Read Original Shona Union Bible 1949 Baiberi Magwaro Matȿene aMŋari I Timotio 1 Bible Online

I Timotio 1 - Original Shona Union Bible 1949 Baiberi Magwaro Matȿene aMŋari bible

I Timotio 1

¹Pauro, muapostora waKristu Jesu nokuraira kwaMŋari, Muponesi weɗu, naKristu Jesu, tariro yeɗu;

²kunaTimotio, mŋana waŋgu caiye pakutenda: Nyasha, neŋgoni, norugare, ɀinobva kunaMŋari Ƃaɓa, naKristu Jesu, Ishe weɗu, ŋgaɀiʋe newe.

³Seɀandakakumbira ɀikuru kwauri, ini ndicienda Makedonia, ndinoti, usare paEfeso, kuti uraire ʋamŋe ʋarege kudzidzisa dzimŋe dzidziso;

⁴kana kuraŋgarira ŋgano namazita amadziteteguru asiŋgaperi, ɀinoŋgomutsa nharo, ɀisiŋgatendisi ɀakarairwa naMŋari, ɀiri mukutenda.

⁵Asi cinoʋaʋarirwa nomurairo ndirwo ruɗo runobva pamŋoyo wakacena, napahana yakanaka, napakutenda kusiŋganyeŋgeri;

⁶ʋamŋe ʋakarashika paɀinhu iɀoɀi, ʋakatsaukira kukutaura kusinamaturo;

⁷ʋacitȿaka kuti ʋaʋe ʋadzidzisi ʋomurairo, ʋasiŋgaziʋi ɀaʋanoreʋa kana ɀaʋanosimbisa.

⁸Asi tinoziʋa kuti murairo wakanaka, kana munhu aciita nawo seɀinoreʋa murairo,

⁹aciziʋa kuti murairo hauna‐kuitirwa wakarurama, asi ʋasinehanya nomurairo, naʋasiŋgatereri, naʋasiŋgaɗi Mŋari, naʋatadzi, naʋasi ʋatȿene, naʋasinehanya naMŋari, naʋanoroʋa madziɓaɓa, naʋanoroʋa madzimai, naʋanoʋuraya ʋanhu;

¹⁰nemhombge, naʋanopombora naʋarume, naʋanoɓa ʋanhu, naʋanoreʋa nhema, naʋanopika nhema, ʋuye kana cimŋe ciri’ko cinopesana nedzidziso yakarurama;

¹¹seɀinoreʋa Evaŋgeri yokubginya kwaMŋari womufaro, yandakapiwa ini.

¹²Ndinomuʋoŋga iye Kristu Jesu, Ishe weɗu, wakandipa simba, nokuti wakati ndakatendeka, akandiisa paɓasa rake;

¹³kunyaŋge ini ndaiʋa mumhuri waMŋari kare, nomutambudzi ndiciitira vanhu ɀakaipa; asi ndakaitirwa ŋgoni, nokuti ndakaŋga ndiciɀiita nokusaziʋa pakusatenda;

¹⁴asi nyasha dzaShe weɗu dzakawanda ɀikuru nokutenda, noruɗo ruri munaKristu Jesu.

¹⁵Ishoko raɀokwaɗi, rinofanira kutendwa kwaɀo, kuti Kristu Jesu wakaʋuya panyika kuzoponesa ʋatadzi; aʋo, ini ndiri mukuru waʋo;

¹⁶asi naiɀoɀo ndakaitirwa ŋgoni, kuti Jesu Kristu aratidze mŋoyo wake wose murefu mandiri, ini mukuru waʋatadzi, kuti ndiʋe ciratidzo kunaʋanozotenda kwaari, ɀinoʋaisa kuʋupenyu bgusiŋgaperi.

¹⁷Ɀino iye Ishe usiŋgaperi, usiŋgafi, usiŋgaʋonekwi, Mŋari woga, ŋgaaʋe nokukudzwa nokubginya nokusiŋgaperi‐peri. Ameni.

¹⁸Ƃasa iri, rakarairwa, ndinokupa iro, iwe Timotio, mŋana waŋgu, kuti seɀaɀakaprofitwa kare pamsoro pako, urwe pfumo rakanaka maɀiri;

¹⁹wakaɓata kutenda nehana yakarurama; iyo yakarashwa naʋamŋe, ʋakarashikirwa nokutenda;

²⁰ʋamŋe ʋaʋo ndiHimenio naAreksandro, ʋandakaisa kunaSatani, ʋadzidziswe kuti ʋarege kumhura Mŋari.