Read Original Shona Union Bible 1949 Baiberi Magwaro Matȿene aMŋari Tito 1 Bible Online

Tito 1 - Original Shona Union Bible 1949 Baiberi Magwaro Matȿene aMŋari bible

Tito 1

¹Pauro, muranda waMŋari, nomuapostora waJesu Kristu, nokuɗa kwokutenda kwaʋakasanaŋgurwa ʋaMŋari, nokwokuziʋisa ɀokwaɗi iri pakunamata Mŋari,

²patariro yoʋupenyu bgusiŋgaperi, bgaakapikira iye Mŋari, usiŋgatoŋgoreʋi nhema, ŋguʋa dzisiŋgaperi dzisati dzaʋa’po,

³asi paŋguʋa dzaɀo wakaziʋisa shoko rake nokuparidza kwandakapiwa nomurairo waMŋari, Muponesi weɗu;

⁴kunaTito, mŋana waŋgu caiye pakutenda kweɗu tose: Nyasha norugare, ɀinobva kunaMŋari Ƃaɓa, naKristu Jesu, Muponesi weɗu, ŋgaɀiʋe newe.

⁵Ndakakusiya paKrete nemhaka iyi, kuti upedzise kugadzira iɀo ɀakaŋga ɀasara, nokugadza ʋakuru mumaguta ose, seɀandakakuraira;

⁶kana kunomunhu usina‐caaŋgapomerwa, murume womukadzi mumŋe cete, unaʋana ʋanotenda, ʋasiŋgapiwi mhoȿa yokuti haʋaɀidzori, kana kuti haʋatereri.

⁷Nokuti mutariri unofanira kuʋa munhu usina‐caaŋgapomerwa, somuceŋgeti weimba yaMŋari; asiŋgaiti kuɗa kwake, asiŋgakurumidzi kutsamŋa, asiŋgaɗi waini, asiŋgarwi, asiŋgakariri fuma yakaipa;

⁸asi unoitira ʋaeni ruɗo, unoɗa ɀakanaka, wakacenjera, wakarurama, mutsene, unoɀidzora;

⁹unoɓatisisa shoko raɀokwaɗi, seɀarinodzidziswa, kuti agone kuraira nedzidziso yakarurama, nokukunda ʋanokakaʋara.

¹⁰Nokuti ʋazhinji ʋari’po ʋasiŋgatereri, ʋanotaura ɀisinamaturo, ʋanonyeŋgera, ɀikuru aʋo ʋokudziŋgiswa,

¹¹ʋanofanira kudziʋirirwa miromo yaʋo; ʋanoparadza mhuri kwaɀo, ɀaʋanodzidzisa ɀisakafanira nokuɗa kwefuma yakaipa.

¹²Mumŋe waʋo, muprofita wokwaʋo, wakati: ƲaKrete ʋanogara ʋacireʋa nhema, ɀikara ɀakaipa, naʋanokara ʋanoʋusimbe.

¹³Kupupura uku ndokwaɀokwaɗi. Nemhaka iyi uʋaraŋge ɀikuru, kuti ʋarurame pakutenda,

¹⁴ʋarege kuterera ŋgano dzaʋaJuda, nemirairo yaʋanhu ʋanofuratira ɀokwaɗi.

¹⁵Kunaʋakacena ɀose ɀakacena; asi kunaʋakaȿiɓiswa, ʋasiŋgatendi, hakunecinhu cakacena, asi kufuŋga kwaʋo nehana yaʋo ɀakaȿiɓiswa.

¹⁶Ʋanoti, tinoziʋa Mŋari, asi ʋanomuramba namaɓasa aʋo, ɀaʋari ʋanhu ʋanonyaŋgadza, ʋasiŋgatereri, ʋasakafanira pamaɓasa ose akanaka.