Read Original Shona Union Bible 1949 Baiberi Magwaro Matȿene aMŋari ƲaKorose 4 Bible Online

ƲaKorose 4 - Original Shona Union Bible 1949 Baiberi Magwaro Matȿene aMŋari bible

ƲaKorose 4

¹Madzishe, itirai ʋaranda ʋenyu ɀakarurama, ɀakariŋgana; muziʋe kuti nemi ʋo munaShe kuɗeŋga.

²Tsuŋgirirai pakunyeŋgetera, murinde pakuri nokuʋoŋga;

³mutinyeŋgeterere nesu ʋo kamŋe, kuti Mŋari atizarurire mukoʋa weshoko, titaure cakaʋanzika caKristu, candakasuŋgirwa ico;

⁴kuti ndiciratidze, seɀandinofanira kutaura.

⁵Fambai nokucenjera kunaʋari kunze, muciŋgwarira ŋguʋa yenyu.

⁶Kutaura kwenyu ŋgakuʋe nenyasha ŋguʋa dzose, kwakaruŋgwa nomunyu, kuti muziʋe kupindura mumŋe nomumŋe seɀamunofanira kuita.

⁷Mucaziʋiswa ɀaŋgu ɀose naTikiko, hama inoɗikanwa, mushumiri wakatendeka, nomuranda pamŋe cete neni munaShe.

⁸Ndakamutuma iye kwamuri nemhaka iyi, kuti muziʋe ɀeɗu, anyaradze mŋoyo yenyu;

⁹pamŋe cete naOnesimo, hama yakatendeka, inoɗikanwa, mumŋe wokwenyu. Iʋo ʋacakuziʋisai ɀose ɀapano.

¹⁰Aristarko, musuŋgwa pamŋe cete neni, unokukwazisai, naMarko, hama yaBarnabasi, (makarairwa pamsoro pake; kana aciȿika, mumugamucirei);

¹¹naJesu, unonzi Justo, ʋari ʋokudziŋgiswa; ndiʋaʋa ɓedzi ʋanoɓata neni paʋushe bgaMŋari, iʋo ʋakandinyaradza.

¹²Epafrasi, mumŋe wokwenyu, muranda waKristu Jesu, unokukwazisai, acirwa ŋguʋa dzose pakunyeŋgetera nokuɗa kwenyu, kuti mumire makakwana, muciziʋa kwaɀo kuɗa kwose kwaMŋari.

¹³Nokuti ndinomupupurira, kuti unotambudzika ɀikuru nokuɗa kwenyu, naʋeRaodikia, naʋeHirapori.

¹⁴Ruka, ŋaŋga inoɗikanwa, naDemasi, ʋanokukwazisai.

¹⁵Ndikwazisirei hama dziri Raodikia, naNimfa, nekereke iri mumba maʋo.

¹⁶Kana ŋwadi iyi yarabga pakati penyu, ŋgairabge ʋo mukereke yaʋaRaodikia; imi ʋo muraʋe ŋwadi inobva Raodikia.

¹⁷Ʋudzai Arkipo, muti: Tarira ɓasa rawakapiwa naShe, kuti uripedzise kwaɀo.

¹⁸Ndiko kukwazisa kwaŋgu, ini Pauro, noruʋoko rwaŋgu. Raŋgarirai kusuŋgwa kwaŋgu. Nyasha ŋgadziʋe nemi.