Read Original Shona Union Bible 1949 Baiberi Magwaro Matȿene aMŋari Ʋatoŋgi 16 Bible Online

Ʋatoŋgi 16 - Original Shona Union Bible 1949 Baiberi Magwaro Matȿene aMŋari bible

Ʋatoŋgi 16

¹Ɀino Samsoni wakaenda Gaza, akaʋona’po mukadzi waiʋa cifeʋe akapinda kwaari.

²ƲaGaza ʋakaʋudzwa, ɀicinzi: Samsoni waȿika pano. Iʋo ʋakamukomba, ʋakamuʋandira ʋusiku bgose pasuʋo reguta, ʋakaramba ʋanyerere ʋusiku bgose, ʋaciti: Maŋgwana kana kwaedza ticamuʋuraya.

³Samsoni akaʋata kuȿikira pakati poʋusiku, akamuka pakati poʋusiku, akaɓata masasa esuʋo reguta, namatanda aro maʋiri, akaavomora pamŋe cete nomuzariro waro, akaaisa pamafudzi ake, ndokuatakurira kugomo riri pamberi peHebroni.

⁴Ɀino pashure akaɗa mukadzi wakaŋga agere pamupata weSoreki, wainzi Derira.

⁵Madzishe aʋaFiristia akakwira kumukadzi, akati kwaari: Munyeŋgetedze, uʋone kunobva simba rake guru, ʋuye kuti tiŋgamukunda sei, kuti timusuŋge timumanikidze; ipapo mumŋe nomumŋe weɗu ucakupa mashekeri[4] esirveri anegumi ramazana nezana rimŋe.

⁶Ɀino Derira akati kunaSamsoni: Ndiʋudze hako kuti simba rako guru rinobvepi, ʋuye kuti uŋgasuŋgwa neiko, umanikidzwe.

⁷Samsoni akati kwaari: Kana ʋakandisuŋga namarunda matȿa manomŋe acigere kuwomeswa, ndicashaiwa simba, ndikaʋa somumŋe munhu.

⁸Ipapo madzishe aʋaFiristia akamuʋigira marunda matȿa manomŋe acigere kuwomeswa, iye akamusuŋga nawo.

⁹Ɀino wakaŋga anaʋaʋandiri ʋakaŋga ʋakaʋandira muimba yomukati. Akati kwaari: Samsoni, ʋaFiristia ʋaȿika! Iye akaɗambura marunda, seɀinoɗamburwa rwonzi rworucinda kana rwanzwa mŋoto. Naiɀoɀo simba rake harinakuzikanwa.

¹⁰Ipapo Derira akati kunaSamsoni: Tarira, wandiɗaɗira, nokundireʋera nhema; ɀino cindiʋudza hako kuti uŋgasuŋgwa nei.

¹¹Akati kwaari: Kana ʋakaŋgondisuŋga haʋo namaɓote matȿa, asina‐kumboɓatisa, ndicashaiwa simba, ndikaʋa somumŋe munhu.

¹²Ipapo Derira akatora maɓote matȿa, akamusuŋga nawo, akati kwaari: Samsoni, ʋaFiristia ʋaȿika! Ʋaʋandiri ʋakaŋga ʋakaʋandira muimba yomukati. Ipapo akaaɗambura pamaʋoko ake sorucinda.

¹³Derira akati kunaSamsoni: Kuȿikira ɀino wakaŋga uciŋgondiɗaɗira, ucindireʋera nhema; cindiʋudza hako kuti uŋgasuŋgwa nei. Akati kwaari: Kana ukarukira mhotsi nomŋe dzevudzi romusoro waŋgu pamŋe cete nomuceka unorukwa.

¹⁴Iye akarisuŋga nembambo, akati kwaari: Samsoni, ʋaFiristia ʋaȿika! Ipapo akapepuka pahope dzake, akavomora mbambo yeɗanda pamŋe cete nomuceka wakarukwa.

¹⁵Iye akati kwaari: Ɀino uŋgataura seiko uciti: Ndinokuɗa, kana mŋoyo wako usiŋganditendi? Ɀino wandiɗaɗira katatu, usiŋgandiʋudzi kuti simba rako guru rinobvepi.

¹⁶Ɀino wakati aciŋgomutambudza mazuʋa ose namashoko ake, acimugombedzera, mŋoyo wake ukanetswa kuȿikira pakufa.

¹⁷Akamuʋudza nomŋoyo wake wose akati kwaari: Musoro waŋgu hauna‐kutoŋgoʋeʋurwa neciȿo, nokuti ndiri muNaziri waMŋari kubva paɗumbu ramai ʋaŋgu; kana ndikaʋeʋurwa, simba raŋgu ricabva kwandiri, ndiŋgashaiwa simba, ndikaita somumŋe munhu.

¹⁸Ɀino Derira wakati aʋona kuti wamuʋudza nomŋoyo wake wose, akatuma munhu kundoɗana madzishe aʋaFiristia, akati: Kwirai henyu ʋuno ŋguʋa ino, nokuti wandiʋudza nomŋoyo wake wose. Ipapo madzishe aʋaFiristia akakwira kwaari, ʋakaʋuya nemari mumaʋoko aʋo.

¹⁹Iye akamuʋatisa pamabvi ake, akaɗana munhu kuzoʋeʋura mhotsi nomŋe dzevudzi romusoro wake; akataŋga kumumanikidza; simba rake rikabva kwaari.

²⁰Akati: Samsoni, ʋaFiristia ʋaȿika! Ipapo Samsoni akapepuka pahope dzake, akati: Ndicaɓuɗa ŋguʋa ino ʋo sapanedzimŋe ŋguʋa, ndikaɀisunuŋgura; asi wakaŋga asiŋgaziʋi kuti Jehova wakaŋga abva kwaari.

²¹Ɀino ʋaFiristia ʋakamuɓata, ʋakamutumbura meso, ʋakaɓuruka naye Gaza, ndokumusuŋga neɀisuŋgo ɀendarira, akakuya mutoroŋgo.

²²Asi vudzi romusoro wake rakataŋga kureɓa ɀe shure kwokuʋeʋurwa kwake.

²³Ɀino madzishe aʋaFiristia akaʋuŋgana pamŋe cete kuzoɓayira Dagoni mŋari waʋo ciɓayiro cikuru, ndokufara; nokuti ʋakati: Mŋari weɗu wakaisa mumaʋoko eɗu muʋeŋgi weɗu Samsoni.

²⁴Ɀino ʋanhu ʋakati ʋacimuʋona, ʋakarumbidza mŋari waʋo, nokuti ʋakati: Mŋari weɗu wakaisa mumaʋoko eɗu muʋeŋgi weɗu, nomuparadzi wenyika yeɗu, wakaʋuraya ʋazhinji ʋeɗu.

²⁵Ɀino mŋoyo yaʋo yakati yofara, ʋakati: Ciɗanai Samsoni, atitambire. Ʋakandoɗana Samsoni mutoroŋgo, akatamba pamberi paʋo, ʋakamuisa pakati pembiru.

²⁶Ɀino Samsoni akati kumukomana wakaŋga akaɓata ruʋoko rwake: Nditendere kuti ndiɓate mbiru dzakatsigira imba, ndisendamire padziri.

²⁷Ɀino imba yakaŋga izere naʋarume naʋakadzi; namadzishe aʋaFiristia akaŋga ari’mo ose; napamsoro peɗeŋga pakaŋga panaʋarume naʋakadzi ʋaneŋge ɀuru ɀitatu, ʋakaŋga ʋacitarira kutamba kwaSamsoni.

²⁸Ipapo Samsoni akaɗana kunaJehova akati: Ishe Mŋari, ndiraŋgarirei henyu, ndisimbisei henyu ŋguʋa ino ɓedzi, imi Mŋari, nditsiʋirwe meso aŋgu maʋiri kuʋaFiristia.

²⁹Samsoni akaɓata mbiru mbiri dzapakati, dzakaŋga dzakatsigira imba, akadzisunda, imŋe noruʋoko rwake rworudyi neimŋe noruʋoko rwake rworuɓoshwe.

³⁰Ipapo Samsoni akati: Ŋgandife haŋgu pamŋe cete naʋaFiristia. Akakotama nesimba rake rose, imba ikawira pamsoro pamadzishe, napamsoro paʋanhu ʋaiʋa’mo. Naiɀoɀo ʋakafa ʋaakaʋuraya pakufa kwake, ʋakaŋga ʋari ʋazhinji kunaʋakaʋurawa naye aciri mupenyu.

³¹Ɀino hama dzake, naʋose ʋeimba yaɓaɓa ʋake, ʋakaɓuruka, ʋakamutora, ʋakakwira naye, ndokumuʋiga pakati peZora neEshtaori, pabgiro bgaManoa, ɓaɓa ʋake. Iye wakatoŋga ʋaIsraeri makore anamakumi maʋiri.