Read Original Shona Union Bible 1949 Baiberi Magwaro Matȿene aMŋari Ʋatoŋgi 1 Bible Online

Ʋatoŋgi 1 - Original Shona Union Bible 1949 Baiberi Magwaro Matȿene aMŋari bible

Ʋatoŋgi 1

¹Ɀino Joshua wakati afa, ʋana ʋaIsraeri ʋakabvunza Jehova, ʋakati: Ndianiko kwatiri unofanira kutaŋga kundorwa naʋaKanani?

²Jehova akati: Juda ndiye unofanira kuenda; tarirai ndakaisa nyika iyi mumaʋoko ake.

³Ɀino Juda akati kunaSimeoni mukuru wake: Hendei tose kumugoʋe waŋgu, tirwe naʋaKanani, neni ndigoenda newe kumugoʋe wako. Ipapo Simeoni akaenda naye.

⁴Ɀino Juda akaenda, Jehova akaisa ʋaKanani naʋaPerizi mumaʋoko ake, ʋakaʋuraya muBezeki ʋarume ʋaʋo ʋaneɀuru ɀinegumi.

⁵Ʋakawana Adoni‐bezeki muBezeki, ʋakarwa naye, ʋakaʋuraya ʋaKanani naʋaPerizi.

⁶Asi Adoni‐bezeki wakatiza; ʋakamuteʋera, ʋakamuɓata, ndokumugura magunwe ake namagunwe amakumbo ake.

⁷Ipapo Adoni‐bezeki akati: Madzimambo anamakumi manomŋe, akaŋga akagurwa magunwe awo namagunwe amakumbo awo, ainoŋga ɀokudya ɀawo pasi petafura yaŋgu; seɀandakaita ini, Mŋari wakanditsiʋa ʋo. Ʋakaenda naye Jerusarema, akafira’po.

⁸Ɀino ʋana ʋaJuda ʋakandorwa neJerusarema, ʋakarikunda, ʋakaʋaʋuraya neminondo inopinza, ʋakapisa guta nomŋoto.

⁹Pashure ʋana ʋaJuda ʋakaɓuruka ʋakandorwa naʋaKanani, ʋakaŋga ʋagere panyika yamakomo, nezasi nokumapani.

¹⁰Ɀino ʋaJuda ʋakandorwa naʋaKanani ʋakaŋga ʋagere Hebroni (ɀino zita reHebroni kare raiʋa Kiriati‐arba); ʋakaparadza Sheshai, naAhimani, naTarmai.

¹¹Ʋakabva’po, ʋakandorwa naʋanhu ʋakaŋga ʋagere Debiri. (Ɀino zita reDebiri kare raiʋa Kiriati‐seferi).

¹²Karebi akati: Munhu unorwa neKiriati‐seferi, akarikunda, ndicamupa mukunda waŋgu Aksa, aʋe mukadzi wake.

¹³Ipapo Otnieri, mŋanakomana waKenazi, munuŋuna waKarebi, akarikunda; iye akamupa mukunda wake Aksa, akaʋa mukadzi wake.

¹⁴Ɀino iye wakati aciȿika kwaari, akamukurudzira kuti akumbire munda kunaɓaɓa ʋake; ɀino iye akaɓuruka pamboŋgoro yake, Karebi akati kwaari: Unoreʋeiko?

¹⁵Akati: Ndipei cipo; ɀamakandiisa kunyika yezasi, ndipei ʋo matsime emvura. Akamupa matsime okumsoro namatsime ezasi.

¹⁶Ɀino ʋana ʋomuKeni, mukarabga waMosesi, ʋakaɓuɗa paguta remicindwe, ʋakakwira pamŋe cete naʋana ʋaJuda kurenje raJuda, riri zasi kweAradi; ʋakandogara naʋanhu ʋo’ko.

¹⁷Juda akaenda naSimeoni mukuru wake, ʋakakunda ʋaKanani ʋakaŋga ʋagere Zefati; ʋakariparadza cose. Guta iro rikazotumidzwa Horma.

¹⁸ƲaJuda ndokukunda ʋo Gaza nenyika yaro neAshkeroni nenyika yaro, neEkroni nenyika yaro.

¹⁹Jehova akaʋa naJuda akadziŋga ʋanhu ʋakaŋga ʋagere panyika yamakomo; asi wakaŋga asiŋgagoni kudziŋga ʋakaŋga ʋagere mumupata, nokuti iʋo ʋakaŋga ʋaneŋgoro dzamatare.

²⁰Ʋakapa Karebi Hebroni seɀakaŋga ɀataurwa naMosesi, akadziŋga’po ʋana ʋaAnaki ʋatatu.

²¹Asi ʋana ʋaBenjamini haʋana‐kudziŋga ʋaJebusi ʋakaŋga ʋagere Jerusarema; asi ʋaJebusi ʋakagara Jerusarema pamŋe cete naʋana ʋaBenjamini kuȿikira nhasi.

²²Ʋeimba yaJosefa naiʋo ʋakakwira ʋakandorwa neBeti‐eri, Jehova akaʋa naʋo.

²³Ʋeimba yaJosefa ʋakandoshora Beti‐eri. (Ɀino zita reguta iri pakutaŋga raiʋa Ruzi.)

²⁴Nharirire dzikaʋona munhu aciɓuɗa muguta, dzikati kwaari: Ƌotiratidza hako panopindwa napo paguta, tigokuitira ɀakanaka.

²⁵Akaʋaratidza panopindwa napo paguta, ʋakakunda guta neminondo inopinza; asi ʋakatendera munhu uyo nemhuri yake yose kuenda hake.

²⁶Ɀino munhu uyo akaenda kunyika yaʋaHeti, akandoʋaka guta rake, akaritumidza zita rinonzi Ruzi; ndiro zita raro kuȿikira nhasi.

²⁷Manase haana‐kudziŋga ʋanhu ʋakaŋga ʋagere Beti‐sheani, nemisha yaro, kana ʋeTaanaki, nemisha yaro, kana ʋakaŋga ʋagere Dori, nemisha yaro, kana ʋakaŋga ʋagere Ibreami, nemisha yaro, kana ʋakaŋga ʋagere Megido, nemisha yaro; asi ʋaKanani ʋakaramba ʋaciɗa kugara panyika iyo.

²⁸Ɀino ʋaIsraeri ʋakati ʋasimba, ʋakaɓatisa ʋaKanani ɓasa recibaro, haʋana‐kuʋadziŋga cose.

²⁹Efraimi haana‐kudziŋga ʋaKanani ʋakaŋga ʋagere Gezeri; asi ʋaKanani ʋakagara Gezeri pakati paʋo.

³⁰Zeburuni haana‐kudziŋga ʋanhu ʋakaŋga ʋagere Kitroni, kana ʋakaŋga ʋagere Naharori; asi ʋaKanani ʋakagara pakati paʋo, ʋakaʋa ʋaɓati ʋecibaro.

³¹Asheri haana‐kudziŋga ʋanhu ʋakaŋga ʋagere Ako, kana ʋakaŋga ʋagere Zidoni, kana Akrabi, kana Aksibi, kana Herba, kana Afiki, kana Rehobi;

³²asi ʋaAsheri ʋakagara pakati paʋaKanani, ʋakaŋga ʋagere munyika iyo; nokuti haʋana‐kuʋadziŋga.

³³Naftari haana‐kudziŋga ʋanhu ʋakaŋga ʋagere Beti‐shemeshi, kana ʋakaŋga ʋagere Beti‐anati; asi ʋakagara pakati paʋaKanani, ʋakaŋga ʋagere panyika iyo; asi ʋakaŋga ʋagere Beti‐shemeshi neBeti‐anati ʋakaʋa ʋaɓati ʋecibaro.

³⁴ƲaAmori ʋakasundira ʋana ʋaDani kunyika yamakomo, nokuti haʋana‐kuʋatendera kuɓurukira kumupata;

³⁵asi ʋaAmori ʋakaramba ʋaciɗa kugara mugomo reHeresi, muAjaroni nomuShaarbimi; kunyaŋge ɀakaɗaro ruʋoko rwaʋeimba yaJosefa rwakakunda, ʋakaʋa ʋaɓati ʋecibaro.

³⁶Muganho waʋaAmori wakabva pamukwidzwa weAkrabimi, kubva paɗombo, ucikwira.