Read Original Shona Union Bible 1949 Baiberi Magwaro Matȿene aMŋari Ʋatoŋgi 8 Bible Online

Ʋatoŋgi 8 - Original Shona Union Bible 1949 Baiberi Magwaro Matȿene aMŋari bible

Ʋatoŋgi 8

¹Ɀino ʋarume ʋaEfraimi ʋakati kwaari: Watiitireiko, ɀausina‐kutiɗana ŋguʋa yawakandorwa naMidiani? Ʋakamupopotera kwaɀo.

²Akati kwaʋari: Ini ɀino ndaiteiko haŋgu, kana ndiciɀifananidza nemi? Handiti ɀakaʋuŋganidzwa naEfraimi ɀinopfuʋura kukohwa kwose kwaAbiezeri here?

³Mŋari wakaisa macinda maʋiri aMidiani, Orebi naZeebi, mumaʋoko enyu; ɀino ini ndaigona kuitei ʋo, kana ndiciɀifananidza nemi? Ipapo kutsamŋa kwaʋo kwakanyarara kwaari, aʋaʋudza iɀoɀo.

⁴Gideoni akaȿika paJoridani, akayambuka, iye naʋarume ʋanamazana matatu ʋaakaŋga anaʋo; ʋakaŋga ʋaneta, kunyaŋge ɀakaɗaro ʋakaŋga ʋaciteʋerera haʋo.

⁵Akati kuʋarume ʋeSukoti: Ipai henyu ʋanhu aʋa ʋanonditeʋera mapundu eɀiŋgwa, nokuti ʋaneta; ndinoteʋerera Zeba naZarmuna, madzimambo aMidiani.

⁶Macinda eSukoti akati: Ko Zeba naZarmuna ʋatokundwa newe here, ɀowoti, tipe hondo yako ciŋgwa?

⁷Gideoni akati: Saka, kana Jehova akaisa Zeba naZarmuna muruʋoko rwaŋgu, ndicapura nyama yenyu neminzwa yomurenje norukato.

⁸Akabva’po, akakwira Penueri, akandotaura naʋo saiɀoɀo. Ʋarume ʋePenueri ʋakamupindura seɀakapindura ʋarume ʋeSukoti.

⁹Akataura ʋo naʋarume ʋePenueri, akati: Kana ndikadzoka norugare, ndicaputsa ruȿiŋgo urwu.

¹⁰Ɀino Zeba naZarmuna ʋakaŋga ʋari Karkori, ʋanehondo dzaʋo ʋarume ʋaneɀuru ɀinegumi neɀishanu; ndiʋo ʋose ʋakaŋga ʋakasara pahondo yose yaʋana ʋamabvazuʋa; nokuti ʋarume ʋaneɀuru ɀinamakumi matatu, ʋaigona kurwa nomunondo, ʋakaŋga ʋaʋurawa.

¹¹Gideoni akakwira nenzira yaʋaigara pamatente, nokumabvazuʋa kweNoba neJogobeha, akakunda hondo; nokuti hondo yakaŋga yakafara.

¹²Ipapo Zeba naZarmuna ʋakatiza, iye akaʋateʋerera; akaɓata madzimambo maʋiri aMidiani, Zeba naZarmuna, akavundusa hondo yose.

¹³Gideoni, mŋanakomana waJoashi, akadzoka pakurwa pamukwidzwa weHeresi.

¹⁴Akaɓata jaya raʋarume ʋeSukoti, akamubvunzisisa; iye akamunyorera mazita amacinda eSukoti, naʋakuru ʋaro, ʋarume ʋanamakumi manomŋe naʋanomŋe.

¹⁵Akaȿika kuʋarume ʋeSukoti, akati: Tarirai, Zeba naZarmuna, ʋamakandiseka pamsoro paʋo, muciti: Ko Zeba naZarmuna ʋatokundwa newe here, ɀowoti, tipe ʋarume ʋako ʋaneta ciŋgwa?

¹⁶Ipapo akatora ʋakuru ʋeguta, neminzwa yomurenje norukato, akapura ʋarume ʋeSukoti naɀo.

¹⁷Akaputsa ruȿiŋgo rwePenueri, akaʋuraya ʋarume ʋeguta.

¹⁸Ipapo akati kunaZeba naZarmuna: Ʋarume ʋamakaʋuraya paTabori ʋakaŋga ʋakaɗiniko? Ʋakapindura, ʋakati: Seɀamakaita imi, ndiɀo ɀaʋakaŋga ʋakaita iʋo; mumŋe nomumŋe wakaŋga akafanana nomŋana wamambo.

¹⁹Akati: Ʋakaŋga ʋari ʋanuŋuna ʋaŋgu, ʋanakomana ʋamai ʋaŋgu; naJehova mupenyu, ɗai makaʋarega ʋari ʋapenyu, ndiŋgaɗai ndisinakukuʋurayai imi.

²⁰Ɀino akati kunaJeteri, ɗaŋgwe rake: Simuka, uʋaʋuraye. Asi jaya harina‐kuvomora munondo waro, nokuti rakatya, ɀarakaŋga riciri mukomana.

²¹Ipapo Zeba naZarmuna ʋakati: Simukai imi, mutiʋuraye, nokuti seɀakaita murume, ndiɀo ɀakaita simba rake. Ipapo Gideoni akasimuka, akaʋuraya Zeba naZarmuna, akatora ɀishoŋgo ɀakaŋga ɀakafanana nomŋedzi, ɀakaŋga ɀiri pamitsipa yamakamera aʋo.

²²Ɀino ʋarume ʋaIsraeri ʋakati kunaGideoni: Mutiɓate ʋushe imi nomŋanakomana wenyu, nomŋanakomana womŋanakomana wenyu ʋo, nokuti makatiponesa pamaʋoko aʋaMidiani.

²³Gideoni akati kwaʋari: Ini handiŋgakuɓatiyi ʋushe, kunyaŋge mŋanakomana waŋgu haaŋgakuɓatiyi ʋushe; Jehova ndiye ucakuɓatai.

²⁴Gideoni akati kwaʋari: Ndinoɗa kukumbira cinhu cimŋe kwamuri: Mumŋe nomumŋe wenyu ŋgaandipe ɀindori ɀemhino ɀiri pakati peɀakapambga ɀake. (Nokuti ʋakaŋga ʋaneɀindori ɀemhino ɀendarama, nokuti ʋakaŋga ʋari ʋaIshmaeri.)

²⁵Ʋakapindura, ʋakati: Ticakupai iɀo nomŋoyo wose! Ipapo ʋakawarira ŋguʋo, mumŋe nomumŋe akakandira’po ɀindori ɀemhino, ɀakaŋga ɀiri pakati peɀakapambga ɀaʋo.

²⁶Ɀindori iɀo ɀemhino ɀendarama, ɀaakakumbira kwaʋari, pakurema kwaɀo ɀikaȿika mashekeri[3] anecuru cimŋe namazana manomŋe endarama; asi haʋana‐kuʋereŋga ɀishoŋgo ɀakaŋga ɀakafanana nomŋedzi, neɀindori ɀaishoŋgwa, neŋguʋo shaʋa dzaifukwa namadzimambo aMidiani; haʋana‐kuʋereŋga ʋo ʋuketani bgakaŋga bguri pamitsipa yamakamera aʋo.

²⁷Gideoni akaita efodi naɀo, akaiisa muguta rake, ipo paOfra; ʋaIsraeri ʋose ʋakapata ʋaciiteʋera ipapo; ukaʋa musuŋgo kunaGideoni nokunaʋeimba yake.

²⁸Saiɀoɀo ʋaMidiani ʋakakundwa pamberi paʋana ʋaIsraeri, haʋana‐kuzosimudza ɀe misoro yaʋo. Nyika ikazorora makore anamakumi manna pamazuʋa aGideoni.

²⁹Ɀino Jerubaari, mŋanakomana waJoashi, akandogara mumba make.

³⁰Gideoni wakaŋga anaʋanakomana ʋanamakumi manomŋe ʋakaŋga ʋaɓerekwa naye, nokuti wakaŋga anaʋakadzi ʋazhinji;

³¹ʋuye nomuroŋgo wake, wakaŋga ari paShekemi, wakamuɓerekera mŋanakomana, akamutumidza zita rinonzi Abimereki.

³²Gideoni, mŋanakomana waJoashi, akafa akwegura, akaʋigwa mubgiro bgaJoashi ɓaɓa ʋake paOfra raʋaAbiezeri.

³³Ɀino Gideoni wakati acaŋgofa, ʋana ʋaIsraeri ʋakadzokera shure, ʋakapata ʋaciteʋera ʋaBaari, ʋakaita Baari‐beriti mŋari waʋo.

³⁴Ʋana ʋaIsraeri ʋakasaraŋgarira Jehova Mŋari waʋo, iye wakaŋga aʋarwira mumaʋoko aʋaʋeŋgi ʋaʋo ʋose kunhiʋi dzose;

³⁵ʋuye haʋana‐kuitira ʋeimba yaJerubaari, iye Gideoni, ɀakanaka pamsoro peɀose ɀakanaka ɀaakaŋga aitira ʋaIsraeri.