Read Original Shona Union Bible 1949 Baiberi Magwaro Matȿene aMŋari 2 ƲaKorinte 3 Bible Online

2 ƲaKorinte 3 - Original Shona Union Bible 1949 Baiberi Magwaro Matȿene aMŋari bible

2 ƲaKorinte 3

¹Tinotaŋga ɀe kuɀirumbidza kwamuri here? Tinotȿaka here saʋamŋe ŋwadi dzinoenda kwamuri, kana dzinobva kwamuri, dziŋgatirumbidza?

²Imi muri ŋwadi yeɗu yakanyorwa mumŋoyo meɗu, inozikanwa nokurabga naʋanhu ʋose;

³makaʋonekwa kuti muri ŋwadi yaKristu, yakagadzirwa nesu, isina‐kunyorwa neinki, asi noMŋeya waMŋari mupenyu; isina‐kunyorwa pamahwendefa amabge, asi pamahwendefa enyama omŋoyo.

⁴Kutenda kwakaɗai tinako naKristu, kunaMŋari;

⁵hatiti takakwana isu timene, kuti titeme cinhu timene; asi kukwana kweɗu kunobva kunaMŋari;

⁶iye wakatikwanisa kuti tiʋe ʋashumiri ʋesuŋgano itȿa, isati iri yeɀakanyorwa asi yoMŋeya; nokuti ɀakanyorwa ɀinoʋuraya, asi Mŋeya unopa ʋupenyu.

⁷Ɀino kana kushumira, kwakaʋuyisa rufu, kwakaŋga kwakatemŋa namaretere pamabge, kwakaʋuya nokubginya, kwakaŋga kwakaɗaro kuti ʋana ʋaIsraeri ʋakakoniwa kutarisisa ciso caMosesi nokuɗa kwokubginya kweciso cake — kwakaŋga kucipfuʋura hako —

⁸ko kushumira kwoMŋeya hakuŋgaʋi nokubginya kukuru here?

⁹Nokuti kana kushumira, kwakaʋuyisa kutoŋgeswa, kwakaŋga kunokubginya, ɀikuru sei kushumira, kunoʋuyisa kururama, kucakunda pakubginya.

¹⁰Nokuti naico cakabginyiswa, hacina‐kubginyiswa, kana pacinhu ici ticicifananidza nokubginya kunokunda.

¹¹Nokuti kana ico cinopfuʋura caiʋa nokubginya, ɀikuru sei ico cinogara ndico ciri pakubginya.

¹²Naiɀoɀo, ɀatinetariro yakaɗai, tinotaura tisiŋgatyi napaɗuku,

¹³tisiŋgaiti saMosesi, waiisa cifukidziro paciso cake, kuti ʋana ʋaIsraeri ʋarege kutarisisa kuguma kweɀinopfuʋura.

¹⁴Asi ndaŋgariro dzaʋo dzakakomara; nokuti kuȿikira zuʋa ranhasi, kana suŋgano yakare icirabga, cifukidziro ico ciri’po, ʋasiŋgaratidzwi kuti munaKristu ɀinopfuʋura.

¹⁵Asi kuȿikira nhasi, kana Mosesi acirabga, cifukidziro ciri’po pamŋoyo yaʋo.

¹⁶Ɀino kana munhu acitendeʋukira kunaShe, cifukidziro cinobviswa.

¹⁷Ishe ndiMŋeya; ɀino panoMŋeya waShe, panesunuŋguko.

¹⁸Ɀino isu tose tinoti ticitarira neciso cisina‐kufukidzirwa kubginya kwaShe sapaciʋoni‐ʋoni, tinoshandurwa ticifanana nomufananidzo iwoyo, ticibva pakubginya kumŋe ticienda kunokumŋe kubginya, seɀicibva kunaShe, Mŋeya.