Read Original Shona Union Bible 1949 Baiberi Magwaro Matȿene aMŋari Joshua 7 Bible Online

Joshua 7 - Original Shona Union Bible 1949 Baiberi Magwaro Matȿene aMŋari bible

Joshua 7

¹Asi ʋana ʋaIsraeri ʋakaɗarika pacinhu cakayeriswa; nokuti Akani, mŋanakomana waKarmi, mŋanakomana waZabdi, mŋanakomana waZera, worudzi rwaJuda, wakatora cinhu ceɀakayeriswa; kutsamŋa kwaJehova kukamukira ʋana ʋaIsraeri.

²Joshua akatuma ʋarume ʋabve Jeriko ʋaende Ai, guta riri parutiʋi rweBeti‐aveni, kumabvazuʋa eBeteri, akataura naʋo, akati: Kwirai, mundoshora nyika. Ʋarume ʋakakwira, ʋakandoshora Ai.

³Ʋakadzokera kunaJoshua, ʋakati kwaari: Ʋanhu ʋose ŋgaʋarege kukwira; ʋarume ʋaneŋge ɀuru ɀiʋiri kana ɀitatu ŋgaʋaende kundorwa neAi, asi ʋanhu ʋose ŋgaʋarege haʋo kutambudzwa kuenda’ko, nokuti ʋashoma haʋo.

⁴Naiɀoɀo ʋarume ʋaneŋge ɀuru ɀiʋiri kana ɀitatu ʋakaenda’ko, iʋo ʋakatiza pamberi paʋarume ʋeAi.

⁵Ʋarume ʋeAi ʋakaʋuraya ʋarume ʋaneŋge makumi matatu naʋatanhatu ʋaʋo, ʋakaʋateʋerera kubva pamberi pesuʋo kuȿikira Shebarimi, ʋaciʋaʋuraya pakuɓuruka kwaʋo; ipapo mŋoyo yaʋanhu yakanyauka, ikaita semvura.

⁶Ɀino Joshua akabvarura ŋguʋo dzake, akawira pasi neciso cake pamberi peareka yaJehova kuȿikira maɗekwana, iye naʋakuru ʋaʋaIsraeri, ʋakaisa guruʋa pamisoro yaʋo.

⁷Joshua akati: Haiwa! Ishe Mŋari, makayambusireiko ʋanhu aʋa paJoridani, kuti mutiise mumaʋoko aʋaAmori, ʋatiparadze? Ƌai takatenda heɗu kugara mhiri kwaJoridani!

⁸Haiwa, Ishe, ndicati kuɗiniko, ʋaIsraeri ɀaʋakafuratira ʋaʋeŋgi ʋaʋo!

⁹Nokuti ʋaKanani naʋose ʋagere munyika ino ʋacaɀinzwa, ʋacatikomba, nokudzima zita reɗu panyika; ɀino zita renyu guru mucariiteiko?

¹⁰Ipapo Jehova akati kunaJoshua: Simuka, wawireiko kuɗai paciso cako?

¹¹ƲaIsraeri ʋatadza, ʋaɗarika suŋgano yaŋgu yandakaʋaraira; ʋatora cinhu cakayeriswa, ʋaɓa ʋo, nokunyeŋgera, nokuciʋiga pakati penhumbi dzaʋo.

¹²Naiɀoɀo ʋana ʋaIsraeri haʋaŋgagoni kukunda ʋaʋeŋgi ʋaʋo, ʋanofuratira ʋaʋeŋgi ʋaʋo, nokuti ʋaʋa ʋanhu ʋakatukwa; handicazoʋi nemi, kana musiŋgaparadzi cinhu cakayeriswa pakati penyu.

¹³Simuka, utsaure ʋanhu, uti: Ɀitsaurirei maŋgwana, nokuti ɀanzi naJehova Mŋari waIsraeri: Kunecinhu cakayeriswa pakati penyu, Israeri; hamuŋgakundi ʋaʋeŋgi ʋenyu, kuȿikira mabvisa cinhu cakayeriswa pakati penyu.

¹⁴Naiɀoɀo maŋgwana munofanira kusweɗera namarudzi enyu; ɀino rudzi runoɓatwa naJehova, runofanira kusweɗera nedzimba dzarwo, neimba inoɓatwa naJehova, inofanira kusweɗera nemhuri dzayo, nemhuri inoɓatwa naJehova, inofanira kusweɗera murume mumŋe nomumŋe.

¹⁵Ɀino uyo unoɓatwa anecinhu cakayeriswa, unofanira kupiswa nomŋoto, iye neɀose ɀaanaɀo; nokuti wakaɗarika suŋgano yaJehova, ʋuye nokuti wakaita cinhu cakaipa kwaɀo pakati paIsraeri.

¹⁶Naiɀoɀo Joshua wakamuka maŋgwanani, akaswededza ʋaIsraeri namarudzi aʋo; rudzi rwaJuda ndokuɓatwa;

¹⁷ɀino akasweɗedza dzimba dzaJuda, imba yaZera ikaɓatwa; ɀino akasweɗedza murume mumŋe nomumŋe weimba yaʋaZera, Zabdi akaɓatwa;

¹⁸ɀino akasweɗedza mhuri yake, murume mumŋe nomumŋe, Akani mŋanakomana waKarmi, mŋanakomana waZabdi, mŋanakomana waZera, worudzi rwaJuda akaɓatwa.

¹⁹Ɀino Joshua akati kunaAkani: Mŋana waŋgu, cikudza Jehova Mŋari waIsraeri, uɀireʋurure kwaari; ndiʋudze ɀino ɀawakaita, usandiʋanzira iɀo.

²⁰Ipapo Akani akapindura Joshua, akati: Ɀirokwaɀo, ndakatadzira Jehova Mŋari waIsraeri, ndakaita ɀokuti neɀokuti;

²¹ndakaʋona pakati peɀakapambga ŋguʋo yakanaka, inobva Babironi, nesirveri yakaȿika mashekeri anamazana maʋiri,[2] norurimi rwendarama rwakaȿika mashekeri anamakumi mashanu[3] pakuyerwa kwarwo; ipapo ndakaɀicocora, ndikaɀitora; tarirai, ɀakaʋigwa pasi mutente raŋgu, sirveri iri pasi paɀo.

²²Naiɀoɀo Joshua akatuma nhume, iʋo ʋakamhanyira kutente rake, ʋakandowana ɀakaʋigwa mutente rake, sirveri iri pasi paɀo.

²³Ʋakaɀibvisa mutente, ʋakaɀiisa kunaJoshua, nokuʋana ʋaIsraeri ʋose, ʋakaɀiisa pasi pamberi paJehova.

²⁴Ipapo Joshua naʋaIsraeri ʋose ʋakaŋga ʋanaye ʋakatora Akani, mŋanakomana waZera, nesirveri, neŋguʋo, nemboŋgoro dzake, namakwai ake, netente rake, neɀose ɀaakaŋga anaɀo, ʋakakwira naʋo kumupata weAkori.

²⁵Ɀino Joshua akati: Wakatipinzireiko paɗambudziko? Jehova ucakupinza paɗambudziko nhasi. Ipapo ʋaIsraeri ʋose ʋakamutaka namabge, ʋakaʋapisa nomŋoto, nokuʋataka namabge.

²⁶ʋakaʋuŋganidza pamsoro pake mabge akaita murwi mukuru uri’po kuȿikira nhasi; Jehova akaɀidzora pakutsamŋa kwake kukuru. Naiɀoɀo zita renɀimbo iyo rakanzi Mupata weAkori kuȿikira nhasi.