Read Original Shona Union Bible 1949 Baiberi Magwaro Matȿene aMŋari Firemoni 1 Bible Online

Firemoni 1 - Original Shona Union Bible 1949 Baiberi Magwaro Matȿene aMŋari bible

Firemoni 1

¹Pauro, musuŋgwa waKristu Jesu, naTimotio, hama yeɗu, kunaFiremoni, muɗikanwa weɗu nounoɓata nesu,

²nokunaApfia, hanɀadzi yeɗu, nokunaArkipo, murwi pamŋe cete nesu, nokukereke iri mumba mako:

³Nyasha ŋgadziʋe nemi, norugare ɀinobva kunaMŋari, Ƃaɓa ʋeɗu, naShe Jesu Kristu.

⁴Ndinoʋoŋga Mŋari waŋgu ŋguʋa dzose, kana ndicikuraŋgarira pakunyeŋgetera kwaŋgu,

⁵ɀandinonzwa ɀoruɗo rwako nokutenda kwaunako kunaShe Jesu nokuʋatȿene ʋose;

⁶kuti kugoʋana kwokutenda kwako kuʋe nesimba, kuti ɀakanaka ɀose ɀiri mukati meɗu kunaKristu ɀizikanwe;

⁷nokuti ndakaŋga ndinomufaro mukuru nokunyaradzwa nokuɗa kworuɗo rwako, nokuti mŋoyo yaʋatȿene yakazorodzwa newe, hama yaŋgu.

⁸Naiɀoɀo, kunyaŋge ndisiŋgatoŋgotyi munaKristu kukuraira kuita ɀakafanira,

⁹kunyaŋge ɀakaɗaro, nokuɗa kworuɗo ndinoita ɀokukumbira ɀikuru, ɀandakaɗai haŋgu, ini Pauro, mutana, ʋuye ɀino musuŋgwa waKristu Jesu.

¹⁰Ndinokumbira ɀikuru kwauri pamsoro pomŋana waŋgu, wandakaɓereka pakusuŋgwa kwaŋgu, Onesimo,

¹¹wakaŋga asiŋgakuɓatsiri kare, asi ɀino unokuɓatsira ɀikuru, iwe neni;

¹²ndinomudzosera kwauri, iye amene, mŋoyo waŋgu caiwo;

¹³ndaiɗa kuti agare neni, kuti panɀimbo yako andishumire pakusuŋgwa kwaŋgu nokuɗa kweEvaŋgeri;

¹⁴asi ndakaŋga ndisiŋgaɗi kuita cinhu, iwe usati watenda, kuti ɀakanaka ɀauŋgaita ɀirege kuitwa nokuroʋererwa, asi nokuɗa kwako.

¹⁵Nokuti ɀimŋe wakaparadzaniswa newe ciŋguʋa nemhaka iyi, kuti ugozoʋa naye nokusiŋgaperi;

¹⁶arege kuzoʋa muranda, asi munhu unopfuʋura muranda, aʋe hama inoɗikanwa, munyama nomunaShe, ɀikuru kwandiri, asi ɀikuru kwaɀo kwauri.

¹⁷Ɀino kana uciti ndiri mugoʋani newe, umugamucire seɀauŋgandigamucira ini.

¹⁸Asi kana akakuitira cinhu cisakarurama, kunyaŋge aneŋgaʋa newe, undiraʋireni iɀoɀo.

¹⁹Ini Pauro, ndinoɀinyora noruʋoko rwaŋgu, ndicaripa; ndisiŋgareʋi haŋgu kuti pamsoro peɀose uneŋgaʋa kwandiri, ndiyewe umene.

²⁰Hoŋo, hama, ŋgandiʋe nomufaro kwauri munaShe; uzorodze mŋoyo waŋgu munaKristu.

²¹Ndinokunyorera, nokuti ndinotenda kuterera kwako, ndiciziʋa kuti ucaita ʋo kupfuʋura pandinoreʋa napo.

²²Asi ndigadzirire ʋo pokugara, nokuti ndinotarira kuti mucandipiwa ini nokuɗa kwokunyeŋgetera kwenyu.

²³Epafrasi, musuŋgwa pamŋe cete neni munaKristu, unokukwazisa.

²⁴NaMarko, naAristarko, naDemasi, naRuka, ʋanoɓate‐ɓasa pamŋe cete neni.

²⁵Nyasha dzaShe Jesu Kristu ŋgadziʋe nomŋeya wenyu.