Read Original Shona Union Bible 1949 Baiberi Magwaro Matȿene aMŋari I ƲaTesaronika 5 Bible Online

I ƲaTesaronika 5 - Original Shona Union Bible 1949 Baiberi Magwaro Matȿene aMŋari bible

I ƲaTesaronika 5

¹Asi kana dziri ŋguʋa nemisi, hama dzaŋgu, hamufaniri henyu kuti munyorerwe cinhu;

²nokuti imi mumene munoziʋa kwaɀo, kuti zuʋa raShe rinoȿika sembava ʋusiku.

³Kana ʋaciti, Rugare, nokugarika — ipapo kuparadzwa kucakurumidza kuʋawira, sokurwadzwa kwomukadzi unemimba; haʋaŋgatoŋgopukunyuki.

⁴Asi imi, hama dzaŋgu, hamuzi murima, kuti zuʋa iro rikuɓatei sembava.

⁵Nokuti imi mose muri ʋana ʋeciedza, naʋana ʋamasikati; hatizi ʋoʋusiku, kana ʋerima.

⁶Naiɀoɀo ŋgatirege kuʋata saʋamŋe, asi tirinde, tiȿinuke.

⁷Nokuti ʋanoʋata, ʋanoʋata ʋusiku; ʋanoɓatwa neɗoro, ʋanoɓatwa ʋusiku.

⁸Asi isu, ɀatiri ʋamasikati, ŋgatiȿinuke, takapfeka cidzitiro cecifuʋa cokutenda noruɗo; neŋgowani iʋe tariro yoruponeso.

⁹Nokuti Mŋari haana‐kutiisira kutsamŋa, asi kuti tiwane ruponeso naShe weɗu Jesu Kristu;

¹⁰wakatifira isu, kuti, kana ticirinda, kana ticiʋata, tirarame pamŋe cete naye.

¹¹Saka nyaradzanai, musimbisane, seɀamunoita ʋo.

¹²Ɀino tinokumbira kwamuri, hama dzaŋgu, kuti muziʋe aʋo ʋanoɓata pakati penyu, ʋanokutuŋgamirirai munaShe, ʋanokurairai;

¹³muʋakudze ɀikuru noruɗo, nokuɗa kweɓasa raʋo. Iʋai norugare pakati penyu.

¹⁴Tinokumbira ɀikuru kwamuri, hama dzaŋgu, kuti muraire ʋasiŋgatereri murairo, musimbise ʋanopera mŋoyo, mutsigire ʋasinesimba, muʋe nomŋoyo murefu kunaʋose.

¹⁵Cenjerai kuti mumŋe arege kutsiʋa mumŋe ɀakaipa neɀakaipa; asi ŋguʋa dzose muteʋere ɀinhu ɀakanaka, mumŋe kunomumŋe, nokunaʋose.

¹⁶Farai ŋguʋa dzose.

¹⁷Rambai mucinyeŋgetera.

¹⁸Ʋoŋgai paɀinhu ɀose; nokuti ndiko kuɗa kwaMŋari kwamuri munaKristu Jesu.

¹⁹Musadzima Mŋeya;

²⁰musaɀidza ɀinoprofitwa;

²¹idzai ɀinhu ɀose; muɓatisise ɀakanaka;

²²regai marudzi ose eɀakaipa.

²³Mŋari worugare amene ŋgaakuitei ʋatȿene kwaɀo; Mŋeya wenyu, nomŋoyo, nomuʋiri, ɀiceŋgetwe kwaɀo, ɀisina‐ɀaɀiŋgapomerwa pakuʋuya kwaShe weɗu Jesu Kristu.

²⁴Wakatendeka ndiye unokuɗanai, ucaɀiita ʋo.

²⁵Hama dzaŋgu, tinyeŋgetererei.

²⁶Kwazisai hama dzose nokuȿeta kutȿene.

²⁷Ndinokupikirai naShe, kuti ŋwadi iyi iraʋirwe hama dzose.

²⁸Nyasha dzaShe weɗu Jesu ŋgadziʋe nemi.