Read Original Shona Union Bible 1949 Baiberi Magwaro Matȿene aMŋari ƲaHeberu 3 Bible Online

ƲaHeberu 3 - Original Shona Union Bible 1949 Baiberi Magwaro Matȿene aMŋari bible

ƲaHeberu 3

¹Naiɀoɀo, hama tȿene, ʋagoʋerani neni pakuɗanwa kunobva kuɗeŋga, fuŋgai ɀakanaka Muapostora noMuprista mukuru wokupupura kweɗu, iye Jesu,

²wakaŋga akatendeka kunaiye wakamugadza, saMosesi ʋo muimba yake yose.

³Nokuti uyu wakanzi wakafanira kukudzwa kupfuʋura Mosesi, muʋaki weimba seɀaanokudzwa kupfuʋura imba;

⁴nokuti imba imŋe neimŋe inoʋakwa nomunhu, asi iye, wakaʋaka ɀose, ndiye Mŋari.

⁵Ɀino Mosesi wakaŋga akatendeka muimba yake yose somuranda, kuti aʋe capupu ceɀinhu ɀaifanira kuzotaurwa,

⁶asi Kristu soMŋanakomana, wakaiswa pamsoro peimba yake; iye, tiri imba yake isu, kana tikaɓatisisa kuȿika pakuguma kusatya kweɗu netariro yatinoɀirumbidza pamsoro payo.

⁷Naiɀoɀo, seɀinotaura Mŋeya Mutȿene, aciti: Nhasi, kana mucinzwa inzwi rake,

⁸Musawomesa mŋoyo yenyu, sapaŋguʋa yokutsamŋisa, Napazuʋa rokuidzwa murenje;

⁹Pandakaidzwa namadziɓaɓa enyu, ʋacindinetsa, Ʋakaʋona maɓasa aŋgu makore anamakumi manna.

¹⁰Naiɀoɀo ndakanzwa shuŋgu pamsoro porudzi urwu, Ndikati: Ʋanogara ʋacitsauka pamŋoyo yaʋo; Asi haʋana‐kuziʋa nzira dzaŋgu;

¹¹Naiɀoɀo ndakapika pakutsamŋa kwaŋgu, ndikati: Haʋaŋgapindi pazororo raŋgu.

¹²Hama dzaŋgu, cenjerai kuti mukati momumŋe wenyu murege kuʋa nomŋoyo wakashata usiŋgatendi, mutsauke mucibʋa kunaMŋari mupenyu,

¹³asi simbisanai zuʋa rimŋe nerimŋe, kana kucanzi Nhasi; kuti kurege kuʋa nomumŋe wenyu unowomeswa nokunyeŋgera kweɀiʋi.

¹⁴Nokuti taʋa ʋagoʋerani pamŋe cete naKristu, kana ticiɓatisisa kuʋamba kwokutenda kweɗu kuȿikira pakuguma;

¹⁵ɀicinzi: Nhasi, kana mucinzwa inzwi rake, Musawomesa mŋoyo yenyu, sapaŋguʋa yokutsamŋisa.

¹⁶Nokuti ndiʋanani ʋakanzwa, ʋakamutsamŋisa? Haʋazi iʋo ʋose ʋakabva Egipita naMosesi here?

¹⁷Wakanzwa shuŋgu makore anamakumi manna pamsoro paʋanani? Haʋazi iʋo ʋakatadza, mitumbu yaʋo ikawira murenje here?

¹⁸Wakapika pamsoro paʋanani kuti haʋaŋgapindi pazororo rake? Haʋazi iʋo ʋasina‐kuterera here?

¹⁹Ɀino tinoʋona kuti ʋakaŋga ʋasiŋgagoni kupinda nokusatenda kwaʋo.