Read Original Shona Union Bible 1949 Baiberi Magwaro Matȿene aMŋari ƲaGaratia 5 Bible Online

ƲaGaratia 5 - Original Shona Union Bible 1949 Baiberi Magwaro Matȿene aMŋari bible

ƲaGaratia 5

¹Kristu wakatisunuŋgura kuti tiʋe ʋakasunuŋguka; naiɀoɀo mirai nesimba, murege kusuŋgwa ɀe nejoko roʋuranda.

²Tarirai, ini Pauro, ndinoti kwamuri, kuti kana mucidziŋgiswa, Kristu haaŋgakuɓatsiriyi cinhu.

³Ndinopupurira mumŋe nomumŋe unodziŋgiswa, kuti iye uneŋgaʋa rokuti aite murairo wose.

⁴Makaparadzaniswa naKristu, iyemi munoɗa kururamiswa nomurairo; maɓuɗiswa panyasha.

⁵Nokuti isu noMŋeya tinomirira nokutenda tariro yokururamiswa.

⁶Nokuti munaKristu Jesu kudziŋgiswa kana kusadziŋgiswa haɀiɓatsiri cinhu; asi kutenda kunoɓata noruɗo.

⁷Makaŋga mucimhanya ɀakanaka; ndianiko wakakudziʋisai kuti murege kuterera ɀokwaɗi?

⁸Hamunakugombedzerwa naiye wakakuɗanai.

⁹Mbiriso shoma inoʋirisa ɓundu rose.

¹⁰Ndinotenda pamsoro penyu munaShe, kuti hamuŋgatoŋgoraŋgariri cimŋe cinhu; asi uyo, unokupesanisai ucafanira hake kutoŋgwa, kunyaŋge ari aninani.

¹¹Asi ini, hama dzaŋgu, kana ndiciparidza kuti ʋanhu ʋadziŋgiswe, ndinoramba ndicitambudzwa neiko? Naiɀoɀo kugumbusa kwomucinjikwa kwabviswa.

¹²Ƌai aʋo ʋanokupesanisai ʋaciɀigura ʋo.

¹³Nokuti imi, hama dzaŋgu, makaɗanirwa kusunuŋguka; asi kusunuŋguka kwenyu ŋgakurege kuʋa nzira yenyama, asi ɓatiranai noruɗo.

¹⁴Nokuti murairo wose unozadziswa neshoko rimŋe cete, rokuti: Uɗe wokwako seɀaunoɀiɗa iwe;

¹⁵asi kana mucirumana nokudyana, cenjerai kuti murege kupedzana.

¹⁶Ɀino ndinoti: Fambai noMŋeya, ipapo hamuŋgaiti kuciʋa kwenyama.

¹⁷Nokuti nyama inociʋa icirwa noMŋeya; noMŋeya ucirwa nenyama; nokuti iɀi ɀinorwisana; kuti murege kuita ɀamunoɗa.

¹⁸Asi kana mucituŋgamirirwa noMŋeya, hamuzi pasi pomurairo.

¹⁹Ɀino maɓasa enyama anoʋonekwa, anoti: Ʋupombge, netȿina, noʋutere,

²⁰nokunamata ɀifananidzo, noʋuroyi, nokuʋeŋgana, negakaʋa, negoɗo, nokutsamŋa, nokupesana, nokuparadzana, nedzidziso dzakatsauka,

²¹nokugoɗorana, nokuɓatwa, nokutamba kwakaipa, neɀinhu ɀakaɗai; iɀo ɀandinokuʋudzai ɀino, seɀandakambokuʋudzai kare, kuti ʋanoita ɀakaɗai haʋaŋgadyi nhaka yoʋushe bgaMŋari.

²²Ɀino ciɓereko coMŋeya ndirwo ruɗo, nomufaro, norugare, nomŋoyo murefu, nomŋoyo munyoro, nokunaka, nokutendeka,

²³noʋunyoro, nokuɀidzora: hakunomurairo unodziʋisa ɀinhu ɀakaɗai.

²⁴Asi aʋo ʋari ʋaKristu Jesu ʋakaroʋera pamucinjikwa nyama, pamŋe cete nokuɗa kwayo, nokuciʋa kwayo.

²⁵Kana ticirarama noMŋeya, ŋgatifambe ʋo noMŋeya,

²⁶tirege kuɀikudza, ticimutsana mŋoyo, ticigoɗorana.