Read Original Shona Union Bible 1949 Baiberi Magwaro Matȿene aMŋari Ʋatoŋgi 19 Bible Online

Ʋatoŋgi 19 - Original Shona Union Bible 1949 Baiberi Magwaro Matȿene aMŋari bible

Ʋatoŋgi 19

¹Ɀino namazuʋa iwayo kusisinamambo pakati paIsraeri, mumŋe muRevi waigara mberi kwenyika yamakomo yaEfraimi, akaɀitorera mukadzi muroŋgo pa‐Beti‐rehemi‐juda.

²Ɀino muroŋgo wake akafeʋa, akabva kwaari, akaenda kumba kwaɓaɓa ʋake paBeti‐rehemi‐juda, akagara’ko mŋedzi minna.

³Ɀino murume wake akasimuka, akamuteʋera, anomuranda wake nemboŋgoro mbiri, akataura ɀakanaka naye, kuti amudzosere ɀe kwaari, iye mukadzi akamuisa kumba kwaɓaɓa ʋake; ɀino ɓaɓa ʋomusikana ʋakati ʋacimuʋona, ʋakafara kusoŋgana naye.

⁴Mukarabga wake, iʋo ɓaɓa ʋomusikana, ʋakamudziʋisa kuenda, akagara naye mazuʋa matatu, ʋakadya, ʋakanwa, ʋakaʋata’po.

⁵Ɀino nomusi wecinna ʋakamuka maŋgwanani, iye akasimuka aciɗa kuenda; ɓaɓa ʋomusikana ʋakati kumukuwasha waʋo: Simbisa mŋoyo wako necimeɗu ceciŋgwa, mugoenda henyu.

⁶Ipapo ʋakagara pasi, ʋakadya, ʋakanwa ʋose; ɓaɓa ʋomusikana ʋakati kumurume: Tenda hako ugare ʋusiku bgose, mŋoyo wako ufare.

⁷Asi murume wakasimuka, aciɗa kubva; mukarabga wake akamugombedzera, akaʋata’po ɀe.

⁸Nomusi weshanu akamuka maŋgwanani, aciɗa kubva; ɓaɓa ʋomusikana ʋakati: Simbisa mŋoyo wako, ugare kuȿikira zuʋa roʋira; ʋakadya ʋose ʋari ʋaʋiri.

⁹Ɀino murume wakati acisimuka, aciɗa kubva, iye nomuroŋgo wake, nomuranda wake, mukarabga wake, iʋo ɓaɓa ʋomusikana, akati kwaari: Tarira, zuʋa roʋira, aʋa maɗekwana, cigara hako ʋusiku bgose; tarira, zuʋa roɗa kupera, ʋata hako pano, mŋoyo wako ufare, mugofumira maŋgwana parwendo rwenyu kumusha kwenyu.

¹⁰Asi murume wakaramba kuʋata’po ʋusiku ubgo, asi wakasimuka, akabva, ndokuȿika pakatarisana neJebusi (ndiro Jerusarema); wakaŋga anemboŋgoro mbiri dzakaŋga dzakaiswa ɀigaro; nomuroŋgo wake wakaŋga anaye.

¹¹Ɀino ʋakati ʋaȿika pedyo neJebusi, zuʋa rikaŋga roʋira; muranda akati kunatenzi wake: Ŋgatitsaukire heɗu kuguta iri raʋaJebusi, tiʋate’mo.

¹²Tenzi wake akati kwaari: Hatiŋgatsaukiri kuguta raʋatorwa, kusinaʋana ʋaIsraeri; asi ticapfuʋura heɗu kuȿikira paGibea.

¹³Akati kumuranda wake: Hendei, tisweɗere kuneimŋe yenɀimbo idzi, tiʋate paGibea kana paRama.

¹⁴Ipapo ʋakapfuʋura parwendo rwaʋo, ʋakaʋirirwa pedyo neGibea, raiʋa guta raʋaBenjamini.

¹⁵Ʋakatsaukira’ko, ʋaciɗa kuʋata paGibea; akapinda, akagara pasi munzira yomuguta; nokuti kwakaŋga kusinomunhu wakaʋaɗana kuzoʋata mumba make.

¹⁶Ɀino mumŋe mutana akaȿika, acibva kuɓasa rake kumunda maɗekwana; ɀino murume uyo wakaŋga ari wenyika yamakomo yaEfraimi, asi wakagara hake paGibea; asi ʋarume ʋenɀimbo iyo ʋakaŋga ʋari ʋaBenjamini.

¹⁷Iye akatarira, akaʋona murume uyu mufambi ari munzira yomuguta; mutana akati: Ko unoendepi? ʋuye, Unobvepiko?

¹⁸Iye akati kwaari: Tinobva Beti‐rehemi‐juda, tinopfuʋurira kurutiʋi rwemberi rwenyika yamakomo yaEfraimi; ndiko kwandakabva, ndikaenda Beti‐rehemi‐juda, ɀino ndinoenda kumba kwaJehova, asi hakunomunhu wakandiɗana kugara mumba make.

¹⁹Kunyaŋge ɀakaɗaro tinabgo ʋuswa neɀokudya ɀemboŋgoro dzeɗu, neciŋgwa newaini ɀinondiriŋgana ini nomurandakadzi wenyu nejaya rinaʋaranda ʋenyu; hakunecinhu cinoshaikwa.

²⁰Ɀino mutana akati: Faro hako, ɀose ɀaunoshaiwa, ini ndicakupa; asi usaʋata munzira yomuguta.

²¹Ipapo akaʋaisa mumba make, akapa mboŋgoro ɀokudya; ʋakashambidza tsoka dzaʋo, ʋakadya nokunwa.

²²Ɀino ʋakati ʋofara pamŋoyo yaʋo, tarirai ʋarume ʋeguta, ʋamŋe ʋanhu ʋakaiȿo‐ipa, ʋakakomba imba kunhiʋi dzose, ʋakagogodza pamukoʋa; ʋakataura nomŋene weimba, iye mutana, ʋakati: Ƃuɗisa murume wakaȿika paimba yako, timuziʋe.

²³Ɀino murume uyo, mŋene weimba, akaɓuɗa kwaʋari, akati kwaʋari: Kwete, hama dzaŋgu, regai kuita ɀakaipa ɀakaɗai; musaita samapenzi, nokuti murume uyu wakapinda mumba maŋgu.

²⁴Tarirai, hoyu mukunda waŋgu mhandara, nomuroŋgo wake; ndicaʋaɓuɗisa ɀino, muʋaɀidze, muʋaitire seɀamunoɗa; asi regai kuitira murume uyu cakaipa cakaɗai.

²⁵Asi ʋarume ʋakaramba kumuterera; ipapo murume akaɓata muroŋgo wake, akamuɓuɗisira kwaʋari; ʋakamuziʋa, ʋakamucinya ʋusiku bgose kuȿikira maŋgwana; ʋakamurega kwoedza.

²⁶Ɀino mukadzi akaʋuya kwoedza, akawira pasi pamukoʋa weimba yomunhu, makaŋga munashe wake, akaʋa’po kuȿikira kwaedza kwaɀo.

²⁷Ɀino ishe wake wakamuka maŋgwanani, akazarura mikoʋa yeimba, akaɓuɗa, aciɗa kupfuʋura parwendo rwake; akawana mukadzi, iye muroŋgo wake, akawira pasi pamukoʋa weimba, maʋoko ake ari pacikumbaridzo.

²⁸Akati kwaari: Simuka, tiende; asi hakuna‐wakapindura; ipapo akamuisa pamboŋgoro yake, murume akasimuka, akaenda kumba kwake.

²⁹Wakati aȿika kumba kwake, akatora ɓaŋga, akaɓata muroŋgo wake, akaɗimuranya mitezo yake, akaita nhindi dzinegumi nembiri, akadzituma munyika yose yaʋaIsraeri.

³⁰Ɀino ʋose ʋakati ʋaciɀiʋona, ʋakati: Ciŋguʋa ʋana ʋaIsraeri ʋakakwira ʋacibva panyika yeEgipita, kuȿikira zuʋa ranhasi, hakunecinhu cakaɗai cakaitwa kana cakaʋonekwa; raŋgarirai iɀoɀo, muraŋgane, mutaure.