Read Original Shona Union Bible 1949 Baiberi Magwaro Matȿene aMŋari Joshua 4 Bible Online

Joshua 4 - Original Shona Union Bible 1949 Baiberi Magwaro Matȿene aMŋari bible

Joshua 4

¹Ɀino rudzi rwose rwakati rwapedza kuyambuka Joridani, Jehova akataura naJoshua, akati:

²Uɀitorere ʋarume ʋanegumi naʋaʋiri kuʋanhu, mumŋe mumŋe parudzi rumŋe norumŋe;

³ugoʋaraira, uciti: Pano pakati paJoridani, pakaramba pamire tsoka dzaʋaprista, muɀitorere mabge anegumi namaʋiri, muyambuke nawo, mundoaisa paʋato, pamucandoʋata ʋusiku bguno.

⁴Ipapo Joshua akaɗana ʋarume aʋo ʋanegumi naʋaʋiri, ʋaakaŋga agadza pakati paʋana ʋaIsraeri, mumŋe mumŋe parudzi rumŋe norumŋe,

⁵Joshua akati kwaʋari: Tuŋgamirirai areka yaJehova Mŋari wenyu, muyambuke kuȿikira pakati paJoridani, mumŋe nomumŋe wenyu anoŋge ibge ariise pafudzi rake, aenzane namarudzi aʋana ʋaIsraeri.

⁶Kuti cinhu ici ciʋe ciratidzo pakati penyu, kuti kana ʋana ʋenyu ʋacizobvunza pashure, ʋaciti: Mabge awa anoti kuɗiniko?

⁷Imi muti kwaʋari: Nokuti mvura yaJoridani yakagurwa pamberi peareka yesuŋgano yaJehova; ŋguʋa yayakayambuka Joridani, mvura yaJoridani yakagurwa; mabge awa acaʋa ciraŋgaridzo pakati paʋana ʋaIsraeri nokusiŋgaperi.

⁸Ʋana ʋaIsraeri ʋakaita seɀaʋakarairwa naJoshua, ʋakanoŋga mabge anegumi namaʋiri pakati paJoridani, seɀakataura Jehova kunaJoshua, akaenzana namarudzi aʋana ʋaIsraeri, ʋakayambuka nawo, ʋakaatakura, kuȿikira paʋakandoʋata, ʋakaaisa’po.

⁹Ɀino Joshua akamisa mabge anegumi namaʋiri mukati maJoridani, pakaŋga pamire tsoka dzaʋaprista ʋaitakura areka yesuŋgano; ari’po kuȿikira nhasi.

¹⁰Nokuti ʋaprista ʋakaŋga ʋakatakura areka ʋakamira mukati maJoridani kuȿikira ɀose ɀapera ɀakaŋga ɀarairwa Joshua naJehova, kuti aɀiʋudze ʋanhu, ɀose ɀakaŋga ɀarairwa Joshua naMosesi; ʋanhu ʋakakurumidza kuyambuka.

¹¹Ɀino ʋanhu ʋose ʋakati ʋapedza kuyambuka, areka yaJehova ikayambuka ʋo, naʋaprista pamberi paʋanhu.

¹²Naʋana ʋaRubeni, naʋana ʋaGadi, nehafu yorudzi rwaManase, ʋakayambuka pamberi paʋanhu, ʋakashoŋga nhumbi dzokurwa, seɀaʋakaʋudzwa naMosesi.

¹³Ʋaneŋge ʋaneɀuru ɀinamakumi manna, ʋakaŋga ʋakashoŋga nhumbi dzokurwa, ndiʋo ʋakayambuka pamberi paJehova, ʋakaenda kumapani eJeriko kundorwa.

¹⁴Nomusi uyo Jehova akakudza Joshua pamberi paʋaIsraeri ʋose; ʋakamutya seɀaʋaitya Mosesi mazuʋa ose oʋupenyu bgake.

¹⁵Ɀino Jehova akataura naJoshua, akati:

¹⁶Raira ʋaprista ʋanotakura areka yecipupuriro, kuti ʋakwire ʋaɓuɗe mukati maJoridani.

¹⁷Naiɀoɀo Joshua akaraira ʋaprista, akati: Kwirai, muɓuɗe mukati maJoridani.

¹⁸Ɀino ʋaprista ʋakaŋga ʋakatakura areka yesuŋgano yaJehova ʋakati ʋakwira ʋaɓuɗa mukati maJoridani, netsoka dzaʋaprista dzasimudzwa dzaȿika pasi pakawoma, mvura yaJoridani ikadzokera panɀimbo yayo, ikaɗarika nhiʋi dzarwo dzose sakare.

¹⁹Ʋanhu ʋakakwira ʋakaɓuɗa paJoridani pazuʋa regumi romŋedzi wokutaŋga, ʋakadzika matente aʋo muGirgari, pamuganho wamabvazuʋa eJeriko.

²⁰Joshua akamisa aya mabge anegumi namaʋiri aʋakanoŋga muJoridani paGirgari.

²¹Akataura naʋana ʋaIsraeri, akati: Kana ʋana ʋenyu ʋacizobvunza madziɓaɓa aʋo paŋguʋa inoʋuya, ʋaciti: Mabge awa anoti kuɗiniko?

²²Imi munofanira kuziʋisa ʋana ʋenyu, muciti: Israeri ʋakayambuka Joridani urwu ʋacitsika pasi pakawoma.

²³Nokuti Jehova Mŋari wakapxisa mvura yaJoridani pamberi penyu, kuȿikira mayambuka, seɀaakaita iye Jehova Mŋari wenyu paGuŋgwa Dɀuku, raakapxisa pamberi peɗu, kuȿikira tayambuka;

²⁴kuti ndudzi dzose dzenyika dziziʋe kuti ruʋoko rwaJehova ndirwo runesimba; kuti ʋatye Jehova Mŋari wenyu nokusiŋgaperi.