Read Original Shona Union Bible 1949 Baiberi Magwaro Matȿene aMŋari ƲaHeberu 9 Bible Online

ƲaHeberu 9 - Original Shona Union Bible 1949 Baiberi Magwaro Matȿene aMŋari bible

ƲaHeberu 9

¹Ɀino, neyiyi suŋgano yokutaŋga yakaŋga inemirairo yokushumira Mŋari nayo, neimba tȿene yenyika.

²Nokuti tabernakeri, yaiʋa yokutaŋga, yakagadzirwa, makaŋga munecigadziko cemŋenje, netafura, neɀiŋgwa ɀokuratidza; ndipo panonzi Patȿene.

³Ɀino mberi kwecidzitiro cecipiri pakaŋga panetabernakeri yainzi Patȿene‐tȿene;

⁴pakaŋga panendiro yendarama yeɀinonhuwira, neareka yesuŋgano, yakaŋga yakanamŋa nhiʋi dzose nendarama, imomo makaŋga munehari yendarama, yakaŋga inemana, netȿimbo yaAroni yakaɗeya kutuŋgira, namahwendefa esuŋgano;

⁵pamsoro payo pakaŋga panamakerubi okubginya, akadzikatidza cifunhiro ceŋgoni; hatigoni kurondedzera iɀoɀo ticiita cimŋe‐cimŋe ɀino.

⁶Ɀinhu iɀi ɀakati ɀagadzirwa saiɀoɀo, ʋaprista ʋaipinda mutabernakeri yokutaŋga ŋguʋa dzose, ʋaciɓata maɓasa okushumira Mŋari;

⁷asi muneyecipiri muprista mukuru waipinda ari oga, kamŋe cete negore, asiŋgapindi asineropa, raaiɀiɓayirira iye neɀiʋi ɀaʋanhu;

⁸Mŋeya Mutȿene aciratidza cinhu ici, kuti nzira inoenda kuNɀimbo Tȿene yakaŋga isati yataridzwa, tabernakeri yokutaŋga icimire;

⁹wakaŋga uri mufananidzo weŋguʋa ino — ʋanoɓayira nayo ɀipo neɀiɓayiro, ɀisiŋgagoni kukwanisa pahana yake iye unoshumira;

¹⁰nokuti yaiŋgoʋa mirairo yenyama, yeɀokudya, neɀokunwa, nokushamba kuzhinji, yaʋakatemerwa kuȿikira paŋguʋa yokuʋandudzwa.

¹¹Asi Kristu wakati aȿika ari muprista mukuru weɀinhu ɀakanaka ɀinozoʋuya, akapinda napatabernakeri yakapfuʋura pakukura napakukwana, isinakuitwa namaʋoko, ndiko kuti, isati iri yokusikwa kuno,

¹²haana‐kupinda neropa rembudzi kana remhuru, asi neropa rake cairo, kamŋe cete, ɀikapera, panɀimbo tȿene, akatiwanira rudzikinuro rusiŋgaperi.

¹³Nokuti kana ropa rembudzi nerenzombe namaɗota etsiru, kana ɀicisaswa pamsoro paʋakaȿiɓiswa, ɀiciʋaita ʋatȿene, kuti ʋanatswe panyama,

¹⁴ɀikuru sei ropa raKristu, iye wakaɀiita noMŋeya usiŋgaperi ciɓayiro kunaMŋari, cisina‐caciŋgapomerwa, ricanatsa hana dzeɗu pamaɓasa akafa, kuti tishumire Mŋari mupenyu.

¹⁵Nemhaka iyo, iye ndiMureʋereri wesuŋgano itȿa, kuti, rufu ɀarwakaȿika kuzodzikinura aʋo ʋakaɗarika pasuŋgano yokutaŋga, ʋakaɗanwa ʋagopiwa cipikirwa cenhaka isiŋgaperi.

¹⁶Nokuti apo panetestamente, panofanira kuʋa’po ʋo rufu rwaiye wakaiita.

¹⁷Nokuti testamente inesimba kana ʋanhu ʋafa; nokuti haitoŋgoʋi nesimba kana wakaiita aciri mupenyu.

¹⁸Naiɀoɀo nesuŋgano yokutaŋga haina‐kuʋambga pasineropa.

¹⁹Nokuti ɀireʋo ɀose ɀakati ɀataurwa kuʋanhu ʋose naMosesi seɀakareʋa murairo, iye akatora ropa remhuru nerembudzi, pamŋe cete nemvura namakushe matȿuku, nehisopi, akasasa buku imene naʋanhu ʋose,

²⁰aciti: Iri iropa resuŋgano, yamakarairwa naMŋari.

²¹Ʋuye ɀe, wakasasa saiɀoɀo neropa tabernakeri nemidziyo yose yokushumira nayo.

²²Ɀirokwaɀo, tiŋgati pamurairo ɀinhu ɀineŋge ɀose ɀinonatswa neropa; ʋuye kana kusineropa rinoteʋurwa, hakunekaŋganwiro.

²³Naiɀoɀo mifananidzo yeɀiri kuɗeŋga yaifanira kuti inatswe neɀiɓayiro iɀi; asi ɀinhu ɀokuɗeŋga ɀimene kuti ɀinatswe neɀiɓayiro ɀinopfuʋura iɀi nokunaka.

²⁴Nokuti Kristu haana‐kupinda panɀimbo tȿene yakaitwa namaʋoko, inofananidza iyo iri caiyo, asi wakapinda kuɗeŋga kumene, kuti ɀino aɀiise pamberi paMŋari nokuɗa kweɗu;

²⁵ʋuye haana‐kupinda kuti aɀiite ciɓayiro kazhinji, somuprista mukuru unopinda panɀimbo tȿene gore rimŋe nerimŋe, akaɓata ropa reɀimŋe ɀinhu;

²⁶nokuti ɗai ɀakaŋga ɀakaɗaro, uŋgaɗai aitambura kazhinji kubva pakuʋambga kwenyika; asi ɀino wakaʋonekwa kamŋe cete pakupedzisira kweŋguʋa, kuti aparadze ɀiʋi, nokuɀiita ciɓayiro kwake.

²⁷Ʋuye ʋanhu ɀaʋakatemerwa kuti ʋafe kamŋe cete, kutoŋgeswa kugoteʋera,

²⁸saiɀoɀo Kristu ʋo, ɀaakaitwa ciɓayiro kamŋe cete, kuti atakure ɀiʋi ɀaʋanhu ʋazhinji, ucazoʋonekwa rwecipiri, asiŋgatakuri ɀiʋi, naiʋo ʋanomutarira kuti aʋaponese.