Read Original Shona Union Bible 1949 Baiberi Magwaro Matȿene aMŋari I Timotio 2 Bible Online

I Timotio 2 - Original Shona Union Bible 1949 Baiberi Magwaro Matȿene aMŋari bible

I Timotio 2

¹Naiɀoɀo pakutaŋga kweɀose ndinoraira kuti ʋanhu ʋose ʋakumbirirwe, ʋanyeŋgetererwe, ʋareʋererwe, ʋaʋoŋgerwe;

²madzimambo, naʋose ʋari ʋakuru, kuti tigare norugare nokunyarara pakunamata Mŋari kwose, nomugarire unokudzwa.

³Ndiɀo ɀakanaka, ɀinofadza pamberi paMŋari, Muponesi weɗu;

⁴uyo unoɗa kuti ʋanhu ʋose ʋaponeswe, ʋaȿike pakuziʋa ɀokwaɗi.

⁵Nokuti kunoŋgoʋa naMŋari mumŋe cete, noMureʋeri mumŋe cete ʋo, pakati paMŋari naʋanhu, ndiye munhu Kristu Jesu,

⁶wakaɀipa iye, kuti aʋe rudzikinuro rwaʋose, ciʋe capupu paŋguʋa dzaɀo,

⁷ico candakaitirwa muparidzi nomuapostora (ndinoreʋa ɀirokwaɀo, handireʋi nhema), nomudzidzisi waʋahedeni pakutenda neɀokwaɗi.

⁸Naiɀoɀo ndinoɗa kuti ʋarume ʋanyeŋgetere panɀimbo dzose, ʋacisimudza maʋoko matȿene, ʋasinakutsamŋa nenharo.

⁹Saiɀoɀo ʋo, kuti ʋakadzi ʋashoŋge ŋguʋo dzakafanira, ʋanokunyara nokuɀidzora; ʋasaʋa nevudzi rakarukwa, nendarama, kana maparera, kana ŋguʋo dzinodya mari zhinji;

¹⁰asi ŋgaʋashoŋge maɓasa akanaka, seɀinofanira ʋakadzi ʋanoti tinonamata Mŋari.

¹¹Mukadzi ŋgaadzidze nokunyarara nokuɀiisa pasi kwose.

¹²Asi handitenderi mukadzi kuti adzidzise, kana kuti aʋe nesimba pamsoro pomurume, asi ŋgaanyarare.

¹³Nokuti Adama wakataŋga kuʋumbga, teʋere Eva;

¹⁴naAdama haanakunveŋgerwa, asi mukadzi wakanyeŋgerwa akapinda pakuɗarika;

¹⁵asi ucaponeswa nokuɓereka ʋana, kana ʋacirambira mukutenda noruɗo, noʋutȿene pamŋe cete nokuɀidzora.