Read Original Shona Union Bible 1949 Baiberi Magwaro Matȿene aMŋari Ɀakazarurwa 1 Bible Online

Ɀakazarurwa 1 - Original Shona Union Bible 1949 Baiberi Magwaro Matȿene aMŋari bible

Ɀakazarurwa 1

¹Ɀakazarurwa ɀaJesu Kristu, ɀaakapiwa naMŋari, kuti aratidze ʋaranda ʋake ɀinhu iɀo ɀinofanira kukurumidza kuitwa; akaɀituma nomutumŋa wake, ndokuziʋisa muranda wake Johane;

²wakapupurira shoko raMŋari, neɀokupupura kwaJesu Kristu, acireʋa ɀose ɀaakaʋona.

³Wakaropafadzwa uyo unoraʋa, naʋanonzwa mashoko okuprofita, ʋaciceŋgeta ɀakanyorwa imomo, nokuti ŋguʋa yaʋa pedyo.

⁴Johane kukereke nomŋe dziri paAsia: Nyasha ngadziʋe nemi, norugare, ɀinobva kunaiye uri’po, wakaŋga ari’po, noucazoʋa’po; nokunemŋeya minomŋe iri pamberi pecigaro cake coʋushe;

⁵nokunaJesu Kristu, capupu cakatendeka, ɗaŋgwe kuʋakafa, muɓati wamadzishe enyika. Kunaiye unotiɗa, akatisunuŋgura paɀiʋi ɀeɗu neropa rake,

⁶akatiita ʋushe, naʋaprista kunaMŋari naƂaɓa ʋake, kwaari ŋgakuʋe kubginya nesimba nokusiŋgaperi‐peri. Ameni.

⁷Tarirai, unoʋuya namakore, meso ose acamuʋona, naiʋo ʋakamuɓaya; marudzi ose enyika acamucema. Hoŋo, Ameni.

⁸Ndini Arfa neOmega, ndiɀo ɀinoreʋa Ishe Mŋari, uri’po, wakaŋga ari’po, noucazoʋa’po, wamasimba ose.

⁹Ini Johane, hama yenyu, mugoʋerani pamŋe cete nemi pakutambudzika, noʋushe, nokutsuŋgirira munaJesu, ndakaŋga ndiri paciwi cinonzi Patmosi, nokuɗa kweshoko raMŋari, nokwokupupura kwaJesu.

¹⁰Ndakaŋga ndiri muMŋeya nezuʋa raShe, ndikanzwa shure kwaŋgu inzwi guru, rineŋge serehwamanda,

¹¹riciti: Iɀo ɀaunoʋona, ɀinyore mubuku, uɀitumire kereke nomŋe, paEfeso, napaSmirna, napaPergamo, napaTiatira, napaSardisi, napaFiraderfia, napaRaodikia.

¹²Ndikatendeʋuka kuti ndiʋone inzwi rakataura neni. Ndakati ndatendeʋuka, ndikaʋona ɀigadziko ɀemŋenje ɀinomŋe ɀendarama;

¹³napakati peɀigadziko ɀemŋenje, mumŋe wakafanana noMŋanakomana womunhu, akafuka ŋguʋo yakaȿikira kutsoka, akaɀisuŋga napacifuʋa nebanhire rendarama.

¹⁴Musoro wake nevudzi rake ɀakaŋga ɀiri ɀicena samakushe macena, secando; meso ake akaita somuraɀo womŋoto;

¹⁵tsoka dzake dzakaŋga dzakafanana nesafuri inopenya, ineŋge yakanatswa muʋira; inzwi rake rakaŋga rakaita senzwi remvura zhinji.

¹⁶Muruʋoko rwake rworudyi wakaŋga akaɓata nyeredzi nomŋe; mumuromo make makaɓuɗa munondo unopinza, unoceka kwose; ciso cake caiʋa sezuʋa rinopenya nesimba raro.

¹⁷Ndakati ndicimuʋona, ndikawira pasi patsoka dzake sendineŋge ndafa; akaisa ruʋoko rwake rworudyi pamsoro paŋgu, akati: Usatya, ndini wokutaŋga nowokupedzisira,

¹⁸naiye Mupenyu; ndakaŋga ndafa, tarira, ndiri mupenyu nokusiŋgaperi‐peri; ndinekiyi dzorufu neHadesi.

¹⁹Naiɀoɀo nyora ɀawaʋona, neɀiri’po, neɀicazoʋa’po shure kwaiɀoɀi;

²⁰ɀakaʋanzika ɀenyeredzi nomŋe dzawaʋona muruʋoko rworudyi rwaŋgu, neɀigadziko ɀemŋenje ɀinomŋe ɀendarama. Nyeredzi nomŋe ndiʋo ʋatumŋa ʋekereke nomŋe; neɀigadziko ɀemŋenje ɀinomŋe ndidzo kereke nomŋe.