Read Original Shona Union Bible 1949 Baiberi Magwaro Matȿene aMŋari II ƲaTesaronika 2 Bible Online

II ƲaTesaronika 2 - Original Shona Union Bible 1949 Baiberi Magwaro Matȿene aMŋari bible

II ƲaTesaronika 2

¹Ɀino tinokumbira kwamuri, hama dzaŋgu, pamsoro pokuʋuya kwaShe weɗu Jesu Kristu, nokuʋuŋgana kweɗu kwaari;

²kuti murege kukurumidza kuzunuŋguswa pakufuŋga kwenyu, kana kuvunduswa, kana nomŋeya, kana neshoko, kana neŋwadi, inonzi inobva kwatiri, muciti zuʋa raKristu ratoȿika;

³ŋgakurege kuʋa nomunhu unokunyeŋgerai nomutoʋo upi noupi; nokuti hariȿiki, kana kutsauka kusati kwataŋga kuʋuya, nomunhu weɀiʋi, mŋanakomana wokurashika, asati amboʋonekwa,

⁴iye, unorwa aciɀikudza pamsoro peɀose ɀinonzi Mŋari, kana ɀinonamatwa; nokuɗaro kuti unogara mutembere yaMŋari, aciɀiita Mŋari.

⁵Hamuraŋgariri here kuti, ndiciri kwamuri, ndakakuʋudzai iɀoɀi?

⁶Ɀino munoziʋa cinodziʋisa, kuti aratidzwe neŋguʋa yake.

⁷Nokuti cakaʋanzika cokusarurama cotoɓate‐ɓasa raco; asi ɀicaitwa ɓedzi kuȿikira iye unodziʋisa ɀino acibviswa.

⁸Ipapo iye usakarurama ucaʋonekwa, iye ucaʋurawa naShe Jesu nomŋeya womuromo wake, aciparadza nokuʋonekwa kwokuʋuya kwake;

⁹kuʋuya kwake iye kwakaita seɓasa raSatani nesimba rose, neɀiratidzo, neɀinoshamisa ɀenhema,

¹⁰nokunyeŋgera kwose kwokusarurama kunaʋanorashika; nokuti haʋana‐kugamucira ruɗo rweɀokwaɗi, kuti ʋaponeswe.

¹¹Saka Mŋari unoʋatumira simba rokukaŋganisa, kuti ʋatende nhema,

¹²kuti ʋose ʋasina‐kutenda ɀokwaɗi, asi ʋakafarira ɀisakarurama, ʋatoŋgwe.

¹³Asi isu tinofanira kuʋoŋga Mŋari ŋguʋa dzose pamsoro penyu, hama dzaŋgu, ʋaɗikanwa ʋaShe, nokuti Mŋari wakakusanaŋgurai kubva pakutaŋga, kuti muponeswe muʋutȿene bgoMŋeya nokutenda ɀokwaɗi.

¹⁴Iɀo ɀaakakuɗanirai neEvaŋgeri yeɗu, kuti muwane kubginya kwaShe weɗu Jesu Kristu.

¹⁵Naiɀoɀo, hama dzaŋgu, mirai makasimba, muceŋgete mirairo yamakadzidziswa, kana neshoko kana neŋwadi yeɗu.

¹⁶Ɀino, Ishe weɗu Jesu Kristu amene, naMŋari, Ƃaɓa ʋeɗu, ʋakatiɗa, ʋakatipa nenyasha dzaʋo kuʋaraidzwa kusiŋgaperi netariro yakanaka,

¹⁷ŋgaʋaʋaraidze mŋoyo yenyu, ʋakusimbisei pamaɓasa ose namashoko ose akanaka.