Read Original Shona Union Bible 1949 Baiberi Magwaro Matȿene aMŋari Joshua 9 Bible Online

Joshua 9 - Original Shona Union Bible 1949 Baiberi Magwaro Matȿene aMŋari bible

Joshua 9

¹Ɀino madzimambo ose akaŋga agere mhiri kwaJoridani, panyika yamakomo nenyika yamapani, napamhenderekedzo dzose dzeguŋgwa guru pamberi peRebanoni, ʋaHeti, naʋaAmori, naʋaKanani, naʋaPerezi, naʋaHivi, naʋaJebusi, ʋakati ʋacinzwa iɀoɀo,

²ʋakaʋuŋgana nomŋoyo mumŋe kundorwa naJoshua naʋaIsraeri.

³Asi ʋanhu ʋeGibeoni ʋakati ʋacinzwa ɀakaŋga ɀaitirwa Jeriko neAi naJoshua,

⁴ʋakatȿaka mano, ʋakaenda senhume, ʋakaenda nehomo dzakasakara pamsoro pemboŋgoro dzaʋo, nehomboɗo dzewaini dzakasakara, dzakaŋga dzakaparuka, nokusonanidzwa ɀe;

⁵neshaŋgu dzakasakara, dzaiʋa neɀiremo patsoka dzaʋo, neŋguʋo dzakasakara; ɀiŋgwa ɀaʋo ɀose ɀembuʋa yaʋo ɀakaŋga ɀakawoma nokuvuva.

⁶Ʋakaenda kunaJoshua kumisasa paGirgari, ʋakati kwaari nokuʋarume ʋaIsraeri: Tinobva kunyika iri kure; naiɀoɀo itai suŋgano nesu ɀino.

⁷Ʋarume ʋaIsraeri ʋakati kuʋaHivi: Ɀimŋe mugere pakati peɗu; tiŋgaita suŋgano nemi seiko?

⁸Iʋo ʋakati: Tiri ʋaranda ʋenyu. Joshua akati kwaʋari: Ndimi aniko? Munobvepi?

⁹Ʋakati: Ʋaranda ʋenyu ʋabva kunyika iri kure‐kure, nokuɗa kwezita raJehova Mŋari wenyu, nokuti takanzwa mukurumbira wake neɀose ɀaakaita Egipita.

¹⁰Ʋuye ɀose ɀaakaitira madzimambo maʋiri aʋaAmori, akaŋga ari mhiri kwaJoridani, naSihoni mambo weHeshboni, naOgi mambo weBashani, wakaŋga ari paAshtaroti.

¹¹Ʋakuru ʋeɗu naʋanhu ʋose ʋenyika yeɗu ʋakataura nesu, ʋakati: Torai mbuʋa yenzira mumaʋoko enyu, mundosoŋgana naʋo, muti kwaʋari: Tiri ʋaranda ʋenyu; ɀino itai suŋgano nesu.

¹²Ɀiŋgwa iɀo ɀembuʋa yeɗu takaɀitora ɀicakapisa mudzimba dzeɗu musi watakaɓuɗa, ticiʋuya kwamuri; asi ɀino tarirai, ɀawoma, ɀavuva.

¹³Nehomboɗo idzi dzewaini, dzatakazadza, dzakaŋga dziri itȿa; tarirai, dzaparuka; neŋguʋo dzeɗu idzi, neshaŋgu dzeɗu ɀasakara nemhaka yorwendo rurefu‐refu.

¹⁴Ipapo ʋarume ʋakatora ɀimŋe ɀembuʋa yaʋo, ʋasiŋgabvunzi muromo waJehova.

¹⁵Joshua akayanana naʋo, akaita suŋgano naʋo, kuti ʋacaʋarega ʋari ʋapenyu; macinda eʋuŋgano akapika kwaʋari.

¹⁶Ɀino mazuʋa matatu akati apera, ʋaita suŋgano naʋo, ʋakanzwa kuti ʋagere pedyo naʋo napakati paʋo.

¹⁷ƲaIsraeri ʋakafamba, ʋakaȿika pamaguta aʋo nezuʋa retatu. Maguta aʋo aiʋa Gibeoni, neKefira, neBeroti, naKiriati‐jearimi.

¹⁸Ʋana ʋaIsraeri haʋana‐kuʋaparadza, nokuti macinda eʋuŋgano akaŋga apika kwaʋari naJehova Mŋari waIsraeri. Ʋuŋgano yose ikapopotera macinda.

¹⁹Asi macinda ose akati kuʋuŋgano yose: Takapika kwaʋari naJehova, Mŋari waIsraeri, naiɀoɀo ɀino hatigoni kuʋaitira cinhu.

²⁰Ticaʋaitira cinhu ici, ticaʋarega ʋari ʋapenyu, kuti tirege kuwirwa nokutsamŋa kwaMŋari nokuɗa kwokupika, kwatakapika kwaʋari.

²¹Ɀino macinda akati kwaʋari: Ŋgaʋararame haʋo. Ʋakaʋa ʋatemi ʋehuni naʋateki ʋemvura ʋeʋuŋgano yose, seɀaʋakaʋudzwa namacinda.

²²Ɀino Joshua akaʋaɗana, akataura naʋo, akati: Matinyeŋgedzerereiko, muciti: Takabva kure‐kure nemi, ɀamugere pakati peɗu?

²³Naiɀoɀo ɀino muri ʋanhu ʋakatukwa, mucaŋgosiʋa ʋaranda naʋatemi ʋehuni naʋateki ʋemvura ʋeimba yaMŋari waŋgu.

²⁴Ʋakapindura Joshua, ʋakati: Nokuti ʋaranda ʋenyu ʋakaŋga ʋaʋudzwa ɀirokwaɀo kuti Jehova Mŋari wenyu wakaŋga araira muranda wake Mosesi, kuti akupei nyika yose, nokuparadza ʋose ʋagere panyika ino pamberi penyu; naiɀoɀo takatya kwaɀo nokuɗa kwenyu kuti ticaʋurawa, tikaita cinhu ici.

²⁵Ɀino tarirai, tiri pamaʋoko enyu, itai nesu seɀamunoti ndiɀo ɀakanaka neɀakarurama.

²⁶Akaʋaitira saiɀoɀo, akaʋarwira pamaʋoko aʋana ʋaIsraeri, iʋo ʋakasaʋaʋuraya.

²⁷Musi iwoyo Joshua akaʋaita ʋatemi ʋehuni naʋateki ʋemvura yeʋuŋgano neyeartari yaJehova, kuȿikira nhasi panɀimbo yaizotsaurwa naye.