Read Original Shona Union Bible 1949 Baiberi Magwaro Matȿene aMŋari II Johane 1 Bible Online

II Johane 1 - Original Shona Union Bible 1949 Baiberi Magwaro Matȿene aMŋari bible

II Johane 1

¹Mukuru kunamai ʋakasanaŋgurwa naʋana ʋaʋo ʋandinoɗa neɀokwaɗi; ndisati ndiri ini ndoga, asi naʋose ʋo ʋanoziʋa ɀokwaɗi;

²nokuɗa kweɀokwaɗi, inogara matiri, icagara ʋo nesu nokusiŋgaperi.

³Nyasha, neŋgoni, norugare ɀicaʋa nesu, ɀinobva kunaMŋari Ƃaɓa, nokunaJesu Kristu, Mŋanakomana waƂaɓa, muɀokwaɗi noruɗo.

⁴Ndinofara ɀikuru, nokuti ndakawana ʋamŋe ʋana ʋenyu ʋacifamba muɀokwaɗi, seɀatakarairwa naƂaɓa.

⁵Ɀino ndinokumbira kwamuri, mai, ndisiŋgaiti sendinokunyorerai murairo mutȿa, asi uyo watakaŋga tinawo kubva pakutaŋga, wokuti tiɗane.

⁶Ndirwo ruɗo, kuti tifambe nemirairo yake. Ndiwoyu murairo, seɀamakanzwa kubva pakutaŋga, kuti mufambe mauri.

⁷Nokuti ʋanyeŋgeri ʋazhinji ʋakaɓuɗira munyika, ʋasiŋgapupuri kuti Jesu Kristu wakaʋuya panyama. Ndiye munyeŋgeri naantikristu.

⁸Ɀicenjerei imi, kuti murege kurashikirwa neɀatakaɓatira, asi kuti mupiwe muɓairo wakakwana.

⁹Mumŋe nomumŋe, unotuŋgamirira ʋamŋe, asiŋgarambiri mukudzidzisa kwaKristu, haanaMŋari; asi uyo, unorambira mukudzidzisa, ndiye unaƂaɓa noMŋanakomana.

¹⁰Kana mumŋe aciʋuya kwamuri, asiŋgaʋuyi nokudzidzisa uku, musamugamucira mumba, kana kuti kwaari, Kwaziwa!

¹¹Nokuti unoti kwaari, Kwaziwa! unofambidzana naye pamaɓasa ake akaipa.

¹²Kunyaŋge ndineɀizhinji ɀandaiɗa kukunyorerai, handiɗi kunyora neŋwadi neiŋgi; asi ndinotarira kuti ndicaʋuya kwamuri, tigotaurirana nomuromo, kuti mufaro wenyu uzadziswe.

¹³Ʋana ʋomunuŋuna wenyu ʋakasanaŋgurwa ʋanokukwazisai.