Read Original Shona Union Bible 1949 Baiberi Magwaro Matȿene aMŋari Ʋatoŋgi 9 Bible Online

Ʋatoŋgi 9 - Original Shona Union Bible 1949 Baiberi Magwaro Matȿene aMŋari bible

Ʋatoŋgi 9

¹Ɀino Abimereki, mŋanakomana waJerubaari, wakaenda Shekemi, kunamadzisekuru ake, akataurirana naʋo ʋuye norudzi rwose rweimba yaɓaɓa ʋamai ʋake, akati:

²Taurai henyu, ʋarume ʋose ʋeShekemi ʋanzwe, muti: Cinhu cakanaka ndecipiko, kuti muɓatwe ʋushe naʋanakomana ʋose ʋaJerubaari ʋanoȿika ʋanhu ʋanamakumi manomŋe, kana muɓatwe nomunhu mumŋe here? Raŋgarirai ʋo kuti ini ndiri fupa renyu nenyama yenyu.

³Ɀino madzisekuru ake akataura mashoko awa ose pamsoro pake, ʋarume ʋeShekemi ʋaciɀinzwa; mŋoyo yaʋo ikaɗa kuteʋera Abimereki, nokuti ʋakati: Ihama yeɗu.

⁴Ʋakamupa mari yesirveri yakaȿika mashekeri anamakum manomŋe, yaʋakatora paimba yaBaaribereti, Abimereki akaripira ʋarume ʋakaipa, ʋasinehanya, iʋo ʋakamuteʋera.

⁵Akaenda kumba kwaɓaɓa ʋake paOfra, akaʋuraya pabge rimŋe ʋana ʋaɓaɓa ʋake, iʋo ʋanakomana ʋaJerubaari, ʋaiʋa ʋarume ʋanamakumi manomŋe; asi Jotami, mŋanakomana worugotwe waJerubaari wakapukunyuka, nokuti wakaŋga aʋanda.

⁶Ɀino ʋarume ʋose ʋeShekemi ʋakaʋuŋgana pamŋe cete naʋose ʋeimba yaMiro, ʋakandoita Abimereki mambo pamuouki weshoŋgwe yakamiswa paShekemi.

⁷Ʋakati ʋaʋudza Jotami iɀoɀo, iye akaenda, akandomira pamsoro pegomo reGerizimi, akaɗana nenzwi guru, akati kwaʋari: Mundinzwei, imi ʋarume ʋeShekemi, kuti Mŋari akunzwei ʋo imi.

⁸Imŋe ŋguʋa miti yakandoɀizodzera mambo wayo; ikati kumuorivi: Iʋa mambo weɗu iwe.

⁹Asi muorivi wakati kwairi: Ko ini ndiŋgarega mafuta aŋgu, anorumbidzwa naMŋari naʋanhu mandiri ndipepere uko nokoko pamsoro pemiti here?

¹⁰Ɀino miti ikati kumuʋonde: Ʋuya iwe, uʋe mambo weɗu.

¹¹Asi muʋonde wakati kwairi: Ko ini ndiŋgarega kutapira kwaŋgu nemicero yaŋgu yakanaka, ndipepere uko nokoko pamsoro pemiti here?

¹²Ɀino miti ikati kumuzambiriŋga: Ʋuya iwe, uʋe mambo weɗu.

¹³Muzambiriŋga ukati kwairi: Ko ini ndiŋgarega waini yaŋgu, inofadza Mŋari naʋanhu, ndipepere uko nokoko pamsoro pemiti here?

¹⁴Ipapo miti yose yakati kurukato: Ʋuya iwe, uʋe mambo weɗu.

¹⁵Rukato rukati kumiti: Kana mukandizodza kuti ndiʋe mambo wenyu ɀirokwaɀo, ciʋuyai muʋande pamumvuri waŋgu; kana musiŋgaɗi, mŋoto ŋgauɓuɗe parukato, uparadze misidari yeRebanoni.

¹⁶Saka ɀino kana makaita ɀakanaka neɀakarurama, ɀamakaita Abimereki mambo wenyu, ʋuye kana makaitira Jerubaari neimba yake ɀakanaka, nokumuitira seɀaakafanirwa pamsoro peɀaakakuitirai,

¹⁷(nokuti ɓaɓa ʋaŋgu ʋakakurwirai, ʋasiŋgaraŋgariri ʋupenyu bgaʋo, ʋakakurwirai mumaʋoko aMidiani;

¹⁸imi mukamukira nhasi imba yaɓaɓa ʋaŋgu, mukaʋuraya pabge rimŋe ʋanakomana ʋake, ʋanhu ʋanamakumi manomŋe, mukaita Abimereki, mŋanakomana womurandakadzi wake, mambo waʋarume ʋeShekemi, ɀairi hama yenyu;)

¹⁹kana makaitira Jerubaari neimba yake ɀakanaka neɀakarurama nhasi, cifarirai henyu Abimereki, naiye akufarirei ʋo;

²⁰asi kana ɀisina‐kunaka, mŋoto ŋgauɓuɗe kunaAbimereki, uparadze ʋarume ʋeShekemi, naʋeimba yaMiro; ʋuye mŋoto ŋgauɓuɗe kuʋarume ʋeShekemi, naʋeimba yaMiro, uparadze Abimereki.

²¹Ipapo Jotami akamhanya, akatiza, akandogara paBeeri, nokuti wakatya Abimereki mukuru wake.

²²Abimereki akaɓata ʋushe paʋaIsraeri makore matatu.

²³Mŋari akazotuma mŋeya wakaipa pakati paAbimereki naʋarume ʋeShekemi; ʋarume ʋeShekemi ʋakanyeŋgera Abimereki;

²⁴kuti ɀakashata ɀakaitirwa ʋanakomana ʋaJerubaari ʋanamakumi manomŋe ɀitsibge, neropa raʋo ritsibge kunaAbimereki, munuŋuna waʋo wakaʋaʋuraya, nokuʋarume ʋeShekemi ʋakaŋga ʋasimbisa maʋoko ake kuti aʋuraye ʋana ʋaɓaɓa ʋake.

²⁵Ʋarume ʋeShekemi ʋakaisa ʋanhu ʋakamuʋandira pamsoro pamakomo, ʋakapamba ʋose ʋakaŋga ʋacipfuʋura kwaʋari nenzira iyo; Abimereki akaʋudzwa iɀoɀo.

²⁶Ɀino Gaari mŋanakomana waEbedi, wakaʋuya nehama dzake, ʋakaenda Shekemi; ʋarume ʋeShekemi ʋakaʋimba naye.

²⁷Ʋakaɓuɗira kuminda yaʋo, ʋakakohwa mazambiriŋga aʋo, ʋakatsika‐tsika mazambiriŋga, ʋakatamba mutambo, ndokupinda mumba mamŋari waʋo, ʋakadya, ʋakanwa, ʋakatuka Abimereki.

²⁸Ɀino Gaari mŋanakomana waEbedi, akati: Abimereki ndianiko, Shekemi ndianiko, kuti timushumire? Haazi mŋanakomana waJerubaari here? NaZeburi haazi munyai wake here? Imi shumirai henyu ʋarume ʋaHamori, ɓaɓa ʋaShekemi; asi isu ticamushumireiko?

²⁹Haiwa, ɗai ʋanhu aʋa ʋaiʋa muruʋoko rwaŋgu, ndaidziŋga Abimereki. Ɀino akati kunaAbimereki: Wedzera hondo yako, uɓuɗe kuzorwa.

³⁰Ɀino Zeburi muɓati weguta, wakati acinzwa mashoko aGaari mŋanakomana waEbedi, akatsamŋa kwaɀo.

³¹Akatuma nhume kunaAbimereki nokunyeŋgera, akati: Tarira, Gaari, mŋanakomana waEbedi nehama dzake ʋaȿika paShekemi; tarira ʋanokurudzira guta kurwa newe.

³²Saka ɀino cimuka ʋusiku, iwe naʋanhu ʋaunaʋo, muʋande musaŋgo.

³³Ɀino maŋgwanani, zuʋa ricaŋgoɓuɗa, unofanira kufumira kundoʋamba guta; kana iye naʋanhu ʋaanaʋo ʋaciɓuɗa kuzorwa newe, iwe uŋgaita naʋo seɀaunoɗa.

³⁴Ipapo Abimereki akamuka ʋusiku, iye naʋanhu ʋose ʋaakaŋga anaʋo, ʋakandoʋandira Shekemi ʋakaita mapoka manna.

³⁵Ɀino Gaari, mŋanakomana waEbedi, akamira paʋanopinda napo pasuʋo reguta; Abimereki akasimuka, iye naʋanhu ʋaakaŋga anaʋo paʋakaŋga ʋakaʋandira.

³⁶Ɀino Gaari wakati aciʋona ʋanhu, akati kunaZeburi: Tarira, kunaʋanhu ʋanoɓuruka ʋacibva kumsoro kumakomo. Zeburi akati kwaari: Unoʋona hako mimvuri yamakomo, yakafanana naʋanhu.

³⁷Gaari akapamhidza ɀe, akati: Tarira, kunaʋanhu ʋanoɓuruka ʋacibva kurutiʋi rwokumsoro, nerimŋe ɓoka rinoʋuya ricibva nenzira yomuouki weMeonenimi.

³⁸Ipapo Zeburi akati kwaari: Ɀino muromo wako uripi, ɀawakaŋga uciti: Abimereki ndianiko, kuti timushumire? Ko aʋa haʋazi ʋanhu aʋo ʋawakaɀidza here? Ɀino ciɓuruka hako undorwa naʋo.

³⁹Ipapo Gaari akaɓuɗa pamberi paʋarume ʋeShekemi, akandorwa naAbimereki.

⁴⁰Abimereki akadziŋgana naye, akatiza pamberi pake, ʋazhinji ʋakaʋurawa kuȿikira paʋanopinda napo pasuʋo.

⁴¹Abimereki akagara paAruma, Zeburi akadziŋga Gaari nehama dzake, kuti ʋarege kuzogara paShekemi.

⁴²Ɀino fume maŋgwana ʋanhu ʋakaɓuɗa kusaŋgo; ʋakaʋudza Abimereki.

⁴³Iye akatora ʋanhu akaʋakamura, akaita mapoka matatu, akandoʋaʋandira kusaŋgo; akatarira, akaʋona ʋanhu ʋaciɓuɗa muguta, akasimuka, akandorwa naʋo, akaʋaʋuraya.

⁴⁴Abimereki namapoka akaŋga anaye, ʋakamhanya, ʋakandomira paʋanopinda napo pasuʋo reguta; namapoka maʋiri akamhanyira kunaʋose ʋakaŋga ʋari kusaŋgo, ʋakaʋaʋuraya.

⁴⁵Abimereki akarwa neguta musi iwoyo wose, akakunda guta, akaʋuraya ʋanhu ʋakaŋga ʋari’mo; akaputsa guta, ndokurikusha munyu.

⁴⁶Ɀino ʋarume ʋose ʋoruȿiŋgo rweShekemi ʋakati ʋaɀinzwa, ʋakapinda munhare, mumba maEri‐beriti.

⁴⁷Abimereki akaʋudzwa kuti ʋarume ʋose ʋoruȿiŋgo rweShekemi ʋaʋuŋgana pamŋe cete.

⁴⁸Abimereki akakwira pagomo reZarmoni, iye naʋanhu ʋose ʋaakaŋga anaʋo; Abimereki akatora masanhu muruʋoko rwake, akatema ɗaʋi romuti, akarisimudza, akariisa pafudzi rake; akati kuʋanhu ʋaakaŋga anaʋo: Kurumidzai, muite seɀamakaʋona ndiciita ini.

⁴⁹Ipapo ʋanhu ʋose ʋakatema mumŋe nomumŋe ɗaʋi rake, ʋakateʋera Abimereki; ʋakaaisa kunhare, ʋakapisa nhare nomŋoto, iʋo ʋari’mo, naiɀoɀo ʋanhu ʋose ʋakaŋga ʋari muruȿiŋgo rweShekemi ʋakafa, ʋaneŋge curu cimŋe caʋarume naʋakadzi.

⁵⁰Ɀino Abimereki akaenda Tebezi, akamisa misasa yaʋo paTebezi, akarikunda.

⁵¹Asi mukati meguta makaŋga munoruȿiŋgo rwakaŋga rwakasimba, ʋarume naʋakadzi ʋose ʋakatizira’mo, ʋose ʋakaŋga ʋari muguta ʋakaɀipfigira’mo, ʋakakwira kuɗeŋga roruȿiŋgo.

⁵²Abimereki akaȿika paruȿiŋgo, akarwa narwo, akasweɗera pedyo nomukoʋa woruȿiŋgo, kuti arupise nomŋoto.

⁵³Ipapo mumŋe mukadzi akakanda guyo pamusoro waAbimereki, akaputsa ɗehenya rake.

⁵⁴Ipapo akakurumidza kuɗana jaya raitakura nhumbi dzake dzokurwa nadzo, akati kwariri: Vomora munondo wako, undiʋuraye, kuti ʋanhu ʋarege kuzoti: Wakaʋurawa nomukadzi. Jaya rake rikamuɓaya, akafa.

⁵⁵Ɀino ʋarume ʋaIsraeri ʋakati ʋaciʋona kuti Abimereki wafa, ʋakaenda mumŋe nomumŋe kumba kwake.

⁵⁶Saiɀoɀo Mŋari akatsiʋa ɀakashata ɀaAbimereki ɀaakaitira ɓaɓa ʋake, ɀaakaʋuraya ʋana ʋaɓaɓa ʋake ʋanamakumi manomŋe,

⁵⁷neɀakashata ɀose ɀaʋarume ʋeShekemi ɀakatsibga naMŋari kwaʋari; kutuka kwaJotami mŋanakomana waJerubaari, kukaitika kwaʋari.