Read Original Shona Union Bible 1949 Baiberi Magwaro Matȿene aMŋari 2 ƲaKorinte 8 Bible Online

2 ƲaKorinte 8 - Original Shona Union Bible 1949 Baiberi Magwaro Matȿene aMŋari bible

2 ƲaKorinte 8

¹Ɀino tinokuziʋisai, hama dzaŋgu, nyasha dzaMŋari dzakapiwa pakereke dzeMakedonia;

²kuti pakati pokuidzwa kukuru kwokutambudzika, mufaro waʋo mukuru, pamŋe cete noʋurombo bgaʋo bgukuru, ɀakawanza ɀikuru kusanyima kwaʋo.

³Nokuti ndinopupura, kuti ʋakapa nokuɗa kwaʋo paʋakagona napo, kunyaŋge kupfuʋura paʋakagona napo;

⁴ʋakakumbira nokunyeŋgetera kukuru kwatiri kuti tiʋatendere kuita ɓasa iri renyasha nokusoŋgana pakushumira ʋatȿene;

⁵haʋana‐kuita seɀatakafuŋga ɓedzi, asi iʋo ʋakataŋga kuɀipa kunaShe, nokwatiri, nokuɗa kwaMŋari.

⁶Naiɀoɀo takakumbira ɀikuru kunaTito, kuti seɀaakaŋga ataŋga, apedzise ɓasa iri renyasha pakati penyu ʋo.

⁷Ɀino seɀamakapfuʋurira paɀinhu ɀose, pakutenda, napakutaura, napakuziʋa, napakushiŋgaira kwose, naparuɗo rwenyu kwatiri, tarirai kuti mupfuʋure paɓasa iri renyasha ʋo.

⁸Handireʋi ndiciraira, asi kuti ndiidze ndiziʋe nokushiŋgaira kwaʋamŋe kana ruɗo rwenyu ndorwaɀokwaɗi ʋo.

⁹Nokuti munoziʋa nyasha dzaShe weɗu, Jesu Kristu, kuti kunyaŋge akaŋga akafuma, wakaʋa murombo nokuɗa kwenyu, kuti imi noʋurombo bgake muʋe ʋafumi.

¹⁰Pacinhu ici ndinokuʋudzai kufuŋga kwaŋgu; nokuti ɀicakuɓatsirai, nokuti ndimi makataŋgira vamŋe makei, musiŋgaiti ɓedzi, asi muciɗa ʋo.

¹¹Asi ɀino pedzisai kuita ʋo; seɀamakaŋga munomŋoyo unoɗa, saiɀoɀo pedzisai ʋo pamunogona napo.

¹²Nokuti kana mŋoyo wokupa uri’po, cipo cinofadza paanapo, kusati kuri paanoshaiwa napo.

¹³Nokuti handireʋi kuɗaro ndiciti ʋamŋe ʋarerukirwe, imi muremerwe; asi kuti muenzane;

¹⁴kuti paŋguʋa ino kuwanda kwenyu kuɓatsire kushaiwa kwaʋo, kuti kuwanda kwaʋo kuɓatsire kushaiwa kwenyu ʋo; kuti kuʋe nokuenzana;

¹⁵seɀaɀakanyorwa, ɀicinzi: Wakaʋuŋganidza ɀizhinji, haana‐kusarirwa necinhu; naiye wakaʋuŋganidza ɀishoma, haana‐kushaiwa.

¹⁶Ɀino Mŋari ŋgaaʋoŋgwe, wakaisa mumŋoyo maTito kushiŋgaira kwakaɗaro kwamuri.

¹⁷Nokuti wakanzwa bake kuraira kweɗu, asi ɀaakaŋga acishiŋgaira ɀikuru, wakaenda kwamuri, nokuɗa kwake hake.

¹⁸Ɀino takatuma pamŋe cete naye hama iya, inorumbidzwa paEvaŋgeri pakereke dzose;

¹⁹ɀisati ɀiri iɀoɀo ɓeɗzi, asi iye wakasanaŋgurwa ʋo nekereke kuti atiperekedze paɓasa iri renyasha, rinoitwa nesu, kuti iye Mŋari akudzwe, ʋuye kuɗa kwomŋoyo weɗu kuratidzwe;

²⁰ticiɀicenjerera, kuti kurege kuʋa nomunhu uŋgatipa mhoȿa pamsoro peɀakawanda iɀi, ɀatinoɓata naɀo.

²¹Nokuti hatitȿaki ɀinhu ɀakanaka pamberi paShe ɓeɗzi, asi pamberi paʋanhu ʋo.

²²Takatuma ʋo naʋo hama yeɗu, yatakaidza kazhinji tikaʋona kuti unoshiŋgaira paɀinhu ɀizhinji; asi ɀino unonyanya kushiŋgaira nokuɗa kwokutenda kukuru kwaanako kwamuri.

²³Kana ari Tito, ndiye shamŋari yaŋgu, nomuɓatsiri waŋgu kwamuri; kana dziri hama dzeɗu, ndiʋo ʋaapostora ʋekereke, ʋuye kukudzwa kwaKristu.

²⁴Naiɀoɀo muʋaratidze pamberi pekereke ciratidzo coruɗo rwenyu, necokurumbidza kweɗu pamsoro penyu.