Read Original Shona Union Bible 1949 Baiberi Magwaro Matȿene aMŋari Tito 3 Bible Online

Tito 3 - Original Shona Union Bible 1949 Baiberi Magwaro Matȿene aMŋari bible

Tito 3

¹Uʋayeʋudzire kuti ʋaɀiise pasi paʋaɓati naʋanesimba, kuti ʋaterere, kuti ʋaʋe ʋanhu ʋakaɀigadzira kuɓata maɓasa ose akanaka,

²ʋarege kureʋera mumŋe ɀakaipa, ʋarege kuʋa negakaʋa, ʋaʋe ʋanyoro, ʋaitire ʋanhu ʋose ʋunyoro bgose.

³Nokuti nesu ʋo kare taiʋa ʋokusafuŋga, tisiŋgatereri, takarashika, tiri ʋaranda ʋokuciʋa kuzhinji naʋeɀose ɀinofadza, tigere mukati mokushata negoɗo, ticiʋeŋgwa, ticiʋeŋgana.

⁴Asi ʋunyoro bgaMŋari, Muponesi weɗu, noruɗo rwake kuʋanhu, ɀakati ɀaʋonekwa,

⁵wakatiponesa, asiŋgaɀiiti nokuɗa kwamaɓasa akarurama, atakaŋga taita isu, asi nokuɗa kwenyasha dzake, nenzira yokushambidzwa kwokuɓerekwa kutȿa, nokuʋandudzwa noMŋeya Mutȿene,

⁶waakaɗurura aciwanza pamsoro peɗu, naJesu Kristu Muponesi weɗu,

⁷kuti isu, taruramiswa nenyasha dzake, tiitwe ʋadyi ʋenhaka nokuɗa kwetariro yoʋupenyu bgusiŋgaperi.

⁸Ishoko raɀokwaɗi, ʋuye ndinoɗa kuti usimbise kwaɀo ɀinhu iɀi, ɀokuti aʋo ʋakatenda Mŋari ʋacenjere kuti ʋarambe ʋaciita maɓasa akanaka. Ndiɀo ɀakanaka, ɀinoɓatsira ʋanhu;

⁹asi unɀeŋge mibvunzo yoʋupenzi, namazita amadziteteguru, negakaʋa, nokukakaʋara pamsoro pomurairo, nokuti haɀinamaturo, haɀineɓasa.

¹⁰Munhu unodzidzisa ɀakatsauka, kana arairwa kamŋe norwecipiri, umurambe,

¹¹ɀaunoziʋa kuti wakaɗaro wakatsauka, unotadza, waɀipa mhoȿa amene.

¹²Kana ndicituma Artema kwauri, kana Tikiko, ushiŋgaire kuʋuya kwandiri Nikopori; nokuti ndakati ndicagara cando ikoko.

¹³Zenasi, muɗudziri womurairo, naAporo, uʋaise ɀakanaka parwendo, ʋarege kushaiwa cinhu.

¹⁴Ʋanhu ʋeɗu ŋgaʋadzidze ʋo kuramba ʋaciita maɓasa akanaka, kuti ʋaɓatsire panoshaikwa ɀinofanira kuʋa’po, kuti ʋarege kuʋa ʋanhu ʋasineɀiɓereko

¹⁵Ʋose ʋari kwandiri ʋanokukwazisa. Ndikwazisire aʋo ʋanotiɗa pakutenda. Nyasha ŋgadziʋe nemi mose.