Read Original Shona Union Bible 1949 Baiberi Magwaro Matȿene aMŋari ƲaHeberu 1 Bible Online

ƲaHeberu 1 - Original Shona Union Bible 1949 Baiberi Magwaro Matȿene aMŋari bible

ƲaHeberu 1

¹Mŋari wakataura kare kunamadziɓaɓa muʋaprofita nemigoʋe mizhinji, ʋuye nemitoʋo mizhinji,

²ɀino pakupedzisira kwamazuʋa ano wakataura kwatiri muMŋanakomana wake, waakaita mudyi wenhaka yeɀinhu ɀose, waakaita ʋo naye nyika;

³iye cadzera cokubginya kwake, nomufananidzo wake caiye, unoceŋgeta ɀinhu ɀose nenzwi resimba rake, wakati apedzisa kunatswa kweɀiʋi, akagara kurudyi rwoƲumambo kuɗeŋga,

⁴akapfuʋura ʋatumŋa nokunaka saiɀoɀo, sezita raakagara nhaka yaro, rakanyanya kunaka kupfuʋura raʋo.

⁵Nokuti wakambotaura kunani waʋatumŋa, aciti: Ndiwe Mŋanakomana waŋgu, Nhasi ndakakuɓereka? Ʋuye ɀe: Ndicaʋa Ƃaɓa ʋake, Iye ucaʋa Mŋanakomana waŋgu?

⁶Ʋuye, kana acizoʋuyisa ɀe ɗaŋgwe rake panyika, unoti: Ʋatumŋa ʋose ʋaMŋari ŋgaʋamunamate.

⁷Napamsoro paʋatumŋa unoti: Iye unoita ʋatumŋa ʋake kuti ʋaʋe mhepo, Naʋaranda ʋake, kuti ʋaʋe muraɀo womŋoto;

⁸Asi pamsoro poMŋanakomana, unoti: Cigaro cenyu coʋushe, imi Mŋari, ciri’po nokusiŋgaperi‐peri, Netȿimbo yokururama ndiyo tȿimbo yoʋushe bgako.

⁹Makaɗa kururama, mukaʋeŋga kusarurama; Saka Mŋari, iye Mŋari wenyu, wakakuzodzai Namafuta okufara kupfuʋura shamŋari dzenyu.

¹⁰Ʋuye, Imi, Ishe, makateya nheyo dzenyika pakutaŋga, Neɗeŋga ndiro ɓasa ramaʋoko enyu;

¹¹Iro ricapera, asi imi mucaramba muri’po; Ricasakara rose seŋguʋo;

¹²Mucaripeta secinofukwa, Seŋguʋo, rikashandurwa; Asi imi hamushanduki, namakore enyu haaŋgagumi.

¹³Asi wakambotaura kunani waʋatumŋa, aciti: Gara kurudyi rwaŋgu, Kuȿikira ndiciita ʋaʋeŋgi ʋako ʋaʋe citsiko cetsoka dzako?

¹⁴Ko haʋazi ʋose mŋeya inoshumira, yakatumŋa kuzoɓata nokuɗa kwaʋanodya nhaka yokuponeswa here?