Read Original Shona Union Bible 1949 Baiberi Magwaro Matȿene aMŋari Ʋatoŋgi 5 Bible Online

Ʋatoŋgi 5 - Original Shona Union Bible 1949 Baiberi Magwaro Matȿene aMŋari bible

Ʋatoŋgi 5

¹Ɀino Debora naBaraki, mŋanakomana waAbinoami, ʋakaimba nomusi iwoyo, ʋakati:

²Kudzai Jehova, Nokuti ʋatuŋgamiriri ʋakatuŋgamirira ʋaIsraeri, Nokuti ʋanhu ʋakaʋuya nokuɗa kwaʋo.

³Inzwai, imi madzimambo, tererai, imi macinda; Ini, iyeni, ndicaimbira Jehova; Ndicarumbidza Jehova, Mŋari waIsraeri nenziyo.

⁴Jehova, pakuɓuɗa kwenyu paSeiri, Pakufamba kwenyu mucibva kusaŋgo reEdomi, Nyika yakaɗeɗera, ʋuye ɗeŋga rakaɗonha, Ɀirokwaɀo makore akaɗonha mvura.

⁵Makomo akayerera pamberi paJehova, Nairo Sinai pamberi paJehova Mŋari waIsraeri.

⁶Pamazuʋa aShamgari, mŋanakomana waAnati, Pamazuʋa aJaeri, nzira huru dzakaŋga dzisiŋgafambgi, Ʋafambi ʋaifamba nenzira dzinopota‐pota.

⁷Misha yakaŋga isinaʋanhu munaIsraeri, yakaŋga isinaʋanhu, Kuȿikira ini Debora ndicisimuka, Ndicisimuka ini, mai pakati paIsraeri.

⁸Ʋakaɀitsaurira ʋamŋari ʋatȿa; Kurwa kukaʋa’po pamasuʋo. Kwakaŋga kuciʋonekwa here nhoʋo kana pfumo Pakati paʋaIsraeri ʋaneɀuru ɀinamakumi manna here?

⁹Mŋoyo waŋgu unorumbidza ʋaɓati ʋaIsraeri, Aʋo ʋakaʋuya nokuɗa kwaʋo pakati paʋanhu; Kudzai Jehova!

¹⁰Paridzai iɀoɀo, imi makataȿa mboŋgoro cena, Imi, mugere pamhasa dzinokosha, Nemi, munofamba nenzira.

¹¹Kure namanzwi aʋanofura noʋuta, paʋanoteka mvura, Ndipo paʋacarumbidza maɓasa akarurama aJehova, Maɓasa akarurama oʋushe bgake munaIsraeri. Ipapo ʋanhu ʋaJehova ʋakaɓurukira kumasuʋo.

¹²Muka, muka, Debora; Muka, muka, uimbe rwiyo! Simuka Baraki, utape ʋatapxa ʋako, iwe mŋanakomana waAbinoami.

¹³Ipapo ʋakaŋga ʋakasara ʋaʋakuru naʋanhu ʋakaɓuruka, Jehova wakaɓuruka nokuɗa kwaŋgu kuzorwa naʋanesimba.

¹⁴KunaEfraimi ndokwakabva ʋanomudzi waʋo paAmareki, Ʋacikuteʋera iwe Benjamini pakati paʋanhu ʋako. PaMakiri ndipo pakaɓurukira ʋarairi, NokunaZeburuni aʋo ʋakaɓata tȿimbo yokukunda.

¹⁵Macinda aIsakari akaŋga anaDebora; SaIsakari, ndiɀo ɀakaŋga ɀakaita ʋo Baraki; Ʋakamhanyira kumupata ʋaciteʋera tsoka dzake. Pahoʋa dzaRubeni Pakaŋga panemiraŋgariro mikuru yomŋoyo.

¹⁶Wakagarireiko pasi pakati pamataŋga eɀipfuwo, Uciterera kurira kwenyere dzinoridzirwa makwai? Pahoʋa dzaRubeni Pakaŋga panokunɀera kukuru kwomŋoyo.

¹⁷Gireadi wakagara mhiri kwaJoridani; Newe Dani, wakagarireiko paɀikepe? Asheri wakagara ɀake pamhenderekedzo dzeguŋgwa, Wakarambira apo panopinda mvura panyika.

¹⁸Zeburuni ndiʋanhu ʋakaŋga ʋasiŋgatyi kuȿikira parufu, NaNaftari panɀimbo dzenyika dzakakwirira.

¹⁹Madzimambo akaʋuya akarwa, Ipapo madzimambo eKanani akarwa ʋo PaTaanaki, pamvura zhinji yeMegido; Haʋana‐kuwana fuma yemari.

²⁰Nyeredzi dzakarwa dziri kuɗeŋga, Dzakarwa naSisera dziri panzira dzadzo.

²¹Rwizi Kishoni rwakaʋakukura, Irwo rwizi rwekare, rwizi Kishoni. Mŋeya waŋgu, pfuʋura nesimba.

²²Ŋguʋa iyo makumbo amabiza akaroʋera pasi Nokumhanya, kuri kumhanya kwaʋakasimba.

²³Tuka Merozi, ndiɀo ɀinotaura mutumŋa waJehova, Tuka ɀakaipa aʋo ʋagere’mo; Nokuti haʋana‐kuʋuya kuzoɓatsira Jehova, Kuzoɓatsira Jehova pakurwa kwake naʋanesimba.

²⁴Pakati paʋakadzi Jaeri ŋgaarumbidzwe, Iye mukadzi waHeberi muKeni, Ŋgaarumbidzwe pakati paʋakadzi patente.

²⁵Wakakumbira mvura, iye akamupa mukaka; Wakamuʋigira mukaka wakafa pandiro yamambo.

²⁶Wakaɓata mbambo noruʋoko rwake, Nenyundo yomuɓati norudyi rwake, Akaroʋa Sisera nenyundo, akabvoʋora musoro wake; Wakaroʋa, akabvoʋora ɀaʋoʋo ɀake.

²⁷Wakakotama patsoka dzake, akawa, ndokutandaʋara; Wakakotama patsoka dzake, akawa; Ipapo paakakotama, ndipo paakawira pasi, afa.

²⁸Wakatarira pawindi, akaɗana, Mai ʋaSisera ʋakaɗana paʋutanda bgaro; Ŋgoro yake inononokireiko kuȿika? Makumbo eŋgoro dzake anononokireiko?

²⁹Ʋakadzi ʋake, ʋakakudzwa, ʋakacenjera, ʋakamupindura, Naiye amene wakaɀipindura, aciti:

³⁰Haʋana‐kuwana here ɀaʋakapamba, haʋana‐kuɀigoʋana here? Ɀimŋe murume mumŋe nomumŋe unopiwa musikana mumŋe, kana ʋasikana ʋaʋiri; Ɀimŋe Sisera ucapiwa ŋguʋo dzakapambga dzamaʋara‐ʋara, Ŋguʋo dzakapambga dzemiceka yakarukwa yamaʋara‐ʋara, Ŋguʋo dzamaʋara‐ʋara dzakarukwa kunhiʋi dzose, dzakafanira mitsipa yaʋakapamba?

³¹Saiɀoɀo ʋaʋeŋgi ʋenyu ʋose ŋgaʋaparadzwe, Jehova; Asi iʋo ʋanokuɗai ŋgaʋaʋe sezuʋa, kana riciɓuɗa nesimba raro! Nyika ikazorora makore anamakumi manna.