Read Original Shona Union Bible 1949 Baiberi Magwaro Matȿene aMŋari I ƲaTesaronika 3 Bible Online

I ƲaTesaronika 3 - Original Shona Union Bible 1949 Baiberi Magwaro Matȿene aMŋari bible

I ƲaTesaronika 3

¹Saka ɀatakaŋga tisiŋgagoni kutsuŋga, takati ɀakanaka kuti tisiyiwe tiri toga paAtene;

²tikatuma Timotio, hama yeɗu, mushumiri waMŋari paEvaŋgeri yaKristu, kuti akusimbisei, nokukutsuŋgisai mŋoyo pakutenda kwenyu;

³kuti kurege kuʋa nomunhu unozunuŋguswa nenhamo idzi, nokuti munoziʋa mumene kuti takagadzirirwa iɀoɀo.

⁴Nokuti ticiri kwamuri takambokuʋudzai kuti ticatambudzwa; seɀaɀakaitika, nemi munoziʋa.

⁵Saka ini ʋo, ɀandakaŋga ndisicagoni kutsuŋga, ndakamutuma kuti ndiziʋe kutenda kwenyu, ndiciti ɀimŋe muidzi wakakuidzai, iɀo ɀatakaɓata ɀikaʋa pasina.

⁶Asi ɀino Timotio wakati aȿika kwatiri acaŋgobva kwamuri, akatiʋudza mashoko akanaka okutenda kwenyu noruɗo rwenyu, ʋuye kuti munoŋgositifuŋga nomuraŋgariro wakanaka, muciɗa ɀikuru kutiʋona isu, sesu ʋo ticiɗa kukuʋonai imi;

⁷saka, hama dzangu, takanyaradzwa pamsoro penyu pakutambudzika kweɗu kwose nenhamo nokutenda kwenyu;

⁸nokuti ɀino isu tinorarama, kana imi mumire makasimba munaShe.

⁹Nokuti tiŋgaʋoŋga Mŋari neiko pamsoro penyu, nomufaro wose watinofara nawo pamberi paMŋari weɗu nokuɗa kwenyu,

¹⁰ticiŋgokumbira ɀikuru ʋusiku namasikati kuti tiʋone ciso cenyu, kuti tizadzise ɀakatairira pakutenda kwenyu?

¹¹Ɀino iye Mŋari, Ƃaɓa ʋeɗu, naShe weɗu Jesu, ŋgaaruramisire nzira yeɗu kwamuri;

¹²ishe akukurisei, akuwanzisirei ruɗo pakati penyu nokunaʋose, seɀatinoita isu kwamuri,

¹³asimbise mŋoyo yenyu kuti iʋe isina‐caiŋgapomerwa paʋutȿene pamberi paMŋari, Ƃaɓa ʋeɗu, pakuʋuya kwaShe weɗu Jesu pamŋe cete naʋatȿene ʋake ʋose.