Read Original Shona Union Bible 1949 Baiberi Magwaro Matȿene aMŋari ƲaEfeso 3 Bible Online

ƲaEfeso 3 - Original Shona Union Bible 1949 Baiberi Magwaro Matȿene aMŋari bible

ƲaEfeso 3

¹Nemhaka iyi, ini Pauro, ndiri musuŋgwa waKristu Jesu nokuɗa kwenyu, imi ʋahedeni, —

²kana makanzwa henyu kugoʋerwa kwenyasha dzaMŋari dzandakapiwa pamsoro penyu;

³kuti ɀakaŋga ɀakaʋanzika ɀakandiziʋiswa pakuzarurirwa, seɀandakambokunyorerai namashoko mashoma;

⁴kana muciaraʋa iwo, muŋgaʋona kuziʋa kwaŋgu paneɀakaʋanzika ɀaKristu;

⁵ɀakaŋga ɀisina‐kuziʋiswa ʋanakomana ʋaʋanhu panedzimŋe ŋguʋa, seɀaɀakazarurirwa ʋaapostora ʋatȿene, naʋaprofita ɀino muMŋeya;

⁶ɀokuti: Ʋahedeni ʋadyi ʋenhaka pamŋe cete nesu, nemitezo yomuʋiri pamŋe cete nesu, ʋakagoʋerwa ʋo pamŋe cete nesu cipikirwa munaKristu Jesu neEvaŋgeri;

⁷yandakaitwa mushumiri wayo necipo cenyasha dzaMŋari, candakapiwa nokuɓata kwesimba rake.

⁸Ini, muɗuku kwaɀo kuʋatȿene ʋose, ndakapiwa nyasha idzi, kuti ndiparidzire ʋahedeni fuma isiŋganɀerwi yaKristu,

⁹nokuratidza ʋose kuti kugoʋerwa kwakaɗiniko kweɀakaʋanzika, ɀakaŋga ɀakafukidzwa munaMŋari, wakasika ɀose, kubva paŋguʋa yokutaŋga;

¹⁰kuti ɀino ʋaɓati naʋanesimba kuɗeŋga ʋaziʋiswe nekereke kucenjera kukuru kwaMŋari;

¹¹secireʋo cokutaŋga‐taŋga caakatema munaKristu Jesu, Ishe weɗu;

¹²maari tinokutsuŋga kweɗu nokupinda kweɗu tisiŋgatyi, nokutenda kwake.

¹³Saka ndinokumbira kuti murege kupera mŋoyo nokutambudzika kwaŋgu pamsoro penyu; ndiko kukudzwa kwenyu.

¹⁴Nemhaka iyi ndinofugama namabvi aŋgu kunaƂaɓa,

¹⁵aʋo, rudzi rwose kuɗeŋga napanyika runotumidzwa nezita raʋo,

¹⁶kuti ʋakupei pafuma yokubginya kwaʋo kukuru, simba kuti musimbiswe noMŋeya waʋo mumunhu womukati;

¹⁷kuti Kristu agare pamŋoyo yenyu nokutenda; kuti imi, munemidzi yenyu nenheyo dzenyu muruɗo;

¹⁸muʋe nesimba rokunzwisisa pamŋe cete naʋatȿene ʋose, kuti kufara, nokureɓa, nokukwirira, nokudzika kwakaɗiniko,

¹⁹nokuziʋa ruɗo rwaKristu, runopfuʋura kuziʋa, kuti muzadziswe nokuzara kwose kwaMŋari.

²⁰Ɀino, iye unesimba rokuita ɀikuru kwaɀo ɀinopfuʋura ɀose ɀatinokumbira kana ɀatinofuŋga, nesimba rinoɓata mukati meɗu,

²¹ŋgaaʋe nokubginya mukereke munaKristu Jesu, kuȿikira kumarudzi ose nokusiŋgaperi‐peri, Ameni.