Read Original Shona Union Bible 1949 Baiberi Magwaro Matȿene aMŋari Ʋatoŋgi 17 Bible Online

Ʋatoŋgi 17 - Original Shona Union Bible 1949 Baiberi Magwaro Matȿene aMŋari bible

Ʋatoŋgi 17

¹Ɀino kwakaŋga kunomurume panyika yamakomo yaEfraimi, wainzi Mika.

²Iye akati kunamai ʋake: Mashekeri[5] aya esirveri anegumi ramazana nezana rimŋe amakaɓirwa, mukatuka muɓi waɀo, mukataura ʋo iɀoɀo ini ndiciɀinzwa, tarirai sirveri iyeyo iri kwandiri; ndini ndakaitora. Ipapo mai ʋake ʋakati: Mŋanakomana waŋgu ŋgaaropafadzwe naJehova!

³Akadzosera mashekeri esirveri anegumi ramazana nezana rimŋe kunamai ʋake; mai ʋake ʋakati: Ɀirokwaɀo, sirveri iyi ndinoitsaurira Jehova, kuti mŋanakomana waŋgu aite nayo mufananidzo wakaʋezwa nomufananidzo wakaʋumbga; naiɀoɀo ɀino ndicakudzosera iyo.

⁴Ɀino wakati adzosera mari iyo kunamai ʋake, mai ʋake ʋakatora mashekeri esirveri anamazana maʋiri, akaapa muʋumbi, iye akaita nawo mufananidzo wakaʋezwa nomufananidzo wakaʋumbga; ɀikagara mumba maMika.

⁵Ɀino murume uyu Mika wakaŋga aneimba yaʋamŋari, akaita efodi neterafimi, akagadza mumŋe waʋanakomana ʋake kuti aʋe muprista wake.

⁶Pamazuʋa iwayo kwakaŋga kusinamambo pakati paʋaIsraeri; munhu mumŋe nomumŋe waiita seɀaakafuŋga kuti ndiɀo ɀakanaka.

⁷Ɀino kwakaŋga kunejaya raibva Beti‐rehemi‐juda, weimba yaJuda, waiʋa muRevi, wakaŋga agere’po.

⁸Murume uyu akabva paguta, paBeti‐rehemi‐juda, kundoɀitȿakira nɀimbo yokugara; pakufamba kwake akaȿika panyika yamakomo yaEfraimi paimba yaMika.

⁹Mika akati kwaari: Wabvepiko? Iye akati kwaari: Ndiri muRevi weBeti‐rehemi‐juda, ndinotȿaka kwandiŋgagara.

¹⁰Mika akati kwaari: Gara neni, uʋe ɓaɓa ʋaŋgu nomuprista waŋgu, ndikupe mashekeri[6] esirveri anegumi pagore neŋguʋo dzokupfeka neɀokudya ɀako. Ipapo muRevi akapinda.

¹¹MuRevi akatenda kugara nomunhu uyu; jaya rikaʋa somumŋe waʋanakomana ʋake.

¹²Mika akagadza muRevi, jaya iro rikaʋa muprista wake, akagara mumba maMika.

¹³Ɀino Mika akati: Ndinoziʋa ɀino kuti Jehova ucandiitira ɀakanaka, ɀandaʋa nomuprista waŋgu uri muRevi.