuti ndikuidzei, ndiziʋe kana munoterera paɀinhu ɀose.

¹⁰Ɀino iye wamunokaŋganwira, neni ndinomukaŋganwira ʋo; nokuti iɀo ɀandakaŋganwira ini, kana ndineŋge ndakakaŋganwira cinhu, ndakaɀiita nokuɗa kwenyu pamberi paKristu;

¹¹kuti tirege kunyeŋgerwa naSatani; nokuti mano ake tinoaziʋa.

¹²Ɀino, ndakati ndiciȿika paTroasi kuparidza Evaŋgeri yaKristu, ndicizarurirwa mukoʋa munaKristu,

¹³ndakaŋga ndisinezororo pamŋeya waŋgu, nokuti handina‐kuwana’po Tito, hama yaŋgu; asi ndakawonekana naʋo, ndikaenda Makedonia.

¹⁴Asi Mŋari ŋgaaʋoŋgwe, unotikundisa ŋguʋa dzose munaKristu, unoratidza nesu kwose‐kwose bgema bgokuziʋa kwake.

¹⁵Nokuti isu tiri bgema bgakanaka bgaKristu kunaMŋari, pakati paiʋo ʋanoponeswa naʋanoparara.

¹⁶Kunaʋamŋe tiri bgema bgorufu bgunoisa kurufu; kunaʋamŋe bgema bgoʋupenyu bgunoisa kuʋupenyu. Ɀino ndianiko uŋgakwanisa ɀinhu ɀakaɗai?

¹⁷Nokuti hatifanani naʋamŋe ʋazhinji ʋanokaŋganisa shoko raMŋari; asi tinotaura munaKristu neɀokwaɗi, seɀinobva kunaMŋari, pamberi paMŋari.