Read Original Shona Union Bible 1949 Baiberi Magwaro Matȿene aMŋari Tito 2 Bible Online

Tito 2 - Original Shona Union Bible 1949 Baiberi Magwaro Matȿene aMŋari bible

Tito 2

¹Ɀino iwe, taura ɀakafanira dzidziso yakarurama.

²Ʋarume ʋakuru ŋgaʋaʋe ʋakaȿinuka, ʋanokudzwa, ʋakaŋgwara, ʋakarurama pakutenda, naparuɗo, napakutsuŋgirira;

³saiɀoɀo ʋo ʋakadzi ʋakuru ŋgaʋaʋe nomufambire wakafanira ʋatȿene, ʋasiŋgaceri, kana kuɗa waini zhinji, asi ʋaʋe ʋadzidzisi ʋeɀakanaka;

⁴kuti ʋadzidzise ʋakadzi ʋaɗuku, kuti ʋaɗe ʋarume ʋaʋo, nokuɗa ʋana ʋaʋo,

⁵ʋaʋe ʋakaŋgwara, ʋakacena, ʋanoceŋgeta imba, ʋanyoro, ʋanoɀiisa pasi paʋarume ʋaʋo, kuti shoko raMŋari rirege kumhurwa.

⁶Saiɀoɀo ʋo ʋarume ʋaɗuku uʋaraire kuti ʋaʋe ʋakaŋgwara;

⁷paɀinhu ɀose iwe umene uʋaratidze makwara amaɓasa akanaka; uʋe nokusakaŋganisa pakudzidzisa, nomugarire unokudzwa,

⁸nokutaura kwakarurama, kusiŋgagoni kushoʋorwa, kuti unopesana nesu anyadziswe, asinecinhu cakaipa caaŋgareʋa pamsoro peɗu.

⁹Ʋaranda ŋgaʋaɀiise pasi paʋatenzi ʋaʋo, ʋaʋafadze paɀinhu ɀose, ʋasiŋgakakaʋari;

¹⁰ʋasiŋgaɓi, asi ʋaratidze kutendeka kwakanaka kwose, kuti ʋashoŋgedze dzidziso yaMŋari, Muponesi weɗu, paɀinhu ɀose.

¹¹Nokuti nyasha dzaMŋari dzakaʋonekwa, dzinoʋigira ʋanhu ʋose kuponeswa,

¹²dzicitidzidzisa isu kuti tirambe kusanamata Mŋari nokuciʋa ɀenyika, tirarame nokuŋgwara, nokururama, nokunamata Mŋari paŋguʋa ino,

¹³takatarira tariro inofadza, nokuʋonekwa kwokubginya kwaMŋari mukuru, noMuponesi weɗu, Kristu Jesu,

¹⁴wakaɀipa nokuɗa kweɗu, kuti atidzikinure paɀisakarurama ɀose, kuti aɀinatsire ʋanhu ʋaʋe ʋake caiʋo, ʋanhu ʋanoshiŋgairira maɓasa akanaka.

¹⁵Taura ɀinhu iɀi, uraire, uraŋge nesimba rose; ŋgakurege kuʋa nomunhu unokuɀidza.