Read Original Shona Union Bible 1949 Baiberi Magwaro Matȿene aMŋari ƲaGaratia 2 Bible Online

ƲaGaratia 2 - Original Shona Union Bible 1949 Baiberi Magwaro Matȿene aMŋari bible

ƲaGaratia 2

¹Ɀino, makore anegumi namanna akati apfuʋura, ndikakwira ɀe Jerusarema naBarnabasi, ndikaenda ʋo naTitosi.

²Ndakakwira nokuɗa kwokuratidzwa; ndikarondedzera pamberi paʋo Evaŋgeri yandinoparidza pakati paʋahedeni, asi kunaʋakaŋga ʋacikudzwa ʋari ʋoga, kuti ɀimŋe ndirege kumhanyira pasina, kana kuti ɀimŋe ndatomhanyira pasina.

³Asi naTito, waiʋa neni, ari muGiriki, haanakuroʋererwa kuti adziŋgiswe;

⁴nokuɗa kwehama dzenhema, ʋakaŋga ʋapinzwa nokunyaŋga, ʋakaŋga ʋapinda pakaʋanda kuti ʋashore kusunuŋguka kweɗu kwatinako munaKristu Jesu, kuti ʋatisuŋge;

⁵hatina‐kuʋatseɗukira iʋaʋa, ticiʋaterera ŋguʋa imŋe; kuti ɀokwaɗi yeEvaŋgeri irambe icigara nemi.

⁶Ɀino kana ʋari iʋo ʋanonzi ʋakuru — handinemhaka kuti ʋaiʋa ʋakaɗini kare; Mŋari haatendi ɀinoʋonekwa ɀomunhu — kana ʋari iʋo ʋanonzi ʋakuru, haʋana‐kundiwedzera cinhu;

⁷asi iʋo ʋakati ʋaʋona kuti ini ndakapiwa Evaŋgeri kunaʋasina‐kudziŋgiswa, saPetro kunaʋakadziŋgiswa;

⁸(nokuti iye wakapa Petro simba rokuʋa muapostora kunaʋakadziŋgiswa, ndiye wakapa ʋo ini simba rokuʋa muapostora kuʋahedeni);

⁹ʋakati ʋaʋona nyasha dzandakaŋga ndapiwa, Jakobo, naKefasi, naJohane — aʋo ʋainzi mbiru — ʋakatiɓata isu tose naBarnabasi namaʋoko orudyi okuyanana, kuti isu tiende kuʋahedeni, iʋo kunaʋakadziŋgiswa;

¹⁰ʋakaɗa cete kuti tiraŋgarire ʋarombo; ndiɀo ɀandakashiŋgairira ʋo kuti ndiɀiite.

¹¹Ɀino Kefasi wakati aȿika Antiokia ndakamudziʋisa pacena, nokuti wakaŋga anemhoȿa.

¹²Nokuti ʋamŋe, ʋakaŋga ʋabva kunaJakobo, ʋasati ʋaȿika, iye waidya naʋahedeni; asi ʋakati ʋaȿika, akadzoka, akaɀiraʋura, acitya ʋakadziŋgiswa.

¹³Naʋamŋe ʋaJuda ʋakaita mano‐mano ʋo pamŋe cete naye; ɀikaitwa kuti naiye Barnabasi ʋo akatsauswa namano‐mano aʋo.

¹⁴Asi ndakati ndiciʋona kuti haʋafambi ɀakarurama neɀokwaɗi yeEvaŋgeri, ndakati kunaKefasi pamberi paʋose: Kana iwe, uri muJuda, ucifamba saʋahedeni, usiŋgaiti saʋaJuda, unoroʋerera seiko ʋahedeni, kuti ʋafambe saʋaJuda?

¹⁵Isu ʋaJuda pakuɀarwa kweɗu, tisati tiri ʋatadzi ʋanobva kuʋahedeni,

¹⁶ɀatinoziʋa kuti munhu haaruramiswi namaɓasa omurairo, asi nokutenda kunaKristu Jesu, nesu ʋo takatenda kunaKristu Jesu, kuti tiruramiswe nokutenda kunaKristu, tirege kururamiswa namaɓasa omurairo; nokuti hakunenyama icaruramiswa namaɓasa omurairo.

¹⁷Ɀino kana isu pakutȿaka kweɗu kururamiswa munaKristu, tikawanikwa tiri ʋatadzi ʋo timene, ko Kristu waʋa mushumiri weɀiʋi here? Haiȿa!

¹⁸Nokuti kana ndikaʋaka ɀe iɀo ɀandamboputsa, ndinoɀiita muɗariki.

¹⁹Nokuti nomurairo ini ndakafa kumurairo, kuti ndirarame kunaMŋari.

²⁰Ndakaroʋerwa pamucinjikwa pamŋe cete naKristu; handiciri ini ndinorarama, asi Kristu unorarama mandiri; kurarama uku, kwandinorarama nako munyama ɀino, ndinorarama nokutenda kuri muMŋanakomana waMŋari, wakandiɗa, akaɀipa nokuɗa kwaŋgu.

²¹Handikonesi nyasha dzaMŋari; nokuti kana kururamiswa kucibva kumurairo, Kristu wakafa pasina.