Read Original Shona Union Bible 1949 Baiberi Magwaro Matȿene aMŋari II ƲaTesaronika 3 Bible Online

II ƲaTesaronika 3 - Original Shona Union Bible 1949 Baiberi Magwaro Matȿene aMŋari bible

II ƲaTesaronika 3

¹Pakupedzisira, hama dzaŋgu, mutinyeŋgeterere, kuti shoko raShe ripfuʋure, rikudzwe, seɀaɀinoitwa kwenyu ʋo;

²ʋuye, kuti tisunuŋgurwe kuʋanhu ʋasakarurama, ʋakaipa; nokuti haʋazi ʋose ʋanotenda.

³Asi Ishe ndiye wakatendeka, ucakusimbisai, nokukuceŋgetai kunowakaipa.

⁴Tinokutendai munaShe, kuti munoita, ʋuye mucaramba muciita, iɀo ɀatinokurairai.

⁵Ishe ŋgaaruramise mŋoyo yenyu muruɗo rwaMŋari, nomukutsuŋgirira kwaKristu.

⁶Ɀino, hama dzaŋgu, tinokurairai nezita raShe weɗu Jesu Kristu, kuti mubve pahama imŋe neimŋe isiŋgafambi netsika dzakafanira, isiŋgatereri mirairo yamakapiwa nesu;

⁷nokuti imi munoziʋa mumene, kuti munofanira kutiteʋera isu, nokuti hatina‐kufamba netsika dzisakafanira pakati penyu;

⁸hatina‐kutoŋgodya ɀokudya ɀomunhu tisiŋgaripi, asi takaɓate‐ɓasa ʋusiku namasikati, ticitambudzika nokushiŋgaira, kuti tirege kuremedza mumŋe wenyu;

⁹hakuzi kuti hatinesimba, asi kuti tikutuŋgamirirei, mutiteʋere.

¹⁰Nokuti, neŋguʋa yataiʋa kwamuri, takakurairai iɀoɀo, kuti kana munhu aciramba kuɓate‐ɓasa, ŋgaarege kudya ʋo.

¹¹Nokuti tinonzwa kuti ʋamŋe pakati penyu haʋafambi netsika dzakafanira, ʋasina‐caʋanoɓata, ʋasiŋgaregi ɀaʋamŋe.

¹²Ʋanhu ʋakaɗaro tinoʋaraira nokukumbira kwaʋari munaShe Jesu Kristu, kuti ʋaɓate nokunyarara, ʋadye ɀokudya ɀaʋo ɀimene.

¹³Asi imi, hama dzaŋgu, musaneta pakuita ɀakanaka.

¹⁴Kana panomunhu usiŋgatereri shoko reɗu reŋwadi iyi, mutarisise munhu uyo, kuti murege kufambidzana naye, anyadzwe.

¹⁵Regai henyu kumuidza muʋeŋgi, asi mumuraire sehama.

¹⁶Ɀino, Ishe worugare amene ŋgaakupei rugare misi yose nemitoʋo yose. Ishe ŋgaaʋe nemi mose.

¹⁷Ndiko kukwazisa kwaŋgu, ini Pauro, noruʋoko rwaŋgu, ndico ciratidzo paŋwadi dzose; ndinonyora kuɗai.

¹⁸Nyasha dzaShe weɗu Jesu Kristu ŋgadziʋe nemi mose.