Read Original Shona Union Bible 1949 Baiberi Magwaro Matȿene aMŋari Ʋatoŋgi 4 Bible Online

Ʋatoŋgi 4 - Original Shona Union Bible 1949 Baiberi Magwaro Matȿene aMŋari bible

Ʋatoŋgi 4

¹Ɀino shure kwokufa kwaEhudi ʋana ʋaIsraeri ʋakaita ɀe ɀakaipa pamberi paJehova.

²Jehova akaʋateŋgesa muruʋoko rwaJabini, mambo weKanani, wakaŋga aciɓata ʋushe paHazori; mukuru wehondo yake wakaŋga ari Sisera, wakaŋga agere paHarosheti raʋahedeni.

³Ɀino ʋana ʋaIsraeri ʋakacema kunaJehova, nokuti wakaŋga aneŋgoro dzamatare dzinamazana mapfumbamŋe, akamanikidza ʋana ʋaIsraeri kwaɀo makore anamakumi maʋiri.

⁴Neŋguʋa iyo Debora, muprofitakadzi, mukadzi waRapidoti, wakaŋga acitoŋga ʋaIsraeri.

⁵Iye waigara pasi pomucindwe waDebora, pakati peRama neBeti‐eri, panyika yamakomo yaEfraimi; ʋana ʋaIsraeri ʋaisienda kwaari kuzotoŋgerwa mhaka dzaʋo.

⁶Iye akatuma nhume kundoɗana Baraki, mŋanakomana waAbinoami, paKedeshi‐naftari, akati kwaari: Jehova Mŋari waʋaIsraeri haana‐kukuraira here, aciti: Enda usweɗere kugomo reTabori, uende naʋarume ʋaneɀuru ɀinegumi ʋaʋana ʋaNaftari naʋana ʋaZeburuni?

⁷Neni ndicatumira kwauri kurukoʋa Kishoni, Sisera mukuru wehondo yaJabini, neŋgoro dzake naʋanhu ʋake ʋazhinji, ndiʋaise muruʋoko rwako.

⁸Baraki akati kwaari: Kana imi mukaenda neni, ini ndicaenda, asi kana imi musiŋgaendi neni, ini handiŋgaendi.

⁹Iye akati: Ɀirokwaɀo ndicaenda newe, asi iwe hauŋgakudzwi parwendo urwu rwaunofamba, nokuti Jehova ucateŋgesa Sisera muruʋoko rwomukadzi. Debora akasimuka, akaenda Kedeshi naBaraki.

¹⁰Baraki akakoka Zeburuni naNaftari paKedeshi, akakwira anaʋarume ʋaneɀuru ɀinegumi ʋakaŋga ʋacimuteʋera; naDebora wakaenda ʋo naye.

¹¹Ɀino Heberi muKeni, wakaŋga aparadzana naʋaKeni, iʋo ʋana ʋaHobabi, mukarabga waMosesi, akadzika tente rake kuȿikira pamuouki paZaananimi, paKedeshi.

¹²Ɀino ʋakaʋudza Sisera kuti Baraki, mŋanakomana waAbinoami, wakwira mugomo reTabori.

¹³Sisera akaʋuŋganidza ŋgoro dzake dzose, idzo ŋgoro dzamatare, dzinamazana mapfumbamŋe, naʋanhu ʋose ʋaakaŋga anaʋo, kubva paHarosheti raʋahedeni kuȿikira parukoʋa Kishoni.

¹⁴Ɀino Debora akati kunaBaraki: Simuka, nokuti iri ndiro zuʋa raJehova, raacaisa naro Sisera muruʋoko rwako; Jehova haana‐kukutuŋgamirira here? Ipapo Baraki akaɓuruka pagomo reTabori, ʋarume ʋaneɀuru ɀinegumi ʋacimuteʋera.

¹⁵Ɀino Jehova akavundusa Sisera neŋgoro dzake dzose, nehondo yake yose, neminondo inopinza pamberi paBaraki; Sisera akaɓuruka paŋgoro yake, akatiza namakumbo.

¹⁶Asi Baraki wakateʋera ŋgoro nehondo kuȿikira paHarosheti raʋahedeni, hondo yose yaSisera ikaʋurawa neminondo inopinza, hakuna‐kusara kunyaŋge nomumŋe cete.

¹⁷Asi Sisera wakatiza namakumbo kutente raJaeri, mukadzi waHeberi, muKeni, nokuti kwakaŋga kunorugare pakati paJabini, mambo weHazori, neimba yaHeberi muKeni.

¹⁸Jaeri akaɓuɗa kundosoŋgana naSisera, akati kwaari: Tsaukai, ishe waŋgu, tsaukirai henyu kwandiri, regai kutya. Ipapo akatsaukira kwaari mutente, akamufukidza nejira.

¹⁹Iye akati kwaari: Ndipe ʋo ɀimvura, ndinwe, nokuti ndinenyota. Akadziʋura ɗende romukaka, akamupa, akanwa, akamufukidza.

²⁰Akati kwaari: Mira pamukoʋa wetente, ɀino kana aninani akaʋuya akakubvunza, aciti: Pano panomunhu here? Uti: Kwete.

²¹Ipapo Jaeri, mukadzi waHeberi, akatora mbambo yetente, akatora ʋo nyundo paruʋoko rwake, akanatsosweɗera kwaari, akaroʋera mbambo napacaʋoʋo cake, ikaɓuɗa neseri, ikaɓayira pasi, nokuti wakaŋga aɓatwa kwaɀo nehope, aneta; akafa.

²²Ɀino tarira, Baraki wakati aciteʋera Sisera, Jaeri akaɓuɗa akandosoŋgana naye, akati kwaari: Ʋuyai, ndikuratidzei munhu wamunotȿaka. Iye akapinda kwaari, akaʋona Sisera akatandaʋara pasi, afa, mbambo iciri pacaʋoʋo cake.

²³Naiɀoɀo nomusi iwoyo Jehova wakakunda Jabini, mambo weKanani, pamberi paʋana ʋaIsraeri.

²⁴Ʋana ʋaIsraeri ʋakaramba ʋaciŋgokunda Jabini, mambo weKanani, kuȿikira ʋaparadza Jabini, mambo weKanani.