Read Original Shona Union Bible 1949 Baiberi Magwaro Matȿene aMŋari Ʋatoŋgi 18 Bible Online

Ʋatoŋgi 18 - Original Shona Union Bible 1949 Baiberi Magwaro Matȿene aMŋari bible

Ʋatoŋgi 18

¹Ɀino namazuʋa iwayo kwakaŋga kusinamambo pakati paʋaIsraeri; namazuʋa iwayo ʋaDani ʋakaɀitȿakira nhaka yokugara’mo, nokuti kuȿikira paŋguʋa iyo ʋakaŋga ʋacigere kupiwa nhaka pakati pamarudzi aʋaIsraeri.

²Ɀino pakati paʋo ʋose ʋana ʋaDani ʋakatuma ʋarume ʋashanu ʋeimba yaʋo, ʋarume ʋoʋumhare, ʋakabva Zora neEshtaori, kuzoshora nyika, nokuitarisisa; ʋakati kwaʋari: Endai, mundotarisisa nyika; iʋo ʋakaȿika kunyika yamakomo yaEfraimi, kuimba yaMika, ʋakaʋata’po.

³Ɀino ʋakati ʋari paimba yaMika, ʋakaziʋa inzwi rejaya muRevi; ʋakatsaukira’ko, ʋakati kwaari: Ndianiko wakakuȿitsa pano? Unoɓatei pano? Unotȿakei pano?

⁴Iye akati kwaʋari: Mika wakandiitira ɀokuti neɀokuti, akandiripira, ndikaʋa muprista wake.

⁵Ʋakati kwaari: Ɀino citibvunzira hako Mŋari, tiziʋe kana ticafamba ɀakanaka panzira yeɗu yatinofamba nayo.

⁶Muprista akati kwaʋari: Endai norugare, nzira yenyu yamunofamba nayo inofadza Jehova.

⁷Ɀino ʋarume ʋashanu ʋakaenda, ʋakaȿika Raishi, ʋakaʋona ʋanhu ʋakaŋga ʋari’mo, kuti ʋagere pasinenjodzi nomutoʋo waʋaZidoni, ʋakagarika, ʋanorugare; kwakaŋga kusinomunhu waiʋa nesimba rokuraira, waimanikidza ʋanhu pacinhu cipi necipi; ʋakaŋga ʋagere kure naʋaZidoni, ʋasiŋgafambidzani naʋamŋe ʋanhu.

⁸Ʋakaȿika kuhama dzaʋo paZora napaEshtaori; hama dzaʋo dzikati kwaʋari: Munoreʋeiko?

⁹Ʋakati: Simukai, tikwire, tindorwa naʋo; nokuti takatarira nyika, tikaʋona kuti yakanaka kwaɀo; munogara seiko musiŋgaiti cinhu? Musaʋa noʋusimbe bgokupinda, kuti nyika iʋe yenyu.

¹⁰Kana mucienda mucandoȿika kuʋanhu ʋagere pasinenjodzi, ʋuye nyika ihuru; nokuti Mŋari wakakupai iyo mumaʋoko enyu; apo hapashaikwi cinhu ciri panyika.

¹¹Ipapo ʋarume ʋanamazana matanhatu ʋeimba yaʋaDani ʋakaŋga ʋakashoŋga nhumbi dzokurwa, ʋakaenda’ko, ʋacibva Zora neEshtaori.

¹²Ʋakakwira, ʋakandodzika matente aʋo paKiriati‐jearimi, paJuda; naiɀoɀo ʋakatumidza nɀimbo iyo Mahane‐dani kuȿikira zuʋa ranhasi; tarirai, riri shure kweKiriati‐jearimi.

¹³Ʋakabva’po, ʋakapfuʋura kuȿikira panyika yamakomo yaEfraimi, ʋakaȿika paimba yaMika.

¹⁴Ɀino ʋarume ʋashanu, ʋakaŋga ʋandoshora nyika yeRaishi, ʋakapindura, ʋakati kuhama dzaʋo: Munoziʋa here kuti mudzimba idzi muneefodi, neterafimi, nomufananidzo wakaʋezwa nomufananidzo wakaʋumbga? Saka ɀino fuŋgai ɀakanaka ɀamunofanira kuita.

¹⁵Ipapo ʋakatsaukira’ko, ʋakaȿika paimba yejaya muRevi, iyo imba yaMika, ʋakabvunza mufaro.

¹⁶Ɀino ʋarume ʋanamazana matanhatu ʋakaŋga ʋakashoŋga nhumbi dzaʋo dzokurwa nadzo, ʋaiʋa ʋaʋana ʋaDani, ʋakamira panopindwa napo pasuʋo,

¹⁷ʋarume ʋashanu ʋakaŋga ʋandoshora nyika ʋakakwira, ʋakapinda’mo, ʋakatora mufananidzo wakaʋezwa, neefodi, neterafimi, nomufananidzo wakaʋumbga; muprista akamira panopindwa napo pasuʋo kuʋarume ʋanamazana matanhatu ʋakaŋga ʋakashoŋga nhumbi dzokurwa nadzo.

¹⁸Ɀino iʋo ʋakati ʋapinda mumba maMika, ʋakatora mufananidzo wakaʋezwa, neefodi, neterafimi, nomufananidzo wakaʋumbga, muprista akati kwaʋari: Munoiteiko?

¹⁹Ʋakati kwaari: Nyarara, fumbira muromo wako, uende nesu, uʋe ɓaɓa ʋeɗu nomuprista weɗu; ɀirinani kwauri ndeɀipi, kuti uʋe muprista paimba yomunhu mumŋe cete, kana kuʋa muprista worudzi rwose neimba yose yaʋaIsraeri here?

²⁰Ɀino mŋoyo womuprista ukafara, akatora efodi, neterafimi, nomufananidzo wakaʋezwa, akapinda napakati paʋanhu.

²¹Ʋakatsauka, ndokuenda, ʋakatuŋgamidza ʋana ʋaɗuku, neɀipfuwo nenhumbi.

²²Ɀino ʋakati ʋafamba runhambo kubva paimba yaMika, ʋarume ʋakaŋga ʋagere padzimba dzaiʋa pedyo neimba yaMika ʋakaʋuŋganidzwa, ʋakateʋera ʋaDani, ʋakaʋaɓata.

²³Ʋakaɗanidzira kuʋana ʋaDani. Iʋo ʋakaceuka, ʋakati kunaMika: Unotȿakeiko, ɀawaʋuya neɓoka rakaɗai?

²⁴Iye akati: Manditorera ʋamŋari ʋaŋgu ʋandakaŋga ndaita, nomuprista waŋgu, mukaenda naʋo, ɀino ini ndasarirwa neiko? Muŋgataura sei kwandiri, muciti: Unotȿakeiko?

²⁵Ʋana ʋaDani ʋakati kwaari: Inzwi rako ŋgarirege kunzwika pakati peɗu, kuti ʋarume ʋaneshuŋgu ʋarege kukuwira, ukarashikirwa noʋupenyu bgako pamŋe cete noʋupenyu bgaʋamŋe ʋeimba yako.

²⁶Ipapo ʋana ʋaDani ʋakaenda haʋo; ɀino Mika wakati aciʋona kuti simba raʋo rinokunda rake, akadzokera kumba kwake.

²⁷Iʋo ʋakatora ɀakaŋga ɀakaitwa naMika, nomuprista waakaŋga anaye, ʋakaȿika Raishi, kuʋanhu ʋakaŋga ʋakagarika, ʋagere pasinenjodzi, ʋakaʋaʋuraya neminondo inopinza, ʋakapisa guta raʋo nomŋoto.

²⁸Ʋakashaiwa unoʋarwira, nokuti ʋakaŋga ʋari kure neZidoni; ʋakaŋga ʋasiŋgafambidzani naʋamŋe ʋanhu; guta rakaŋga riri mumupata uri paBeti‐rehobi. Ʋakaʋaka guta, ʋakagara’mo.

²⁹Ʋakatumidza guta zita rinonzi Dani, nezita raɓaɓa ʋaʋo Dani, wakaŋga akaɓerekerwa Israeri; asi zita reguta raiʋa Raishi pakutaŋga.

³⁰Ʋana ʋaDani ʋakaɀimisira mufananidzo uyo wakaʋezwa; Jonatani, mŋanakomana waGershomi, mŋanakomana waMosesi, iye naʋana ʋake ʋakaʋa ʋaprista ʋorudzi rwaʋaDani, kuȿikira pazuʋa rokutapxa kwaʋanhu ʋenyika iyo.

³¹Ʋakaɀimisira mufananidzo wakaʋezwa waMika, waakaŋga aita, ukaʋa’po ŋguʋa yose yokugara kweimba yaMŋari paShiro.