Read Original Shona Union Bible 1949 Baiberi Magwaro Matȿene aMŋari Joshua 24 Bible Online

Joshua 24 - Original Shona Union Bible 1949 Baiberi Magwaro Matȿene aMŋari bible

Joshua 24

¹Ɀino Joshua akaʋuŋganidza marudzi ose aʋaIsraeri paShekemi, akaɗana ʋakuru ʋaIsraeri, naʋatuŋgamiriri ʋaʋo, naʋatoŋgi ʋaʋo, naʋatariri ʋaʋo; ʋakaɀiisa pamberi paMŋari.

²Joshua akati kuʋanhu ʋose: Ɀanzi naJehova Mŋari waIsraeri: Madziɓaɓa enyu aigara kare mhiri kwoRwizi, iye Tera, ɓaɓa ʋaAbrahama, naNahori, acishumira ʋamŋe ʋamŋari.

³Ini ndikatora ɓaɓa ʋenyu Abrahama mhiri kwoRwizi, ndikamufambisa panyika yose yeKanani, ndikawanza ʋana ʋake, ndikamupa Isaka.

⁴Ndikapa Isaka Jakobo naEsau; ndikapa Esau gomo reSeiri, riʋe rake; Jakobo naʋana ʋake ʋakaɓurukira Egipita.

⁵Ndikatuma Mosesi naAroni, ndikatambudza Egipita, neɀandakaita pakati payo; pashure ndikakuɓuɗisai.

⁶Ndikaɓuɗisa madziɓaɓa enyu paEgipita, mukaȿika paguŋgwa; ʋaEgipita ʋakateʋera madziɓaɓa enyu ʋaneŋgoro ʋuye naʋanhu ʋakataȿa mabiza kuȿikira paGuŋgwa Dɀuku.

⁷Ɀino ŋguʋa yaʋakacema kunaJehova, akaisa rima pakati penyu naʋaEgipita, akaʋuyisa guŋgwa pamsoro paʋo, akaʋafukidza; meso enyu akaʋona ɀandakaita paEgipita, mukagara mureŋje mazuʋa mazhinji.

⁸Ndikakuȿitsai kunyika yaʋaAmori, ʋakaŋga ʋagere mhiri kwaJoridani; iʋo ʋakarwa nemi, ndikaʋaisa mumaʋoko enyu, nyika yaʋo ikaʋa yenyu, ndikaʋaparadza pamberi penyu.

⁹Ɀino Baraki mŋanakomana waZipori, mambo waMoabi, akasimuka, akarwa naIsraeri, akatuma nhume kundoɗana Barami, mŋanakomana waBeori, kuti amutuke.

¹⁰Asi ini ndakaramba kunzwa Barami, naiɀoɀo wakaramba aciŋgokuropafadzai; naiɀoɀo ndakakurwirai paruʋoko rwake.

¹¹Ɀino makayambuka Joridani, mukaȿika paJeriko; ʋarume ʋeJeriko ʋakarwa nemi, ʋaiti: ƲaAmori, naʋaPerezi, naʋaKanani, naʋaHeti, naʋaGirgashi, naʋaHivi, naʋaJebusi; ndikaʋaisa mumaʋoko enyu.

¹²Ndikatuma pamberi penyu mago, akaʋadziŋga pamberi penyu, iwo madzimambo maʋiri aʋaAmori; haʋana‐kudziŋgwa neminondo yenyu kana noʋuta bgenyu.

¹³Ndikakupai nyika yomusina‐kurima, namaguta amusina‐kuʋaka, mamugere ɀino; munodya minda yemizambiriŋga neyemiorivi yamusina‐kusima.

¹⁴Naiɀoɀo ityai Jehova ɀino, mumushumirei nomŋoyo wose neɀokwaɗi; rashai ʋamŋari ʋaishumirwa namadziɓaɓa enyu mhiri kwoRwizi napaEgipita, imi mushumire Jehova.

¹⁵Kana muciti ɀakaipa kushumira Jehova, ɀitsaurirei nhasi wamunoɗa kushumira, kana ʋamŋari ʋaishumirwa namadziɓaɓa enyu mhiri kwoRwizi, kana ʋamŋari ʋaʋaAmori ʋamugere munyika yaʋo; asi kana ndirini naʋeimba yaŋgu ticashumira Jehova.

¹⁶Ipapo ʋanhu ʋakapindura ʋakati: Mŋari atiɓatsire, kuti tirege kurasha Jehova ticishumira ʋamŋe ʋamŋari.

¹⁷Nokuti Jehova Mŋari weɗu, ndiye wakatiɓuɗisa panyika yeEgipita, isu namadziɓaɓa eɗu, paimba yoʋuranda; ndiye wakaita ɀiratidzo ɀikuru ticiɀiʋona, akaticeŋgeta panzira yose yatakafamba nayo, napakati pendudzi dzose dzatakapfuʋura nokwadziri.

¹⁸Jehova ndiye wakadziŋga ndudzi dzose pamberi peɗu, iʋo ʋaAmori ʋakaŋga ʋagere munyika ino; naiɀoɀo nesu ʋo ticashumira Jehova, nokuti ndiye Mŋari weɗu.

¹⁹Ɀino Joshua akati kuʋanhu: Hamuŋgagoni kushumira Jehova, nokuti ndiMŋari mutȿene, ndiMŋari unegoɗo, haaŋgakukaŋganwiriyi kuɗarika kwenyu neɀiʋi ɀenyu.

²⁰Kana mukarasha Jehova, mukashumira ʋamŋari ʋaʋatorwa, iye ucakushandukirai nokukuitirai ɀakaipa, nokukuparadzai, ambokuitirai ɀakanaka.

²¹Ipapo ʋanhu ʋakati kunaJoshua: Kwete, asi ticashumira Jehova.

²²Joshua akati kuʋanhu: Munoɀipupurira kuti makatsaura Jehova kuti mumushumirei. Iʋo ʋakati: Tiri ɀapupu heɗu.

²³Naiɀoɀo ɀino rashai ʋamŋari ʋaʋatorwa ʋari pakati penyu, murerekere mŋoyo yenyu kunaJehova Mŋari waIsraeri.

²⁴Ʋanhu ʋakati kunaJoshua: Jehova Mŋari weɗu ndiye waticashumira, ticaterera inzwi rake.

²⁵Naiɀoɀo Joshua akaita suŋgano naʋanhu musi iwoyo, akaʋasimbisira mutemo nomurairo paShekemi.

²⁶Joshua akanyora mashoko iwayo mubuku yomurairo waMŋari, akatora ibge guru, akarimisa pasi pomuouki, wakaŋga uri paimba tȿene yaJehova.

²⁷Joshua akati kuʋanhu ʋose: Tarirai, ibge iri ricakupupurirai, nokuti rakanzwa mashoko ose atakataura naJehova; naiɀoɀo ricakupupurirai, kuti murege kuzoramba Mŋari wenyu.

²⁸Naiɀoɀo Joshua akaendisa ʋanhu, mumŋe nomumŋe akaenda kunhaka yake.

²⁹Ɀino shure kwaiɀoɀo Joshua mŋanakomana waNuni, muranda waJehova, wakafa, aʋa namakore anezana negumi.

³⁰Ʋakamuʋiga panyika yenhaka yake paTimnati‐sera, panyika yamakomo yaEfraimi, necokumsoro kwegomo reGaashi.

³¹ƲaIsraeri ʋakashumira Jehova mazuʋa ose aJoshua, namazuʋa ose aʋakuru ʋakaŋga ʋaciri ʋapenyu Joshua atofa, iʋo ʋakaŋga ʋakaziʋa maɓasa ose akaŋga aitirwa ʋaIsraeri naJehova.

³²Mafupa aJosefa, akaŋga aʋuya naʋana ʋaIsraeri pakuɓuɗa kwaʋo Egipita, ʋakaaʋiga paShekemi, panɀimbo yenyika yakaŋga yateŋgwa naJakobo kuʋana ʋaHamori, ɓaɓa ʋaShekemi, nezana remari; ikazoʋa nhaka yaʋana ʋaJosefa.

³³Ɀino Ereazari, mŋanakomana waAroni, akafa, ʋakamuʋiga mucikomo comŋanakomana wake Pinehasi, caakaŋga apiwa munyika yamakomo yaEfraimi.