Read Original Shona Union Bible 1949 Baiberi Magwaro Matȿene aMŋari ƲaEfeso 5 Bible Online

ƲaEfeso 5 - Original Shona Union Bible 1949 Baiberi Magwaro Matȿene aMŋari bible

ƲaEfeso 5

¹Naiɀoɀo iʋai ʋateʋeri ʋaMŋari saʋana ʋanoɗikanwa;

²fambai muruɗo, Kristu seɀaakakuɗai ʋo, akaɀipa nokuɗa kweɗu, kuti aʋe cipo neciɓayiro kunaMŋari, ɀiite bgema bgunonhuwira.

³Asi ʋupombge, netȿina yose, kana kuciʋa, ŋgaɀirege kurebga pakati penyu, seɀinofanira ʋatȿene;

⁴neɀakaipa, nokutaura ɀoʋupenzi, nokunemera, iɀo ɀisina‐kufanira; asi ɀirinani kuʋoŋga.

⁵Nokuti munoziʋa kwaɀo, kuti hakunemhombge, kana munhu unetȿina, kana unociʋa, ndiye unonamata ɀifananidzo, uŋgadya nhaka muʋushe bgaKristu naMŋari.

⁶Ŋgakurege kuʋa nomunhu unokunyeŋgerai namashoko asinamaturo; nokuti nemhaka yeɀinhu iɀi kutsamŋa kwaMŋari kunoʋuya pamsoro paʋanakomana ʋokusaterera.

⁷Naiɀoɀo regai kushamŋaridzana naʋo;

⁸nokuti kare maiʋa rima, asi ɀino muri ciedza munaShe; fambai saʋana ʋeciedza.

⁹(Nokuti ciɓereko ceciedza ciri mukunaka kwose, nokururama, neɀokwaɗi),

¹⁰muciidza muziʋe ɀinofadza Ishe.

¹¹Regai kuyanana namaɓasa erima asineɀiɓereko, asi ɀirinani kuti muaraire;

¹²nokuti iɀo, ɀinoitwa naʋo pakaʋanda, ɀinonyadza kana ɀicirebga.

¹³Asi ɀinhu ɀose, kana ɀarairwa, ɀinoratidzwa neciedza; nokuti ɀose, ɀinoratidzwa, caʋa ciedza.

¹⁴Saka iye unoti: Muka iwe uʋete, muka kuʋakafa, Kristu ucakuvenekera.

¹⁵Naiɀoɀo cenjerai kwaɀo pakufamba kwenyu, kuti murege kufamba saʋasinakucenjera asi saʋakacenjera;

¹⁶muŋgwarire ŋguʋa yenyu, nokuti mazuʋa akaipa.

¹⁷Saka musaʋa mapenzi, asi muziʋe kuɗa kwaShe.

¹⁸Regai kuɓatwa newaini, nokuti ndipo panokusaɀidzora, asi muzadzwe noMŋeya;

¹⁹mutaurirane pakati penyu namapisarema, nenziyo, neɀiimbo ɀoMŋeya, muimbire, muridzire Ishe mumŋoyo yenyu;

²⁰muciʋoŋga Mŋari, Ƃaɓa, ŋguʋa dzose pamsoro peɀinhu ɀose, muzita raShe weɗu, Jesu Kristu;

²¹muciɀiisa mumŋe pasi pomumŋe, mucitya Kristu.

²²Imi ʋakadzi, muɀiise pasi paʋarume ʋenyu caiʋo, seɀamunoita kunaShe.

²³Nokuti murume musoro womukadzi, saKristu ʋo musoro wekereke; iye amene ndiye muponesi womuʋiri.

²⁴Asi kereke seɀairi pasi paKristu, ʋakadzi ŋgaʋaɗaro paɀinhu ɀose kuʋarume ʋaʋo.

²⁵Imi ʋarume, iɗai ʋakadzi ʋenyu, Kristu seɀaakaɗa ʋo kereke, akaɀipa nokuɗa kwayo;

²⁶kuti aiite tȿene aciinatsa nokushambidza kwemvura pashoko,

²⁷kuti aɀiisire pamberi pake kereke, inobginya, isinegwapa, kana kuwonyana, kana cinhu cakaɗai; asi iʋe tȿene, isinemhosa.

²⁸Saiɀoɀo ʋo ʋarume ʋanofanira kuɗa ʋakadzi ʋaʋo semiʋiri yaʋo. Unoɗa mukadzi wake, unoɀiɗa;

²⁹nokuti hakunomunhu wakatoŋgoʋeŋga nyama yake; asi unoipa ɀokudya nokuiceŋgeta, Kristu seɀaanoitira kereke;

³⁰nokuti isu tiri mitezo yomuʋiri wake.

³¹Naiɀoɀo munhu ucasiya ɓaɓa ʋake namai ʋake, anamatire mukadzi wake; iʋaʋo ʋaʋiri ʋacaʋa nyama imŋe.

³²Cakaʋanzika ici, cikuru; asi ndinotaura ɀaKristu neɀekereke.

³³Asi imi ʋo, mumŋe nomumŋe ŋgaaɗe mukadzi wake seɀaanoɀiɗa iye; nomukadzi ŋgaatye murume wake.