Read Original Shona Union Bible 1949 Baiberi Magwaro Matȿene aMŋari I Petro 2 Bible Online

I Petro 2 - Original Shona Union Bible 1949 Baiberi Magwaro Matȿene aMŋari bible

I Petro 2

¹Naiɀoɀo rashai ɀakaipa ɀose, nokunyeŋgera kwose, namano‐mano, negoɗo, nokucera kwose,

²saʋacece ʋacaŋgoɓerekwa, paŋgai mukaka womŋeya, usina‐kushatiswa, kuti mukure nawo, mugoponeswa;

³kana makaraʋira kuti Ishe unomŋoyo munyoro.

⁴Ʋuyai kwaari, iye ibge ɓenyu, rakarashwa naʋanhu, asi rakasanaŋgurwa naMŋari, rinokosha.

⁵Nemi ʋo, samabge mapenyu, muʋakwe muʋe imba yoMŋeya, muʋe ʋuprista ʋutȿene, kuti muɓayire ɀiɓayiro ɀoMŋeya, ɀinofadza Mŋari nokuɗa kwaJesu Kristu.

⁶Nokuti muRugwaro ɀiri’mo, ɀinoti: Tarira, ndinoisa muZioni ibge rekona, rakasanaŋgurwa, rinokosha; Nounotenda kwaari haaŋganyadziswi.

⁷Naiɀoɀo imi, munotenda, munako kukudzwa; asi kunaʋasiŋgatendi, Ibge rakarashwa naʋaʋaki, Ndiro rakaitwa musoro wekona;

⁸ʋuye Ibge rokugumbusa, Neɗombo rokupiŋganidza; ndiʋo aʋo ʋanogumburwa neshoko, nokuti haʋaritereri; ndiɀo ɀaʋakaisirwa ʋo.

⁹Asi imi muri rudzi rwakasanaŋgurwa, ʋuprista bgamambo, rudzi rutȿene, ʋanhu ʋaakaɀiwanira, kuti muparidze kunaka kwaiye wakakuɗanai, kuti mubve parima muʋuye kuciedza cake cinoshamisa.

¹⁰Imi kare makaŋga musi ʋanhu; asi ɀino muri ʋanhu ʋaMŋari; makaŋga musiŋganzwirwi ŋgoni, asi ɀino manzwirwa ŋgoni.

¹¹Ʋaɗikanwa, ndinokumbira ɀikuru kwamuri, ɀamuri ʋatorwa naʋaeni, kuti muɀidzore pakuciʋa kwenyama kunorwa nomŋeya;

¹²mufambire wenyu uʋe wakanaka pakati paʋahedeni; kuti paʋanokupomerai ʋaciti munoita ɀakaipa, ʋarumbidze Mŋari nezuʋa rokushanyira, kana ʋaciʋona maɓasa enyu akanaka.

¹³Muɀiise pasi pecireʋo cimŋe necimŋe caʋanhu nokuɗa kwaShe: kana ari mambo, nokuti ndiye mukuru;

¹⁴kana ʋari ʋaɓati, nokuti ʋakatumŋa naye kuti ʋatsiʋe ʋanoita ɀakaipa, ʋuye ʋarumbidze ʋanoita ɀakanaka.

¹⁵Nokuti ndiko kuɗa kwaMŋari, kuti nokuita kwenyu ɀakanaka munyaradze kusaziʋa kwamapenzi;

¹⁶saʋanhu ʋakasunuŋguka, musiŋgaiti kusunuŋguka kwenyu kuti ciʋe cifukidzo ceɀakaipa, asi muʋe ʋaranda ʋaMŋari.

¹⁷Kudzai ʋanhu ʋose. Iɗai hama dzose. Ityai Mŋari. Kudzai mambo.

¹⁸Ʋaranda, tererai ʋatenzi ʋenyu nokutya kwose, musiŋgaɀiiti kunaʋakanaka naʋanyoro ɓedzi, asi kunaʋasakarurama ʋo.

¹⁹Nokuti ndidzo nyasha kana munhu acitsuŋgirira pakutambudzika nokuɗa kwehana kunaMŋari, acitambudzika asinemhoȿa.

²⁰Nokuti kunerumbidzo yeiko, kana mucitsuŋgirira matadza, mukarobga? Asi kana mukatsuŋgirira kana muciita ɀakanaka mukatambudzika, iɀoɀo inyasha kunaMŋari.

²¹Nokuti makaɗanirwa iɀoɀo, Kristu ɀaakakutambudzikirai ʋo, akakusiyirai mufananidzo, kuti muteʋere makwara ake;

²²iye usina‐kuita ɀiʋi, nokunyeŋgera hakunakuʋonekwa mumuromo make;

²³iye wakati acitukwa, haana‐kutuka ɀe; wakati acitambudzika, haana‐kutyisidzira; asi wakaisa mhaka yake kunaiye unotoŋga ɀakarurama;

²⁴iye wakatakura amene ɀiʋi ɀeɗu mumuʋiri wake pamuti, kuti isu, kana tafa kuɀiʋi, tiraramire ɀakarurama; iye wamakaporeswa namaʋaŋga ake.

²⁵Nokuti makaŋga makatsauka samakwai; asi ɀino madzokera kumufudzi nomutariri wemŋeya yenyu.