Read Original Shona Union Bible 1949 Baiberi Magwaro Matȿene aMŋari Joshua 3 Bible Online

Joshua 3 - Original Shona Union Bible 1949 Baiberi Magwaro Matȿene aMŋari bible

Joshua 3

¹Ɀino Joshua wakamuka maŋgwanani, ʋakabva Shitimi, ʋakaȿika paJoridani, iye naʋana ʋaIsraeri ʋose; ʋakaʋata’po ʋasati ʋayambuka.

²Mazuʋa matatu akati apera, ʋatariri ʋakapinda napakati pemisasa,

³ʋakaraira ʋanhu, ʋaciti: Kana muciʋona areka yesuŋgano yaJehova Mŋari wenyu, naʋaprista ʋaRevi ʋoitakura, munofanira kusimuka pamugere, nokuiteʋera.

⁴Asi munofanira kusiya nɀimbo pakati penyu naiyo, inoȿika makubiti[1] aneŋge ɀuru ɀiʋiri; regai kusweɗera kwairi, kuti muziʋe nzira yamunofanira kuenda nayo; nokuti mugere kumbofamba nenzira iyi.

⁵Ɀino Joshua akati kuʋanhu: Ɀinatsei, nokuti maŋgwana Jehova ucaita ɀinoshamisa pakati penyu.

⁶Joshua akataura naʋaprista, akati: Simudzai areka yesuŋgano, mutuŋgamirire ʋanhu pakuyambuka. Iʋo ʋakasimudza areka yesuŋgano, ʋakatuŋgamirira ʋanhu.

⁷Ipapo Jehova akati kunaJoshua: Nhasi ndicataŋga kukukudza pamberi paʋaIsraeri ʋose, ʋaziʋe kuti ndicaʋa newe, seɀandaisiʋa naMosesi.

⁸Iwe unofanira kuraira ʋaprista kuti ʋatakure areka yesuŋgano, uciti: Kana maȿika parutiʋi rwemvura yaJoridani, munofanira kumira muJoridani.

⁹Ɀino Joshua akati kuʋana ʋaIsraeri: Ʋuyai pano, munzwe mashoko aJehova Mŋari wenyu.

¹⁰Joshua akati: Mucaziʋa necinhu ici kuti Mŋari mupenyu uri pakati penyu, ʋuye kuti ucadziŋga ɀirokwaɀo pamberi penyu ʋaKanani, naʋaHeti, naʋaHivi, naʋaPerezi, naʋaGirgashi, naʋaAmori, naʋaJebusi.

¹¹Tarirai, areka yesuŋgano yaShe wenyika yose inokutuŋgamirirai pakuyambuka Joridani.

¹²Naiɀoɀo ɀino muɀitorerei ʋarume ʋanegumi naʋaʋiri pamarudzi ose aʋaIsraeri, mumŋe mumŋe parudzi rumŋe norumŋe.

¹³Ɀino kana tsoka dzaʋaprista ʋanotakura areka yaJehova, Ishe wenyika yose, dzicitsika mumvura yaJoridani, mvura yaJoridani icagurwa, iyo mvura inobva kumsoro; icamira, ikaita murwi mukuru.

¹⁴Ɀino ʋanhu ʋakati ʋacibva pamatente aʋo, kuti ʋayambuke Joridani, ʋaprista ʋaitakura areka ʋakatuŋgamirira ʋanhu;

¹⁵ɀino ʋakaŋga ʋakatakura areka ʋakati ʋaciȿika paJoridani, netsoka dzaʋaprista ʋakaŋga ʋakatakura areka dzicinyikwa pamuceto wemvura, (nokuti Joridani runofashamira nhiʋi dzarwo dzose ŋguʋa yose yokukohwa,)

¹⁶mvura yakaŋga icibva kumsoro ikamira, ikaita murwi mukuru, kuȿikira kurekure paAdama, guta riri kurutiʋi rweZaretani; neyakaŋga iciyerera kuguŋgwa reAraba, ndiro Guŋgwa roMunyu, yakagurwa cose; ʋanhu ʋakayambuka pakatarisana neJeriko.

¹⁷Ʋaprista ʋakaŋga ʋakatakura areka yesuŋgano yaJehova ʋakaramba ʋamire pasi pakawoma pakati paJoridani; ʋaIsraeri ʋose ʋakayambuka pavu rakawoma kuȿikira rudzi rwose rwapedza kuyambuka Joridani.