Read Original Shona Union Bible 1949 Baiberi Magwaro Matȿene aMŋari Ʋatoŋgi 15 Bible Online

Ʋatoŋgi 15 - Original Shona Union Bible 1949 Baiberi Magwaro Matȿene aMŋari bible

Ʋatoŋgi 15

¹Asi ŋguʋa ɗuku yakati yapera, paŋguʋa yokukohwa ɀiyo, Samsoni akandoshanyira mukadzi wake, akaɓata mbudzana; akati: Ndinoɗa kupinda kumukadzi waŋgu mumba. Asi ɓaɓa ʋake ʋakaramba kumutendera kupinda.

²Ƃaɓa ʋake ʋakati: Ɀirokwaɀo, ndakati wamuʋeŋga kwaɀo; saka ndakamupa shamŋari yako. Ko munuŋuna wake haamupfuʋuri nokunaka here? Mutore hake iye panɀimbo yake.

³Samsoni akati kwaʋari: ŋguʋa ino handiŋgaʋi nemhoȿa kuʋaFiristia, kana ndikaʋaitira ɀakaipa.

⁴Ipapo Samsoni akandoɓata makaʋa anamazana matatu, akatora mazhenje, akaɓatanidza miswe miʋiri‐miʋiri, ndokuisa zhenje pakati pemiswe miʋiri.

⁵Ɀino akatuŋgidza mazhenje, ndokuaregedza, akapinda muɀiyo ɀaʋaFiristia ɀakaŋga ɀigere kukohiwa, akapisa ɀiyo ɀakaŋga ɀaʋuŋganidzwa neɀakaŋga ɀigere kukohiwa, neminda yemizambiriŋga neyemiorivi.

⁶Ipapo ʋaFiristia ʋakati: Ndianiko waita iɀoɀo? Ʋakati: NdiSamsoni, mukuwasha womuTimna, nokuti wakatora mukadzi wake, akamupa shamŋari yake. Ɀino ʋaFiristia ʋakakwira, ʋakamupisa iye mukadzi naɓaɓa ʋake nomŋoto.

⁷Samsoni akati kwaʋari: Kana mukaita saiɀoɀo, ɀirokwaɀo ndicakutsiʋai, pashure ndigorega.

⁸Akaʋaroʋa paɀidɀa neɀiʋuno, akaʋaʋuraya nokuʋuraya kukuru; akaɓuruka, akandogara paɓako reɗombo reEtami.

⁹Ɀino ʋaFiristia ʋakakwira, ʋakandodzika matente aʋo paJuda, ʋakapararira muRehi.

¹⁰Ʋarume ʋaJuda ʋakati: Makwirireiko kuzorwa nesu: Iʋo ʋakati: Takwira kuzosuŋga Samsoni, timuitire seɀaakatiitira isu.

¹¹Ipapo ʋarume ʋaJuda ʋakaŋga ʋaneɀuru ɀitatu ʋakaɓurukira kuɓako reɗombo reEtami, ʋakati kunaSamsoni: Hauziʋi kuti ʋaFiristia ʋaɓati ʋeɗu here? Cinyiko ici cawatiitira? Akati kwaʋari: Seɀaʋakandiitira ini, ndiɀo ɀandakaʋaitira ʋo.

¹²Ʋakati kwaari: Isu taɓurukira ʋuno kuzokusuŋga, kuti tikuise mumaʋoko aʋaFiristia. Samsoni akati kwaʋari: Pikai kwandiri, kuti imi hamuŋgandiʋambi mumene.

¹³Ʋakataura naye, ʋakati: Kwete; asi ticakusuŋga, nokukuisa mumaʋoko aʋo; asi ɀirokwaɀo hatiŋgakuʋurayi. Ʋakamusuŋga netambo mbiri itȿa, ʋakakwira naye ʋacibva paɗombo.

¹⁴Ɀino wakati aciȿika Rehi, ʋaFiristia ʋakamupurudzira. Ipapo Mŋeya waJehova akaʋuya pamsoro pake nesimba guru; tambo dzakaŋga dzakasuŋga maʋoko ake dzikafanana norucinda rwakatȿa nomŋoto, ɀisuŋgo ɀake ɀikanyauka pamaʋoko ake.

¹⁵Akawana rushaya rwemboŋgoro, akatambanudza ruʋoko rwake, akarutora, ndokuʋuraya ʋarume ʋanamazana anegumi narwo.

¹⁶Ipapo Samsoni akati: Norushaya rwemboŋgoro ndakaʋuraya ɓoka namapoka, Norushaya rwemboŋgoro ndakaʋuraya ʋanamazana anegumi.

¹⁷Ɀino wakati apedza kutaura, akakanda kure rushaya rwakaŋga ruri muruʋoko rwake; nɀimbo iyo ikanzi: Ramati‐rehi.

¹⁸Ipapo akanzwa nyota kwaɀo, akacema kunaJehova, akati: Matirwira kwaɀo noruʋoko rwomuranda wenyu; ɀino ndicafa nenyota, ndikawira mumaʋoko aʋasina‐kudziŋgiswa.

¹⁹Asi Mŋari wakapamura mukaha paRehi, mvura ikaɓuɗa’po; ɀino wakati anwa, mŋeya wake ukadzokera maari, akapona ɀe; naiɀoɀo ipapo pakatumidzwa Enihakori, tsime riri paRehi kuȿikira nhasi.

²⁰Iye akatoŋga ʋaIsraeri makore makumi maʋiri pamazuʋa aʋaFiristia.