Read Original Shona Union Bible 1949 Baiberi Magwaro Matȿene aMŋari 2 ƲaKorinte 5 Bible Online

2 ƲaKorinte 5 - Original Shona Union Bible 1949 Baiberi Magwaro Matȿene aMŋari bible

2 ƲaKorinte 5

¹Nokuti tinoziʋa kuti kana imba yeɗu yenyika, tabernakeri yeɗu, iciputswa, tinecakaʋakwa cinobva kunaMŋari, imba isina‐kuʋakwa namaʋoko, isiŋgaperi, iri kuɗeŋga.

²Nokuti tinogomera ʋo mairi, ticishuʋa kuti tifukidzwe neimba yeɗu inobva kuɗeŋga;

³kuti kana takafukidzwa heɗu, hatiŋgawanikwi tisina‐catakafuka.

⁴Nokuti nesu, tiri mutabernakeri iyi tinogomera, ticiremerwa; tisiŋgaɗi kuti tikutunurwe, asi kuti tifukidzwe, kuti cinofa cimedzwe noʋupenyu.

⁵Ɀino, uyo wakatigadzirira cinhu ici ndiMŋari, wakatipa ʋo ruɓatso rwoMŋeya.

⁶Naiɀoɀo tinotsuŋga mŋoyo ŋguʋa dzose, ticiziʋa kuti kana ticigara mumuʋiri hatigari kunaShe;

⁷nokuti tinofamba nokutenda, hatifambi nokuʋona;

⁸tinotsuŋga mŋoyo ʋo, ticiti ɀirinani tirege kugara pamuʋiri, kuti tigare kunaShe.

⁹Saka tinoshiŋgaira kuti timufadze iye, kunyaŋge ticigara’mo, kunyaŋge tisiŋgagari’mo.

¹⁰Nokuti isu tose tinofanira kuratidzwa pamberi pecigaro cokutoŋga caKristu; kuti mumŋe nomumŋe apiwe ɀaakaita nomuʋiri, seɀaakaita, kana ɀakanaka kana ɀakaipa.

¹¹Naiɀoɀo ɀatinoziʋa kutya kwaShe, tinogombedzera ʋanhu; asi tinoratidzwa heɗu kunaMŋari; ʋuye ɀino ndinoti ɗai ticiratidzwa ʋo pahana dzenyu.

¹²Hatiɀirumbidzi ɀe kwamuri, asi tinokupai nzira yokurumbidza nokuɗa kweɗu, kuti mugone kupindura aʋo ʋanoʋimba neɀinoʋonekwa, ʋasiŋgaʋimbi neɀomŋoyo.

¹³Nokuti kana ticipeŋga, takaɗaro nokuɗa kwaMŋari; kana tiri ʋanhu kwaʋo, takaɗaro nokuɗa kwenyu.

¹⁴Nokuti ruɗo rwaKristu runotimanikidza; ɀatinoziʋa cinhu ici kuti mumŋe wakafira ʋose, ɀino ʋose ʋakafa;

¹⁵ɀino iye wakafira ʋose, kuti aʋo ʋanorarama ʋarege kuzoɀiraramira iʋo, asi uyo wakafa nokumutswa nokuɗa kwaʋo.

¹⁶Naiɀoɀo, kubvira ɀino hatitoŋgoziʋi munhu panyama; ʋuye kunyaŋge takaziʋa Kristu panyama, kubvira ɀino haticamuziʋi saiɀoɀo.

¹⁷Saka kana munhu ari munaKristu, waʋa cisikwa citȿa; ɀinhu ɀakare ɀapfuʋura; tarirai, ɀose ɀaʋa ɀitȿa.

¹⁸Asi ɀinhu ɀose ɀakabva kunaMŋari, wakatiyananisa naye naKristu, akatipa kushumira kwokuyananisa;

¹⁹ndiko kuti Mŋari wakaŋga aciyananisa nyika naye munaKristu, akasaʋaʋereŋgera kuɗarika kwaʋo, akatipa isu shoko rokuyananisa.

²⁰Naiɀoɀo tiri nhume nokuɗa kwaKristu, Mŋari saaneŋge acikumbira ɀikuru nesu; tinokumbira nokuɗa kwaKristu, ticiti: Yananiswai naMŋari.

²¹Uyo, wakaŋga asiŋgaziʋi ɀiʋi, wakamuita kuti aʋe ɀiʋi nokuɗa kweɗu; kuti isu tiʋe kururama kwaMŋari maari.