Read Original Shona Union Bible 1949 Baiberi Magwaro Matȿene aMŋari Joshua 13 Bible Online

Joshua 13 - Original Shona Union Bible 1949 Baiberi Magwaro Matȿene aMŋari bible

Joshua 13

¹Ɀino Joshua wakaŋga akwegura, aʋa namakore mazhinji; Jehova akati kwaari: Wakwegura, waʋa namakore mazhinji, dziciri’ko nyika zhinji dzinofanira kuʋa dzenyu.

²Nyika yasara ndiyo: Nyika dzose dzaʋaFiristia, naʋaGeshuri ʋose;

³kubva paShihori kurutiʋi rweEgipita, kuȿikira kumuganho weEkroni kumsoro, wainzi ndowaʋaKanani; madzishe mashanu aʋaFiristia, ʋaiti: WeGaza, noweAshdodi, noweAshkeroni, noweGiti, noweEkroni, naʋaAvimi,

⁴kurutiʋi rweZasi, nyika yose yaʋaKanani, neMeara, waiʋa waʋaZidoni, kuȿikira paAfeki, kuȿikira kumuganho waʋaAmori;

⁵nenyika yaʋaGebari, neRebanoni rose kumabvazuʋa, kubva paBaari‐gadi pajiŋga pegomo reHermoni, kuȿikira paʋanopinda paHamati;

⁶ʋanhu ʋose ʋagere panyika yamakomo, kubva paRebanoni kuȿikira paMisrefoti‐maimi, naʋaZidoni ʋose, iʋaʋo ndicaʋadziŋga pamberi paʋana ʋaIsraeri; asi iwe unofanira kuipa ʋana ʋaIsraeri, iʋe nhaka yaʋo, seɀandakakuraira.

⁷Ɀino unofanira kugoʋera nyika iyi pakati pamarudzi mapfumbamŋe nehafu yorudzi rwaManase, iʋe nhaka yaʋo.

⁸ƲaRubeni naʋaGadi ʋakapiwa nhaka yaʋo pamŋe cete naye, iyo yaʋakaŋga ʋapiwa naMosesi mhiri kwaJoridani kumabvazuʋa, seɀaʋakapiwa naMosesi, muranda waJehova;

⁹kubva paAroeri, parutiʋi rwomupata weArnoni, neguta raiʋa pakati pomupata, neɓani rose reMedeba kuȿikira paDiboni;

¹⁰namaguta ose aSihoni, mambo waʋaAmori, wakaŋga aciɓata ʋushe paHeshboni, kuȿikira kumuganho waʋana ʋaAmoni;

¹¹neGireadi, nenyika yaʋaGeshuri naʋaMaakati, negomo rose reHermoni, neBashani rose kuȿikira paSareka,

¹²noʋushe bgose bgaOgi paBashani, wakaŋga aciɓata ʋushe paAshtaroti neEdrei (ndiye wakaŋga asara paʋaRefaimi); nokuti ndiʋo ʋakaŋga ʋakundwa naMosesi ʋakadziŋgwa naye.

¹³Kunyaŋge ɀakaɗaro ʋana ʋaIsraeri haʋana‐kudziŋga ʋaGeshuri kana ʋaMaakati; asi ʋaGeshuri naʋaMaakati ʋagere pakati paʋaIsraeri kuȿikira nhasi.

¹⁴Asi rudzi rwaʋaRevi ɓedzi haana‐kurupa nhaka; ɀipiriso ɀaJehova, Mŋari waIsraeri, ɀaipiswa, ndiɀo ɀaiʋa nhaka yaʋo, seɀaakataura naye.

¹⁵Joshua akapa rudzi rwaʋana ʋaRubeni mugoʋe waʋo nedzimba dzaʋo.

¹⁶Nyika yaʋo yakabva paAroeri, parutiʋi rwomupata weArnoni, neguta raiʋa pakati pomupata, neɓani rose paMedeba;

¹⁷Heshboni namaguta aro ose ari paɓani; Diboni, neBamoti‐baari, neBeti‐baari‐meoni;

¹⁸neJahazi, neKedemoti, neMefahati;

¹⁹neKiriataimi, neSibma, neZereti‐shahari mugomo romupata;

²⁰neBeti‐peori, nemitenusirwa yePisga, neBeti‐jeshimoti;

²¹namaguta ose eɓani, noʋushe bgose bgaSihoni, mambo waʋaAmori, wakaŋga aciɓata ʋushe paHeshboni, wakaŋga akundwa naMosesi pamŋe cete naʋakuru ʋeMidiani, neEvi, neRekemi, neZuri, neHuri, neReba, namacinda aSihoni, akaŋga agere munyika iyo.

²²Barami, mŋanakomana waBeori, muʋuki, naiye ʋo wakaʋurawa nomunondo naʋana ʋaIsraeri pakati paʋamŋe ʋakaʋurawa naʋo.

²³Muganho waʋana ʋaRubeni rwakaŋga ruri Joridani nenyika yarwo. Ndiyo yaiʋa nhaka yaʋana ʋaRubeni nemhuri dzaʋo, iwo maguta nemisha yawo.

²⁴Mosesi akapa rudzi rwaʋaGadi, iʋo ʋana ʋaGadi, mugoʋe waʋo nemhuri dzaʋo.

²⁵Nyika yaʋo raiʋa Jazeri, namaguta ose eGireadi, nehafu yenyika yaʋana ʋaAmoni, kuȿikira paAroeri, pamberi peRaba;

²⁶nokubva paHeshboni, kuȿikira paRamati‐mizpe, neBetonimi; nokubva paMahanaimi, kuȿikira pamuganho weDebiri;

²⁷nomumupata Beti‐harami, neBeti‐nimra, neSukoti, neZafoni, noʋumŋe ʋushe bgakaŋga bgasara bgaSihoni, mambo weHeshboni, neJoridani nenyika yarwo, kuȿikira pamagumisiro eguŋgwa reKineroti, mhiri kwaJoridani, kumabvazuʋa.

²⁸Ndiyo nhaka yaʋana ʋaGadi nemhuri dzaʋo iwo maguta nemisha yawo.

²⁹Mosesi akapa hafu yorudzi rwaManase nhaka yaʋo; ndiyo yaiʋa nhaka yehafu yorudzi rwaʋana ʋaManase nemhuri dzaʋo.

³⁰Nyika yaʋo yakabva paMahanaimi, neBashani rose, noʋushe bgaOgi, mambo weBashani, nemisha yose yeJairi, yaiʋa paBashani, maguta makumi matanhatu;

³¹nehafu yeGireadi, neAshtaroti, neEdrei, maguta oʋushe bgaOgi paBashani, ndiyo yaiʋa yaʋana ʋaMakiri, mŋanakomana waManase, yehafu yaʋana ʋaMakiri nemhuri dzaʋo.

³²Ndidzo nhaka dzakagoʋerwa naMosesi pamapani aMoabi, mhiri kwaJoridani paJeriko kumabvazuʋa.

³³Asi rudzi rwaʋaRevi haruna‐kupiwa nhaka naMosesi; Jehova Mŋari waʋaIsraeri, iye amene, ndiyo nhaka yaʋo, seɀaʋakaʋudzwa naye.