Read Original Shona Union Bible 1949 Baiberi Magwaro Matȿene aMŋari Judasi 1 Bible Online

Judasi 1 - Original Shona Union Bible 1949 Baiberi Magwaro Matȿene aMŋari bible

Judasi 1

¹Judasi, muranda waJesu Kristu, munuŋuna waJakobo, kunaʋakaɗanwa, ʋakaɗikanwa munaMŋari Ƃaɓa, ʋakaceŋgetererwa Jesu Kristu:

²Ŋgoni, norugare, noruɗo ŋgaɀiwanzwe kwamuri.

³Ʋaɗikanwa, ndakati ndicishiŋgaira ɀikuru kukunyorerai pamsoro pokuponeswa kweɗu tose, ndakaʋona kuti ndinofanira kukunyorerai, ndicikurairai kuti murwire kwaɀo kutenda kwakaɗeya kupiwa ʋatȿene kamŋe.

⁴Nokuti kunaʋamŋe ʋarume ʋakapinda pakaʋanda, ʋakagara ʋaisirwa kare kutoŋgwa uku, ʋanhu ʋasiŋgaɗi Mŋari, ʋanoshandura nyasha dzaMŋari weɗu ʋacidziita ʋutere, ʋaciramba Tenzi uyu mumŋe cete, Ishe weɗu Jesu Kristu.

⁵Ɀino ndinoɗa kukuyeʋudzai, kunyaŋge maiɀiziʋa henyu kamŋe kare ɀose, kuti Ishe, wakati amborwira ʋanhu munyika yeEgipita, akazoparadza aʋo ʋakaŋga ʋasiŋgatendi.

⁶Naʋatumŋa, ʋasinakuceŋgeta ʋukuru bgaʋo, asi ʋakasiya paʋaifanira kugara, wakaʋaceŋgeta muɀisuŋgo ɀisiŋgaperi pasi perima guru kuȿikira pakutoŋgwa kwezuʋa guru;

⁷seSodoma neGomora, namaguta akapoteredza, akaɀipa kwaɀo saiʋo kuʋupombge nokuteʋera imŋe nyama, akaitwa ciratidzo, akarobga nomŋoto usiŋgaperi.

⁸Kunyaŋge ɀakaɗaro, ʋanhu aʋa pakurota kwaʋo ʋanoȿiɓisa nyama yaʋo saiɀoɀo, ʋaciramba ʋukuru, nokutuka aʋo ʋanokubginya.

⁹Asi Mikaeri, mutumŋa mukuru, ŋguʋa yaakarwa naDiaborosi, akaita nharo naye pamsoro ʋomuʋiri waMosesi, wakatya kumupa mhoȿa namashoko okutuka, asi wakati: Ishe ŋgaakuraire.

¹⁰Asi ʋanhu aʋa ʋanotuka ɀaʋasiŋgaziʋi; napaɀinhu iɀo, ɀaʋanonzwisisa kubva pakuɓerekwa kwaʋo, semhuka dzisiŋgaziʋi, ʋanoparadzwa paɀiri.

¹¹Ʋanenhamo, nokuti ʋakafamba nenzira yaKaini, ʋakapeŋgera kukutsauka kwaBarami nokuɗa kwomuɓairo, ʋakaparadzwa nokukakaʋara kwaKora.

¹²Ʋanhu aʋa mabge akaʋanzika pamitambo yenyu yoruɗo, kana ʋodya nemi ʋasiŋgatyi, ʋafudzi ʋanoŋgoɀifudza iʋo; makore asinemvura, anotinhwa nemhepo; miti yecando isineɀiɓereko, yakafa kaʋiri, yakadzurwa nemidzi;

¹³mafuŋgu eguŋgwa anopeŋga, anopupuma nyadzi dzawo; nyeredzi dzinofamba‐famba, ʋakaceŋgetererwa kuȿiɓa kwerima nokusiŋgaperi.

¹⁴Enoki, wecinomŋe kubva kunaAdama, wakaprofitera iʋaʋa, aciti: Tarira, Ishe wakaʋuya naʋatȿene ʋake ʋaneɀuru ɀamazana,

¹⁵kuti atoŋge ʋose, nokuroʋa ʋose ʋasiŋgaɗi Mŋari pamsoro pamaɓasa aʋo ose okusaɗa Mŋari, aʋakaita nokusaɗa kwaʋo Mŋari, napamsoro pamashoko ose makukutu akataurwa naʋatadzi ʋasiŋgaɗi Mŋari.

¹⁶Iʋo ʋaŋuŋuni naʋasiŋgatendi neɀavanaɀo, ʋanofamba nokuciʋa kwaʋo; (miromo yaʋo inotaura mashoko okuɀikudza), ʋacikudza ʋanhu nokuɗa kwokufumiswa.

¹⁷Asi imi ʋaɗikanwa, raŋgarirai mashoko akaɗeya kutaurwa naʋaapostora ʋaShe weɗu, Jesu Kristu;

¹⁸kuti ʋakakuʋudzai kuti neŋguʋa yokupedzisira ʋaseki ʋacaʋa’ko, ʋanofamba nokuciʋa kwaʋo ʋasiŋgaɗi Mŋari.

¹⁹Ndiʋo ʋanoparadzansia, ndoʋenyama, ʋasinoMŋeya.

²⁰Asi imi ʋaɗikanwa, muɀiʋake pakutenda kwenyu kutȿene‐tȿene, munyeŋgetere muMŋeya Mutȿene,

²¹muɀiceŋgete muruɗo rwaMŋari, mucitarira ŋgoni dzaShe weɗu, Jesu Kristu, muʋe noʋupenyu bgusiŋgaperi.

²²Iʋai neŋgoni naʋamŋe ʋanenyunyuto,

²³muʋaponese muciʋabvuta pamŋoto; ʋamŋe muʋe neŋgoni naʋo nokutya, muciʋeŋga kunyaŋge neŋguʋo yakaȿiɓiswa nenyama.

²⁴Ɀino kunaiye unogona kukuceŋgetai, kuti murege kugumburwa, nokukuisai pamberi pokubginya kwake musinacamuŋgapomerwa, mucifara kwaɀo,

²⁵kunaMŋari iye mumŋe, Muponesi weɗu, naJesu Kristu, Ishe weɗu, ŋgakuʋe kubginya, noʋumambo, nesimba, noʋushe, ŋguʋa isati yaʋa’po, naɀino, nokusiŋgaperi. Ameni.