Read Original Shona Union Bible 1949 Baiberi Magwaro Matȿene aMŋari Joshua 11 Bible Online

Joshua 11 - Original Shona Union Bible 1949 Baiberi Magwaro Matȿene aMŋari bible

Joshua 11

¹Ɀino Jabini, mambo weHazori wakati aciɀinzwa, akatuma nhume kunaJobabi, mambo weMadoni, nokunamambo weShimroni, nokunamambo weAkshafi,

²nokuna‐madzimambo akaŋga ari kurutiʋi rwokumsoro, panyika yeɀikomo, nomumupata kurutiʋi rwenyasi rweKineroti, nomumapani, nokuɀikomo ɀapaDori, kurutiʋi rwamaʋirazuʋa,

³nokuʋaKanani kurutiʋi rwamabvazuʋa nokumaʋirira, naʋaAmori, naʋaHeti, naʋaPerezi, naʋaJebusi, panyika yamakomo, naʋaHivi ʋakaŋga ʋagere mujiŋga meHermoni, panyika yeMizpa.

⁴Ʋakaɓuɗa, iʋo nehondo dzaʋo dzose dzaʋakaŋga ʋanadzo, ʋari ʋazhinji, sejeca riri pamhenderekedzo yeguŋgwa nokuwanda, namabiza neŋgoro zhinji‐zhinji.

⁵Madzimambo awa ose akaʋuŋgana, ʋakaʋuya pamŋe cete kuʋaka misasa yaʋo pamvura yeMeromi, kuzorwa naʋaIsraeri.

⁶Ɀino Jehova akati kunaJoshua: Usaʋatya, nokuti maŋgwana neŋguʋa ino ndicaʋaisa ʋose mumaʋoko ako, ʋaʋurawe pamberi paʋaIsraeri; unofanira kugura marunda amakumbo amabiza aʋo, nokupisa ŋgoro dzaʋo nomŋoto.

⁷Ɀino Joshua akaʋuya pakarepo, iye naʋanhu ʋose ʋehondo ʋaakaŋga anaʋo, kuti arwe naʋo pamvura yeMeromi, akaʋaʋamba.

⁸Jehova akaʋaisa mumaʋoko aʋaIsraeri, ʋakaʋaparadza nokuʋadziŋga kuȿikira paguta guru Zidoni, nokuȿikira Misrefoti‐maimi, nokuȿikira kumupata weMizpe kumabvazuʋa; ʋakaʋaʋuraya kuȿikira ʋasina‐kusiya kunyaŋge nomumŋe cete.

⁹Joshua akaʋaitira seɀaakaŋga arairwa naJehova; akagura marunda amakumbo amabiza aʋo, nokupisa ŋgoro dzaʋo nomŋoto.

¹⁰Neŋguʋa iyo Joshua akadzoka, akakunda Hazori, akaʋuraya mambo waro nomunondo; nokuti pakutaŋga Hazori waiʋa muzinda woʋushe ibgo bgose.

¹¹Ʋakaʋuraya ʋanhu ʋose ʋakaŋga ʋari’mo neminondo inopinza, ʋakaʋaparadza cose; hakunecinhu cimŋe cinofema cakasara; ʋakapisa Hazori nomŋoto.

¹²Joshua akakunda ʋo maguta ose amadzimambo iwayo, namadzimambo awo ose, akaʋaʋuraya neminondo inopinza, akaʋaparadza cose; seɀakaŋga ɀarairwa naMosesi muranda waJehova.

¹³Asi maguta akaŋga ari paɀikomo ɀaʋo, ʋaIsraeri haʋana‐kuapisa kunyaŋge nerimŋe cete, asi Hazori cete; Joshua wakapisa irero.

¹⁴Ʋana ʋaIsraeri ʋakatapa ɀose ɀaʋakapamba ɀamaguta iwayo, neŋombe; asi ʋakaʋuraya ʋarume ʋose neminondo inopinza, kuȿikira ʋaʋaparadza; haʋana‐kusiya kunyaŋge necinhu cimŋe cete cinofema.

¹⁵Seɀakaŋga ɀarairwa Mosesi muranda wake naJehova, ndiɀo Mosesi ɀaakaraira Joshua; Joshua akaita saiɀoɀo, haana‐kusiya cinhu cimŋe cete paɀose ɀakaŋga ɀarairwa Mosesi naJehova.

¹⁶Saiɀoɀo Joshua akakunda nyika iyo yose, iyo nyika yamakomo, nenyika yose yezasi, nenyika yose yeGosheni, neɓani, noMupata, nenyika yamakomo yaIsraeri, neɓani rayo;

¹⁷kubva pagomo reHaraki, rinokwira Seiri, kuȿikira paBaari‐gadi pamupata weRebanoni, mujiŋga megomo reHermoni; akakunda madzimambo aro ose, akaʋaparadza nokuʋaʋuraya.

¹⁸Joshua akarwa namadzimambo iwayo ose mazuʋa mazhinji.

¹⁹Hakuneguta rakayanana naʋaIsraeri, asi ʋaHivi ʋakaŋga ʋagere Gibeoni; ʋakakunda ɀose pakurwa.

²⁰Nokuti Jehova ndiye wakawomesa mŋoyo yaʋo, kuti ʋarwe naʋaIsraeri, kuti aʋaparadze cose, ʋarege kunzwirwa tsitsi; asi aʋaparadze, seɀakaŋga ɀarairwa Mosesi naJehova.

²¹Neŋguʋa iyo Joshua akaenda akaparadza ʋaAnaki panyika yamakomo, paHebroni, napaDebiri, napaAnabi, napanyika yose yamakomo yaJuda, napanyika yose yamakomo yaIsraeri; Joshua akaʋaparadza cose pamŋe cete namaguta aʋo.

²²Hakuna‐kuʋaAnaki wakasara panyika yaʋana ʋaIsraeri; asi paGaza, napaGadi, napaAshdodi ndipo pakasara ʋamŋe.

²³Joshua akakunda saiɀoɀo nyika yose seɀose ɀakaʋudzwa Mosesi naJehova; Joshua akaipa ʋana ʋaIsraeri, kuti iʋe nhaka yaʋo, seɀaʋakaŋga ʋakamurwa namarudzi aʋo. Nyika ikazorora pakurwa.