Read Original Shona Union Bible 1949 Baiberi Magwaro Matȿene aMŋari Joshua 18 Bible Online

Joshua 18 - Original Shona Union Bible 1949 Baiberi Magwaro Matȿene aMŋari bible

Joshua 18

¹Ɀino ʋuŋgano yose yaʋana ʋaIsraeri yakaʋuŋgana paShiro, ikadzika’po tente rokusoŋgana; nyika yakaŋga yakundwa naʋo.

²Asi pakati paʋana ʋaIsraeri kwakaŋga kwasara marudzi manomŋe akaŋga acigere kukamurirwa nhaka yawo.

³Ɀino Joshua akati kuʋana ʋaIsraeri: Mucanonoka kuȿikira riniko kupinda nokutora nyika, yamakapiwa naJehova Mŋari wamadziɓaɓa enyu?

⁴Ɀitsaurirei ʋarume ʋatatu kurudzi rumŋe norumŋe, ini ndiʋatume, ʋasimuke ʋafambe nenyika, ʋagorondedzera nhaka yaʋo; ipapo ʋaʋuye kwandiri.

⁵Ʋanofanira kuiganhura ʋaciita migoʋe minomŋe; ʋaJuda ʋanofanira kugara panyika yaʋo kurutiʋi rwezasi, ʋuye ʋeimba yaJosefa ʋanofanira kugara panyika yaʋo kurutiʋi rwokumsoro.

⁶Ɀino munofanira kurondedzera nyika, muciita migoʋe minomŋe, mugoʋuya nerondedzero kwandiri, ndikukandirei mijenya pano pamberi paJehova Mŋari weɗu.

⁷Nokuti ʋaRevi haʋanomugoʋe pakati penyu; nokuti ʋuprista bgaJehova ndiyo nhaka yaʋo; ɀino ʋaGadi naʋaRubeni, nehafu yorudzi rwaManase ʋakapiwa nhaka yaʋo mhiri kwaJoridani kumabvazuʋa, yaʋakaŋga ʋapiwa naMosesi muranda waJehova.

⁸Ɀino ʋarume aʋo ʋakasimuka, ʋakaenda; Joshua akaraira iʋaʋo ʋakaenda kundorondedzera nyika, akati: Endai, mufambe nenyika, muirondedzere, mugodzokera kwandiri, ndikukandirei mijenya pano pamberi paJehova paShiro.

⁹Ʋarume ʋakaenda, ʋakafamba nenyika, ʋakarondedzera mubuku nyika namaguta ayo, ʋaciita migoʋe minna, ʋakaȿika kunaJoshua pamisasa paShiro.

¹⁰Ɀino Joshua akaʋakandira mijenya paShiro pamberi paJehova; ipapo Joshua akagoʋera ʋana ʋaIsraeri nyika seɀaʋakaŋga ʋakamurirwa.

¹¹Rudzi rwaʋana ʋaBenjamini ʋakagoʋerwa mugoʋe waʋo nemhuri dzaʋo; nyika yomugoʋe waʋo yakaŋga iri pakati paʋana ʋaJuda naʋana ʋaJosefa.

¹²Muganho waʋo kurutiʋi rwokumsoro wakabva paJoridani; ɀino muganho ndokukwira kurutiʋi rweJeriko necokumsoro, ndokukwira nenyika yamakomo kumaʋirazuʋa, ndokuguma murenje reBeti‐aveni.

¹³Muganho ndokubva’po, ndokupfuʋura napaRuzi, kurutiʋi rwezasi rweRuzi (ndiro Beteri); ɀino muganho ndokuɓurukira Ataroti‐adari, pedyo negomo riri zasi kweBeti‐horoni rezasi.

¹⁴Muganho ndokutarwa, ucibva kumaʋirazuʋa ucidzokera zasi; kubva pagomo riri pamberi peBeti‐horoni zasi, ndokuguma paKiriati‐baari (ndiro Kiriati‐jearimi), guta raʋana ʋaJuda; ndirwo rwaiʋa rutiʋi rwamaʋirazuʋa.

¹⁵Rutiʋi rwezasi rwakabva pamugumo weKiriati‐jearimi, muganho ndokuramba ucienda kumaʋirazuʋa, ndokuɓuɗira kutsime remvura yeNeftoa;

¹⁶ɀino muganho ndokuɓurukira kumugumo wegomo riri pamberi pomupata womŋanakomana waHinomi, mumupata weRafaimi kumsoro; ndokuɓurukira kumupata waHinomi, kurutiʋi rwaʋaJebusi zasi, ndokuɓurukira Eni‐rogeri;

¹⁷ɀino ndokutarwa kurutiʋi rwokumsoro, kubva paEni‐shemeshi kuȿikira paGeriroti, rakatarisana nejiŋga reAdunimi; ndokuɓurukira kubge raBohani, mŋanakomana waRubeni;

¹⁸ɀino ndokupfuʋurira kurutiʋi rwakatarisana neAraba, kumsoro, ndokuɓurukira kuAraba;

¹⁹muganho ndokupfuʋura nokurutiʋi rweBeti‐hogra kumsoro, ndokuguma kumsoro apo pakapinda nyika muGuŋgwa roMunyu, kumugumo wezasi waJoridani; ndiwo waiʋa muganho wezasi.

²⁰Joridani ndirwo rwakaŋga ruri muganho wayo kumabvazuʋa. Ndiyo yakaŋga iri nhaka yaʋana ʋaBenjamini, nemiganho yayo kunhiʋi dzose, nemhuri dzaʋo.

²¹Maguta orudzi rwaʋana ʋaBenjamini, nemhuri dzaʋo, akaŋga ari Jeriko, neBeti‐hogra, neEmeki‐kezizi,

²²neBeti‐araba, neZemaraimi, neBeteri,

²³neAvimi, nePara, neOfra,

²⁴neKefari‐amoni, neOfni, neGeba; maguta anegumi namaʋiri nemisha yawo;

²⁵neGibeoni, neRama, neBeeroti,

²⁶neMizpe, neKefira, neMoza,

²⁷neRekemi, neIrpeeri, neTarara,

²⁸neZera, neErefi, neJebusi (ndiro Jerusarema), neGibeati, neKiriati; maguta anegumi namanna nemisha yawo; ndiyo yakaŋga iri nhaka yaʋana ʋaBenjamini nemhuri dzaʋo.